പച്ചമാങ്ങ കിച്ചടി

Recipes

oi-Saritha

Posted By: Veena

Published: Thursday, May 24, 2012, 15:52 [IST]

മാങ്ങ ധാരാളം ലഭിക്കുന്ന കാലമാണ്. ഊണിന് ഒരു പച്ചമാങ്ങാ കിച്ചഡി ഉണ്ടാക്കിയാലോ.

പച്ചമാങ്ങ-1
തൈര്-ഒന്നര കപ്പ്
പച്ചമുളക്-4
തേങ്ങ ചിരകിയത്-കാല്‍മുറി
വറ്റല്‍ മുളക്-2
കടുക്-അര സ്പൂണ്‍
ഉലുവ-കാല്‍ സ്പൂണ്‍
ഉപ്പ്
കറിവേപ്പില
വെളിച്ചെണ്ണ

പച്ചമാങ്ങ തൊലി കളഞ്ഞ് ചെറിയ കഷ്ണങ്ങളാക്കി നുറുക്കുക. ഇതില്‍ ഉപ്പും പാകത്തിന് വെള്ളവും ചേര്‍ത്ത് വേവിക്കണം. ഇതിലേക്ക് തൈര് നല്ലപോലെ ഉടച്ചു ചേര്‍ക്കണം.

തേങ്ങാ ചിരകിയതില്‍ പച്ചമുളക്, ജീരകം എന്നിവ ചേര്‍ത്ത് അരച്ചെടുക്കുക. തൈര് പതഞ്ഞുവരുമ്പോള്‍ അരച്ച തേങ്ങാ മിശ്രിതം കറിയിലേക്കു ചേര്‍ക്കണം. ഇത് ഒരുവിധം തിളപ്പാകുമ്പോള്‍ വാങ്ങി വയ്ക്കുക.

ചീനച്ചട്ടിയില്‍ എണ്ണ ചൂടാക്കി കടുക്, ഉലുവ, വറ്റല്‍ മുളക്, കറിവേപ്പില എന്നിവ ചേര്‍ത്ത് വറുത്തിടുക.

ചോറിനൊപ്പം കഴിയ്ക്കാം