വാവയ്ക്കു വളര്‍ച്ചയ്ക്കും ബുദ്ധിയ്ക്കും ഈ കുറുക്ക്

കുറുക്കുപൊടി

ബ്രൗണ്‍ അരി, റാഗി, ഗോതമ്പ്, ബദാം, പിസ്ത, ചെറുപയര്‍, കടല, കടലപ്പരിപ്പ്, കപ്പലണ്ടി, കുരുമുളക്, അയമോദകം, ജീരകം, വേപ്പില, ഇഞ്ചി എന്നിവയാണ് ഈ പ്രത്യേക കുറുക്കുപൊടി തയ്യാറാക്കാന്‍ വേണ്ടത്.

എന്നിവയും

കപ്പലണ്ടി തൊലി കളഞ്ഞത്, ബ്രൗണ്‍ അരി,ചെറുപയര്‍,, കടലപ്പരിപ്പ്, കടല, ബദാം, പിസ്ത എന്നിവ 50 ഗ്രാം, വീതം, ഗോതമ്പ് 125 ഗ്രാം, റാഗി 500 ഗ്രാം എന്നിവയാണ് ഈ പ്രത്യേക കുറുക്കു പൊടി തയ്യാറാക്കാന്‍ വേണ്ടത്. ഇതിനു പുറമേ ജീരകം 15 ഗ്രാം, അയമോദകം 15 ഗ്രാം, കറിവേപ്പില എണ്ണ ചേര്‍ക്കാതെ വറുത്തത് ഒരു പിടി, കുരുമുളക് 1 ടീസ്പൂണ്‍, ഇഞ്ചി 1 കഷ്ണം, , , എന്നിവയും വേണം.

കുട്ടിയ്ക്കു കാല്‍സ്യം

ഇതിലെ റാഗി കുട്ടിയ്ക്കു കാല്‍സ്യം നല്‍കുന്ന ഒന്നാണ്. കുഞ്ഞിന്റെ എല്ലിന്റെയും പല്ലിന്റെയും വളര്‍ച്ചയ്ക്കു മികച്ചതാണ്. ബദാം, പിസ്ത എന്ന മികച്ച ഡ്രൈ നട്‌സാണ്. പല ആരോഗ്യപരമായ ഗുണങ്ങള്‍ നല്‍കുന്ന ഒന്ന്. ബദാമിലെ ഫോസ്ഫറസ് കുട്ടികളുടെ എല്ലിന്റെയും പല്ലിന്റെയും ആരോഗ്യത്തിന് ഏറെ പ്രധാനമാണ്.

തലച്ചോറിന്റെ വികാസത്തിന്

ബദാമിലെ ആല്‍ക്കലി പ്രതിരോധശേഷി വളര്‍ത്താന്‍ ഏറെ നല്ലതാണ്.ഇതിലെ എല്‍ കാര്‍ട്ടിനൈന്‍, റൈബോഫ്‌ളേവിന്‍ എന്നിവ തലച്ചോറിന്റെ വികാസത്തിന് ഏറെ ഉത്തമമാണ്. ചെറുപയര്‍ പ്രോട്ടീന്‍ സമ്പുഷ്ടമാണ്. ഇതു ആരോഗ്യപരമായ പല ഗുണങ്ങളും കുഞ്ഞിന് നല്‍കുന്ന ഒന്നാണ്. ദിവസവും കുട്ടിയ്ക്കു ചെറുപയര്‍ നല്‍കുന്നത് പ്രോട്ടീന്‍ ആവശ്യം ഒരു പരിധി വരെ പൂര്‍ത്തീകരിയ്ക്കാന്‍ സഹായിക്കും.തൂക്കം വര്‍ദ്ധിപ്പിയ്ക്കാനും അമിത വണ്ണമില്ലാതെ പുഷ്ടി ലഭിയ്ക്കാനും ചെറുപയര്‍ ഏറെ നല്ലതാണ്.

ശരീരത്തിന്‌

കപ്പലണ്ടിയില്‍ 2.5 ഗ്രാം നാരുകളുണ്ട്‌. നമ്മുടെ ശരീരത്തിന്‌ ഒരു ദിവസം വേണ്ട നാരിന്റെ 10 ശതമാനം.ആന്റിഓക്‌സിഡന്റുകള്‍, വൈറ്റമിന്‍ ഇ എന്നിവയുടെ നല്ലൊരു ഉറവിടമാണ്‌.കടലയും കടലപ്പരിപ്പുമെല്ലാം ഇതുപോലെ കടലയും കടലപ്പരിപ്പുമെല്ലാം പ്രോട്ടീന്‍, വൈറ്റമിന്‍ സമ്പുഷ്ടമാണ്. ആരോഗ്യകരമായ തൂക്കം നില നിര്‍ത്തുന്നവയാണ് ഇവ. ശരീരത്തിനു മറ്റു പല ഗുണങ്ങള്‍ നല്‍കുന്നവയും. കപ്പലണ്ടിയില്‍ 2.5 ഗ്രാം നാരുകളുണ്ട്‌. നമ്മുടെ ശരീരത്തിന്‌ ഒരു ദിവസം വേണ്ട നാരിന്റെ 10 ശതമാനം.ആന്റിഓക്‌സിഡന്റുകള്‍, വൈറ്റമിന്‍ ഇ എന്നിവയുടെ നല്ലൊരു ഉറവിടമാണ്‌ കപ്പലണ്ടി.

ഇതില്‍

ഇതില്‍ ചേര്‍ക്കുന്ന ബാക്കിയുള്ള ചേരുവകളായ കുരുമുളക്, അയമോദകം, ജീരകം, കറിവേപ്പില, ഇഞ്ചി തുടങ്ങിയവ ദഹനത്തിനും പ്രതിരോധ ശേഷി വര്‍ദ്ധിപ്പിയ്ക്കാനും മറ്റ് ഒരു പിടി ആരോഗ്യ ഗുണങ്ങള്‍ നല്‍കാനും ഏറെ നല്ലതാണ്.

ഇവയെല്ലാം

ഇവയെല്ലാം കൂടി ഉണക്കുക. വെയിലില്‍ വച്ചും ഉണക്കാം. നല്ല പോലെ ഉണക്കിപ്പൊടിച്ച് വായു കടക്കാത്ത ടിന്നില്‍ അടച്ചു വയ്ക്കാം. ഇതില്‍ നിന്നും ആവശ്യത്തിന് എടുത്ത് പാലിലോ അല്ലെങ്കില്‍ വെള്ളത്തിലോ പനംചക്കരയോ കല്‍ക്കണ്ടമോ ചേര്‍ത്തു കുറുക്കി നല്‍കാം. വെള്ളമാണ് നല്ലത്. പാലാണ് ഉപയോഗിയ്ക്കുന്നതെങ്കില്‍ ഇതിനിരട്ടി വെള്ളം കൂടി ചേര്‍ത്തു വേണം, കുറുക്കുണ്ടാക്കാന്‍.

സ്വാദിഷ്ടവും പോഷക സമൃദ്ധവുമായ ഈ കുറുക്ക്

കുട്ടിയുടെ ശരീരത്തിന്റെ മാത്രമല്ല, തലച്ചോറിന്റെ വളര്‍ച്ചയ്ക്കും ഏറെ പ്രധാനമാണ്. പ്രതിരോധ ശേഷിയ്ക്കും ഊര്‍ജത്തിനുമെല്ലാം സഹായിക്കുന്ന പ്രത്യേക കുറുക്കു പൗഡറാണിത്.