ഗർഭം ധരിക്കാൻ തടസ്സമോ, പ്രധാന കാരണം ഇങ്ങനെയാണ്

എന്താണ് സെക്കന്‍ററി ഇൻഫെർട്ടിലിറ്റി?

എന്താണ് സെക്കന്‍ററി ഇൻഫെർട്ടിലിറ്റി എന്ന് നിങ്ങൾക്കറിയുമോ? ഗർഭധാരണത്തിന് നിരന്തരം ആറുമാസം ശ്രമിച്ചിട്ടും ഗർഭധാരണ ഗുളികകൾ ഒന്നും ഉപയോഗിക്കാതിരുന്നിട്ടും പ്രായം 35-ന് താഴെയായിട്ടും നിങ്ങളിൽ ഗർഭധാരണം നടന്നിട്ടില്ലെങ്കിൽ അതിനെ പറയുന്നതാണ് സെക്കന്‍ററി ഇൻഫെര്‍ട്ടിലിറ്റി. എന്നാൽ ഇതിൽ ഏറ്റവും പ്രധാനപ്പെട്ട ഒരു കാര്യം എന്ന് പറയുന്നത് മുൻപ് നടന്ന ഗർഭധാരണമാണ്. ഇവരിൽ ആദ്യ പ്രഗ്നൻസി പലപ്പോഴും അബോർഷൻ, മിസ്കാര്യേജ്, എക്ടോപിക് പ്രഗ്നൻസി, എന്നിവയായിരിക്കും. ഇത്തരക്കാരിലാണ് പലപ്പോഴും സെക്കന്‍ററി ഇൻഫെർട്ടിലിറ്റിക്കുള്ള സാധ്യത വളരെയധികം കൂടുന്നത്.

കാരണങ്ങൾ

എന്തൊക്കെയാണ് സെക്കന്‍ററി ഇൻഫെർട്ടിലിറ്റിക്കുള്ള കാരണങ്ങൾ എന്നുള്ളത് വളരെയധികം ശ്രദ്ധേയമായ ഒന്നാണ്. പ്രൈമറി ഇൻഫെർട്ടിലിറ്റി ചികിത്സിച്ച് മാറ്റുന്നത് പോലെ തന്നെ ഈ വന്ധ്യതയേയും ചികിത്സിച്ച് മാറ്റാവുന്നതാണ്. ഇത് പെട്ടെന്ന് തന്നെ കണ്ടെത്തി ചികിത്സിച്ചാൽ പൂർണമായും ഇല്ലാതാക്കാവുന്നതാണ്. എന്തൊക്കെയാണ് ഇതിന്‍റെ കാരണങ്ങൾ എന്ന് നമുക്ക് നോക്കാവുന്നതാണ്. അത് തിരിച്ചറിഞ്ഞാൽ ഉടനേ തന്നെ ചികിത്സയും പ്രാവര്‍ത്തികമാക്കാവുന്നതാണ്.

എന്തെങ്കിലും തരത്തിലുള്ള രോഗങ്ങൾ

എന്തെങ്കിലും തരത്തിലുള്ള രോഗങ്ങൾ നിങ്ങളിൽ ഉണ്ടെങ്കിൽ അത് എന്താണെന്ന് ആദ്യം രോഗനിർണയം നടത്തേണ്ടത് അത്യാവശ്യമാണ്. ലൈംഗിക ജന്യരോഗങ്ങൾ, എന്തെങ്കിലും തരത്തിലുള്ള സർജറികൾ, ഹോര്‍മോണ്‍ മാറ്റങ്ങള്‍ എല്ലാം ഇത്തരത്തിൽ നിങ്ങളിൽ സെക്കന്‍റ് ഇൻഫെര്‍ട്ടിലിറ്റിക്കുള്ള സാധ്യത വർദ്ധിപ്പിക്കുകയാണ് ചെയ്യുന്നത്. ഇത് കൂടാതെ നിങ്ങളുടെ പ്രായവും വളരെയധികം പ്രധാനപ്പെട്ട ഒരു ഘടകമാണ്. ഇത് തിരിച്ചറിഞ്ഞ് ചികിത്സിച്ചാൽ ഒരു പരിധി വരെ ഈ അവസ്ഥയെ നമുക്ക് പരിഹരിക്കാവുന്നതാണ്.

