ലൈംഗികബന്ധത്തിന് ശേഷം സ്പേം പുറത്തേക്കോ, ഗർഭതടസ്സം

ബന്ധപ്പെടുമ്പോൾ സ്പേം പുറത്തേക്ക് വരുന്നോ?

ഗർഭധാരണത്തിന് വേണ്ടി ശ്രമിക്കുമ്പോൾ ശാരീരിക ബന്ധത്തിന് ശേഷം സ്പേം പുറത്തേക്ക് വരുന്നതായി തോന്നുന്നുണ്ടോ? സാധാരണ ഇജാക്കുലേഷൻ സംഭവിക്കുമ്പോൾ 20-40 മില്ല്യൺ വരെ സ്പേം പുറത്തേക്ക് വരുന്നുണ്ട്. എന്നാല്‍ ഇജാക്കുലേഷന് ശേഷം പെട്ടെന്ന് തന്നെ 35% സ്പേം സെർവിക്സിലേക്ക് എത്തുന്നുണ്ട്. ഇത് നിങ്ങളുടെ ഫലോപിയൻ ട്യൂബിലേക്ക് എത്തുന്നതിന് വെറും ഒരു മിനിട്ട് സമയമാണ് എടുക്കുന്നത്. എന്നാൽ അൽപം സ്പൈം വജൈനയിൽ നിന്ന് പുറത്തേക്ക് വരുന്നുണ്ട്. ചിലരിൽ ബന്ധപ്പെട്ട അഞ്ചോ പത്തോ മിനിട്ട് കഴിയുമ്പോഴും ചിലരിൽ മണിക്കൂറുകൾ കഴിഞ്ഞും ഇത് പുറത്തേക്ക് വരുന്നുണ്ട്. എന്നാല്‍ പുറത്തേക്ക് വരുന്നത് സ്പേം ആയിരിക്കുകയില്ല. നോൺസ്പേം മെറ്റീരിയൽസും, പ്രോട്ടീനും വിറ്റാമിനും ഇതിൽ ഉണ്ട് എന്നാണ് ശാസ്ത്രം പറയുന്നത്. സാധാരണമായി സംഭവിക്കുന്ന ഒരു കാര്യമാണ് ഇത്. ഇത് കൊണ്ട് ഒരിക്കലും ഗർഭധാരണം സംഭവിക്കാതിരിക്കുകയില്ല.

ബന്ധപ്പെട്ടതിന് ശേഷം മൂത്രമൊഴിക്കുന്നത് നല്ലതോ?

ഗർഭധാരണത്തിന് വേണ്ടി ശാരീരിക ബന്ധത്തിൽ ഏർപ്പെടുമ്പോൾ അതിന് ശേഷം മൂത്രമൊഴിക്കുന്നത് നല്ലതാണോ അല്ലയോ എന്നുള്ളത് ശ്രദ്ധിക്കേണ്ടതാണ്. കാരണം പലരിലും ബന്ധപ്പെട്ടതിന് ശേഷം മൂത്രമൊഴിച്ചാൽ ഗർഭധാരണം നടക്കുകയില്ല എന്ന ഒരു വിശ്വാസമാണ് ഉള്ളത്. എന്നാൽ ഇത് വളരെ തെറ്റായ ഒരു കാര്യമാണ്. ബന്ധപ്പെട്ടതിന് ശേഷം മൂത്രമൊഴിക്കുന്നത് എന്തുകൊണ്ടും നല്ലതാണ്. ഇത് മറ്റ് അണുബാധകൾ തടയുന്നതിനും മൂത്രാശയ അണുബാധകളെ ഇല്ലാതാക്കുന്നതിനും സഹായിക്കുന്നുണ്ട്. അതുകൊണ്ട് ഇത്തരം കാര്യങ്ങൾ ഓർമ്മയിൽ വെക്കണം.

