വിശപ്പകറ്റാന്‍ പനീര്‍ പക്കോഡയും

Recipes

oi-Saritha

Posted By: Veena

Published: Thursday, June 7, 2012, 16:30 [IST]

മഴക്കാലം. കുട്ടികള്‍ വിശന്നു വരുമ്പോള്‍ പോഷകങ്ങള്‍ നിറഞ്ഞ സ്‌നാക്‌സ് നല്‍കിയാലോ. പനീര്‍ പക്കോഡ എങ്ങനെയുണ്ടാക്കാമെന്നു നോക്കൂ.

പനീര്-അരക്കിലോ
കടലമാവ്-ഒന്നരക്കപ്പ്
പച്ചമുളക്-നാല്
മഞ്ഞള്‍പ്പൊടി-അര സ്പൂണ്‍
മുളകുപൊടി-1 സ്പൂണ്‍
ഉപ്പ്
എണ്ണ
മല്ലിയില

പച്ചമുളക് അരിഞ്ഞ് കടലമാവില്‍ ഇടുക. എണ്ണയൊഴികെയുള്ള മറ്റെല്ലാ മസാലകളും ചേര്‍ക്കുക. ആവശ്യത്തിന് വെള്ളം ചേര്‍ത്ത് ഇത് കുഴമ്പു രൂപത്തിലാക്കുക. മല്ലിയില ചെറുതായി അരിഞ്ഞിട്ട് ഇളക്കണം.

പനീര്‍ ചെറിയ കഷ്ണങ്ങളായി മുറിയ്ക്കണം. ചീനച്ചട്ടിയില്‍ വെളിച്ചെണ്ണ തിളപ്പിക്കുക. പനീര്‍ കഷ്ണങ്ങള്‍ ഓരോന്നു വീതം എടുത്ത് മാവില്‍ മുക്കി വെളിച്ചെണ്ണയില്‍ ഇട്ട് വറുത്തെടുക്കണം. ഇളം ബ്രൗണ്‍ നിറമാകുന്നതു വരെ ഇവ വറുക്കുകയും വേണം.

സോസ് ചേര്‍ത്ത് കഴിയ്ക്കാം

മേമ്പൊടി

പനീര്‍ കഷ്ണങ്ങള്‍ അല്‍പനേരം മാവില്‍ പുരട്ടി വയ്ക്കുന്നത് നല്ലതായിരിക്കും.