യോനീസ്രവത്തിന്റെ പ്രത്യുല്‍പാദശേഷി കൂട്ടാം

വെള്ളം

സെര്‍വിക്കല്‍ മ്യൂകസില്‍ 96 ശതമാനവും വെള്ളമാണ്. ഇതു കൊണ്ടു തന്നെ ധാരാളം വെള്ളം കുടിയ്ക്കുന്നത് യോനീസ്രവത്തിന്റെ ഗുണം മെച്ചപ്പെടുത്താന്‍ സഹായിക്കുന്ന ഒന്നാണ്. ഇതിന്റെ അളവും വര്‍ദ്ധിയ്ക്കാന്‍ വെള്ളം കുടിയ്ക്കുന്നതു സഹായിക്കും.

എസന്‍ഷ്യല്‍ അമിനോ ആസിഡുകള്‍

എസന്‍ഷ്യല്‍ അമിനോ ആസിഡുകള്‍ സെര്‍വിക്കല്‍ മ്യൂകസ് ആരോഗ്യത്തിന് പ്രധാനമാണ്. ഇത് യൂട്രസിലേയ്ക്കുള്ള രക്തപ്രവാഹം വര്‍ദ്ധിപ്പിയ്ക്കുന്നു. ഹോര്‍മോണ്‍ പ്രക്രിയകള്‍ കൃത്യമായി നടക്കാന്‍ സഹായിക്കുന്നു. ഒമേഗ 3, 6, 9 ഫാറ്റി ആസിഡുകള്‍ ഏറെ പ്രധാനപ്പെട്ട ഒന്നാണ്.

ഗ്രേപ്ഫ്രൂട്ട് ജ്യൂസ്

ഗ്രേപ്ഫ്രൂട്ട് ജ്യൂസ് കുടിയ്ക്കുന്നത് ഏറെ നല്ലതാണ്. ഇത് സെര്‍വിക്കല്‍ മ്യൂകസിന്റെ പ്രത്യുല്‍പാദന ക്ഷമത വര്‍ദ്ധിപ്പിയ്ക്കുവാന്‍ ഏറെ നല്ലതാണ്. ഓവുലേഷന് ഒരാഴ്ച മുന്‍പായി ഇത് ഒരു ഗ്ലാസ് കുടിയ്ക്കുന്നത് ഏറെ നല്ലതാണ്. ഇതുപോലെ ഇലക്കറികള്‍ കഴിയ്ക്കുന്നത് ഏറെ നല്ലതാണ്. പ്രത്യേകിച്ചും പച്ച നിറത്തിലെ പച്ചക്കറികള്‍. വൈറ്റമിന്‍ സിയും യോനീസ്രവത്തിന് കരുത്തു നല്‍കുന്ന ഒന്നാണ്. ഇതടങ്ങിയ ഭക്ഷണങ്ങള്‍ കഴിയ്ക്കാം.

ക്യാരറ്റ്

ക്യാരറ്റ് സെര്‍വിക്കല്‍ മ്യൂകസിന് ചേര്‍ന്നൊരു ഭക്ഷണ വസ്തുവാണ്. ഇതിലെ ബീറ്റാ കരോട്ടിനാണ് ഈ ഗുണം നല്‍കുന്നത്. ഇതിലെ വൈറ്റമിന്‍ എയും നല്ലതാണ്. വൈറ്റമിന്‍ എ മ്യൂകസ് ഗുണം വര്‍ദ്ധിപ്പിയ്ക്കുന്നു.

ചില ആയുര്‍വേദ സസ്യങ്ങളും

ചില ആയുര്‍വേദ സസ്യങ്ങളും സെര്‍വിക്കല്‍ മ്യൂകസിന്റെ ഗുണം വര്‍ദ്ധിപ്പിയ്ക്കുന്നവയാണ്. ഇതില്‍ ശതാവരി, അതിമധുരം തുടങ്ങിയവ ഉ്ള്‍പ്പെടുന്നു.ഇവ കഴിയ്ക്കാം.

നിക്കോട്ടിന്‍, കഫീന്‍

നിക്കോട്ടിന്‍, കഫീന്‍ തുടങ്ങിയവയ ഒഴിവാക്കുക. ഇതെല്ലാം സെര്‍വിക്കല്‍ മ്യൂകസിനെ വിപരീതമായി ബാധിയ്ക്കുന്ന ഘടകങ്ങളാണ്. ഇവ ഒഴിവാക്കുക തന്നെ വേണം. കഫീന്‍ പൂര്‍ണമായും ഒഴിവാക്കാന്‍ സാധിച്ചില്ലെങ്കിലും ഇതിന്റെ ഉപയോഗം കുറയ്ക്കുകയെങ്കിലും വേണം.

യോനീ ഭാഗത്ത്

യോനീ ഭാഗത്ത് സോപ്പുകളോ സുഗന്ധ ദ്രവ്യങ്ങളോ ലോഷനുകളോ അരുത്. ഇവയിലെ കെമിക്കലുകള്‍ ദോഷം വരുത്തുന്ന ഒന്നാണ്. ഇതുപോലെ കെമിക്കലുകള്‍ കലര്‍ന്ന ലൂബ്രിക്കന്റുകളും ഒഴിവാക്കുക.