ബന്ധപ്പെട്ട ശേഷം കാലുയർത്തി വെക്കുന്നത്

ശാരീരികമായി ബന്ധപ്പെട്ട ശേഷം പലരും കാൽ ഉയർത്തി വെച്ച് കിടക്കുന്നതാണ്. ഇത് നിങ്ങളുടെ ഗർഭധാരണത്തിനുള്ള സാധ്യത വർദ്ധിപ്പിക്കുന്നു എന്നാണ് വിശ്വാസം. ഇത് സ്പേം പുറത്തേക്ക് പോവുന്നത് തടയുന്നതിന് സഹായിക്കുന്നുണ്ട്. എന്നാൽ പുറത്തേക്ക് പോവുന്ന സ്പേം ഒരിക്കലും നിങ്ങളിൽ ഗർഭധാരണത്തിനുള്ള സാധ്യത കുറക്കുന്നില്ല. 2017-ൽ നടത്തിയ പഠനത്തിൽ സ്ത്രീകളുടെ ഇത്തരം ശീലം ഗർഭധാരണ സാധ്യത 32%ത്തോളം വർദ്ധിപ്പിച്ചു എന്നാണ് പഠനങ്ങൾ പറയുന്നത്.

രതിമൂർച്ഛ ഗർഭധാരണത്തിന് സഹായിക്കുന്നുവോ?

സ്ത്രീകളിൽ ഉണ്ടാവുന്ന രതിമൂർച്ഛ ഗർഭധാരണത്തിന് സഹായിക്കുന്നുണ്ടോ എന്ന് പലർക്കും സംശയമുണ്ടാവും. എന്നാൽ സ്ത്രീകളിൽ ഉണ്ടാവുന്ന രതിമൂർച്ഛ ഗർഭധാരണത്തിന് പെട്ടെന്ന് സഹായിക്കും എന്നാണ് പഠനങ്ങൾ പറയുന്നത്. ഈ സമയത്ത് ഉണ്ടാവുന്ന ഗർഭധാരണം മാത്രമല്ല വന്ധ്യത പോലുള്ള പ്രശ്നങ്ങൾക്കെല്ലാം പരിഹാരം കാണുന്നതിനും സഹായിക്കുന്നുണ്ട് എന്നാണ് പറയുന്നത്. ഇത് ഫെര്‍ട്ടിലിറ്റി വർദ്ധിപ്പിക്കുന്നതിന് വേണ്ടി സഹായിക്കുന്നുണ്ട് എന്നും പെട്ടെന്ന് കൺസപ്ഷന് ഉള്ള സാധ്യത വളരെയധികം പെട്ടെന്നാക്കുകയും ചെയ്യുന്നുണ്ട്.

പുരുഷൻമാർ ശ്രദ്ധിക്കേണ്ടത്

എന്നാൽ ലൈംഗിക ബന്ധത്തിൽ ഏർപ്പെടുമ്പോൾ അല്ലാതെ നിങ്ങളിൽ സെമൻ ലീക്കേജ് സംഭവിക്കുന്നുണ്ടെങ്കിൽ അതിന് പിന്നിൽ പല വിധത്തിലുള്ള ആരോഗ്യ പ്രശ്നങ്ങൾ ഉണ്ട്. ഇത് എന്താണ് എന്ന് തിരിച്ചറിഞ്ഞ് അതിന് പരിഹാരം കാണുന്നതിന് വേണ്ടിയാണ് ശ്രദ്ധിക്കേണ്ടത്. സെമനിൽ രക്തത്തിന്‍റെ അംശം, സെമനിലെ ദുർഗന്ധം, ഉദ്ദാരണത്തിലുണ്ടാവുന്ന തകരാറുകൾ, മൂത്രമൊഴിക്കുമ്പോൾ ഉണ്ടാവുന്ന വേദന, ലൈംഗികാവയവത്തിൽ നിന്നുണ്ടാവുന്ന വേദനയും ഡിസ്ചാർജും. ഇതെല്ലാം കണ്ടെത്തിയാൽ ഉടനേ തന്നെ ഡോക്ടറെ കണ്ട് പരിഹാരം കാണേണ്ടതാണ്.