സ്വാദ്, ചൂട്, എരിവ്, ഫിഷ് ടിക്ക

Recipes

oi-Saritha

Posted By: Veena

Published: Monday, May 7, 2012, 11:41 [IST]

പൊതുവെ ആരോഗ്യവശങ്ങള്‍ ധാരാളമുള്ളൊരു ഭക്ഷണപദാര്‍ത്ഥമാണ് മീന്‍. ഫിഷ് ടിക്ക ഉണ്ടാക്കി നോക്കൂ.

മീന്‍-അരക്കിലോ
സവാള-1
ഇഞ്ചി, വെളുത്തുള്ളി പേസ്റ്റ്-1 സ്പൂണ്‍
കടലമാവ്-മൂന്നു സ്പൂണ്‍
ഗരം മസാല-2 സ്പൂണ്‍
ജീരകപ്പൊടി-1 സ്പൂണ്‍
കുരുമുളകു പൊടി-അര സ്പൂണ്‍
പെരുഞ്ചീരകപ്പൊടി-അര സ്പൂണ്‍
മുളകുപൊടി-1 സ്പൂണ്‍
ചെറുനാരങ്ങാനീര്-രണ്ടു സ്പൂണ്‍
പുതിന ചട്‌നി-5 സ്പൂണ്‍
തൈര്-2 സ്പൂണ്‍
ഉപ്പ്
എണ്ണ

തൈരില്‍ മീനും സവാളയും എണ്ണയും ഒഴിയകെയുള്ള എല്ലാ ചേരുവകളും ചേര്‍ത്ത് കുഴമ്പാക്കുക. കഴുകി വൃത്തിയാക്കിയ മീന്‍ കഷ്ണങ്ങള്‍ ഇതില്‍ 2 മണിക്കൂര്‍ ഇട്ടു വയ്ക്കണം.

ഒരു ചീനച്ചട്ടിയില്‍ എണ്ണ തിളപ്പിക്കുക. മീന്‍ കഷ്ണങ്ങള്‍ ഇതിലേക്കിട്ട് ബ്രൗണ്‍ നിറമാകുന്നതു വരെ വറുത്തെടുക്കുക.

ഇതിലേക്ക് അല്‍പം ചെറുനാരങ്ങാനീര് പിഴിഞ്ഞൊഴിക്കുക. സവാള കൊണ്ട് അലങ്കരിക്കാം. പുതിനി ചട്‌നി കൂട്ടി കഴിയ്ക്കാന്‍ നന്നായിരിക്കും..

മേമ്പൊടി

പുതിന ചട്‌നിക്കു പകരം മല്ലിയില ചട്‌നിയും ഫിഷ് ടിക്കയ്ക്കുള്ള കൂട്ടില്‍ ചേര്‍ക്കാം. അധികം മുള്ളില്ലാത്ത, മാംസളമായ മീനുകളായിരിക്കും ഫിഷ് ടിക്കക്ക് നല്ലത്. വറുത്തെടുക്കാന്‍ താല്‍പര്യമില്ലാത്തവര്‍ക്ക് ഇത് ഓവനില്‍ വച്ച് ഗ്രില്‍ ചെയ്തും കഴിയ്ക്കാം.