മഴക്കാല ആരോഗ്യത്തിന് പച്ചക്കറി സൂപ്പ്

Recipes

oi-Saritha

Posted By: Veena

Published: Monday, June 18, 2012, 13:28 [IST]

പുറത്തു നല്ല മഴ. ചൂടോടെ എന്തെങ്കിലും കുടിച്ചാലോ. സൂപ്പാവട്ടെ, പച്ചക്കറി സൂപ്പ്. ഉണ്ടാക്കാനും എളുപ്പം, ആരോഗ്യവും നന്നാവും.

തക്കാളി-5 (അരിഞ്ഞത്)
ക്യാരറ്റ്-2 ചെറിയ കഷ്ണങ്ങളാക്കിയത്
ബീന്‍സ്-അരക്കപ്പ് (പൊടിയായി അരിഞ്ഞത്)
ക്യാബേജ്-പൊടിയായി അരിഞ്ഞത്
പാല്‍-ഒരു കപ്പ്്
വെണ്ണ-1 സ്പൂണ്‍
മൈദ- ഒരു സ്പൂണ്‍
ഉപ്പ്
കുരുമുളകു പൊടി

പച്ചക്കറികള്‍ ഒരുമിച്ച് പ്രഷര്‍ കുക്കറിലാക്കി മൂന്നു കപ്പ് വെള്ളം ചേര്‍ത്ത് നല്ലപോലെ വേവിയ്ക്കുക. ഇത് വലിയ കണ്ണുള്ള അരിപ്പയില്‍ വച്ച് വേവിക്കണം.

സൂപ്പിന് വേണ്ട വൈറ്റ് സോസുണ്ടാക്കുകയാണ് അടുത്തതായി വേണ്ടത്. ഇതിനായി ഒരു ചീനച്ചട്ടി ചൂടാക്കുക. ഇതിലേക്ക് വെണ്ണയിട്ട് ഉരുക്കുക. മൈദയും ചേര്‍ത്ത് നല്ലപോലെ ഇളക്കണം. ഇതിലേക്ക് പാല്‍ കൂടിയൊഴിച്ച് നല്ലപോലെ ഇളക്കിക്കൊണ്ടിരിക്കണം. ഒരുവിധം കുറുകുമ്പോള്‍ വാങ്ങി വയ്ക്കണം.

അരിച്ചു വച്ചിരിക്കുന്ന സൂപ്പിലേക്ക് രണ്ടുമൂന്നു കപ്പ് വെള്ളം ഒഴിയ്ക്കുക. ഇത് അടുപ്പില്‍ വച്ച് നല്ലപോലെ തിളപ്പിക്കുക. ഇതിലേക്ക് വൈറ്റ് സോസ് ഒഴിച്ച് ഒന്നു തിളച്ചാലുടന്‍ വാങ്ങി വയ്ക്കാം. സൂപ്പ് ഒരുവിധം കുറുകിയിരിക്കണം.

തയ്യാറാക്കി വച്ച സൂപ്പിലേക്ക് മല്ലിയില ഇടുക. ഉപ്പും കുരുമുളകുപൊടിയും വിതറി ചൂടോടെ ഉപയോഗിക്കാം.