സ്ത്രീകളിൽ

സ്ത്രീകളിൽ സെക്കന്‍ററി ഇൻഫെര്‍ട്ടിലിറ്റിക്ക് പല വിധത്തിലുള്ള കാരണങ്ങൾ ഉണ്ട്. പെൽവിക് ഏരിയയിൽ ഉള്ള പ്രശ്നങ്ങൾ, പിസിഓഎസ്, എൻഡോമെട്രിയോസിസ്, അബോർഷൻ, ആര്‍ത്തവ ചക്രത്തിലെ ക്രമക്കേടുകൾ, ഓവുലേഷൻ പ്രശ്നങ്ങൾ എന്നിവയൊക്കെ പലപ്പോഴും സ്ത്രീകളിൽ സെക്കന്‍ററി ഇൻഫെര്‍ട്ടിലിറ്റിക്ക് കാരണമാകുന്നുണ്ട്. അതുകൊണ്ട് വന്ധ്യതക്ക് പരിഹാരം കാണുന്നതിന് വേണ്ടി ശ്രമിക്കുമ്പോൾ ഇത്തരം രോഗങ്ങൾക്കാണ് ആദ്യം ചികിത്സ തേടേണ്ടത്.

ബീജത്തിന്‍റെ കുറവ്‌

സ്ത്രീകളേക്കാൾ പുരുഷൻമാരെയാണ് വന്ധ്യതയെന്ന വില്ലൻ പെട്ടെന്ന് പിടികൂടുന്നത്. ഇവരിൽ ബീജത്തിന്‍റെ അളവിലും ആരോഗ്യത്തിലും എണ്ണത്തിലും ചലന ശേഷിയിലും ഉണ്ടാവുന്ന പ്രശ്നങ്ങള്‍ പെട്ടെന്ന് തന്നെ നിങ്ങളിൽ വന്ധ്യതയെന്ന അവസ്ഥയിലേക്ക് എത്തിക്കുന്നുണ്ട്. അതുകൊണ്ട് ഇതിനാണ് ആദ്യം ശ്രദ്ധ നല്‍കേണ്ടത്. ഇത്തരം പ്രശ്നങ്ങൾ ഉള്ളവരിൽ സെക്കന്‍റ് ഇൻഫെര്‍ട്ടിലിറ്റിക്കുള്ള സാധ്യത വളരെ കൂടുതലാണ്. അതുകൊണ്ട് വളരെയധികം ശ്രദ്ധിക്കേണ്ടതായി വരുന്നുണ്ട്.

സ്ത്രീകളിൽ പ്രായം

സ്ത്രീകളിൽ പ്രായം എപ്പോഴും ഒരു വെല്ലുവിളി തന്നെയാണ്. 35 വയസ്സിന് ശേഷം ഗർഭധാരണത്തിന് ശ്രമിക്കുമ്പോൾ അത് അത്ര വിജയത്തിലേക്ക് എത്തണം എന്നില്ല. 35 വയസ്സിന് ശേഷം വന്ധ്യതക്ക് ഉള്ള സാധ്യത വളരെ കൂടുതലാണ്. വിവാഹം കഴിഞ്ഞ് ഒരു വർഷം കഴിഞ്ഞിട്ടും കുട്ടികൾ ആയില്ലെങ്കിൽ ഇവർ ഉടനേ തന്നെ ഡോക്ടറെ കണ്ട് വന്ധ്യത ചികിത്സ ആരംഭിക്കണം. ഇത്തരം കാര്യങ്ങൾ തിരിച്ചറിഞ്ഞ് വേണം രോഗനിർണയം നടത്തുന്നതിന്.

ശരീരഭാരം

ശരീരഭാരം വളരെയധികം പ്രതിസന്ധികൾ ഉണ്ടാക്കുന്നതാണ്. പ്രത്യേകിച്ച് സ്ത്രീകളിൽ ഇത് നിങ്ങളുടെ ശാരീരികവും മാനസികവുമായ അസ്വസ്ഥതകൾ വർദ്ധിപ്പിക്കുന്നുണ്ട്. അമിതവണ്ണമുള്ളവരിൽ ആർത്തവം കൃത്യമല്ലാത്തതും, ഓവുലേഷൻ പ്രശ്നങ്ങളും എല്ലാം വളരെയധികം ബാധിക്കുന്നുണ്ട്. ഈ അവസ്ഥക്കെല്ലാം പരിഹാരം കാണുന്നതിന് വേണ്ടി ആദ്യം അമിതവണ്ണത്തെ കുറക്കുകയാണ് ചെയ്യേണ്ടത്. ഇത്തരം കാര്യങ്ങൾ വളരെയധികം ശ്രദ്ധിക്കണം. വന്ധ്യതക്ക് കാരണമാകുന്ന ഈ അവസ്ഥയെ വേഗം തിരിച്ചറിയേണ്ടതാണ്.