ഹരിയാലി ടിക്കി

സ്വാദും ഒപ്പം പോഷകവുമുള്ള ഈ നോര്‍ത്തിന്ത്യന്‍ വിഭവം ഒന്നു പരീക്ഷിച്ചു നോക്കൂ. ഉരുളക്കിഴങ്ങാണ് പ്രധാന ചേരുവ.

ഉരുളക്കിഴങ്ങ്-4
ഗ്രീന്‍പീസ്-അരക്കപ്പ്
സവാള-1
ചീര-അരക്കപ്പ്
പച്ചമുളക്-6
ഇഞ്ചി- ചെറിയ കഷ്ണം
കോണ്‍ഫ്‌ളോര്‍-2 സ്പൂണ്‍
ചാട്ട് മസാല-1 സ്പൂണ്‍
മഞ്ഞള്‍പ്പൊടി-അര സ്പൂണ്‍
മല്ലിയില
ഉപ്പ്
എണ്ണ

ഉരുളക്കിഴങ്ങ പുഴുങ്ങി തോലി കളഞ്ഞെടുക്കുക. ഇത് നല്ലപോലെ ഉടയ്ക്കണം. ഗ്രീന്‍പീസും വേവിച്ചുടയ്ക്കുക. ചീര നല്ലപോലെ കഴുകി ചെറുതായി അരിഞ്ഞെടുക്കണം. സവാള ചെറുതായി അരിയുക. ഇവയെല്ലാം കൂടി നല്ലപോലെ കൂട്ടിച്ചേര്‍ക്കുക. ഇതിലേക്ക്് മല്ലിയില, ഉപ്പ്, പച്ചമുളക്, മഞ്ഞള്‍പ്പൊടി, ചാട്ട് മസാല, കോണ്‍ഫ്‌ളോര്‍ എന്നിവ ചേര്‍ത്തിളക്കുക.

ചീനച്ചട്ടിയില്‍ എണ്ണ തിളപ്പിക്കുക. തയ്യാറാക്കി വച്ചിരിക്കുന്ന മിശ്രിതം ഓരോ ഉരുളകളാക്കി കൈകളില്‍ വച്ച് അല്‍പം പരത്തി എണ്ണയിട്ടു വറുത്തു കോരുക. മൊരിയും വരെ വറുക്കണം.

സോസ്, പുതിന ചട്‌നി എന്നിവ ചേര്‍ത്ത് കഴിയ്ക്കാം.

മേമ്പൊടി

ചുവന്ന ചീരയ്ക്കു പകരം പച്ചച്ചീര ഉപയോഗിക്കുന്നതാണ് ഹരിയാലി ടിക്കിയ്ക്കു നല്ലത്.