ഗര്‍ഭിണിയിലെ അണുബാധ നിസ്സാരമല്ല: ജനിക്കുന്ന കുഞ്ഞിന് വരെ ദോഷം

അണുബാധ നിങ്ങളുടെ ഗര്‍ഭധാരണത്തെ ബാധിക്കുന്നത്

ചര്‍മ്മത്തിലുണ്ടാവുന്ന അണുബാധ, അല്ലെങ്കില്‍ മൂത്രാശയ അണുബാധ, ശ്വാസകോശ സംബന്ധമായ അണുബാധ എന്നിവ ഗുരുതര പ്രത്യാഘാതങ്ങള്‍ ഗര്‍ഭകാലത്ത് ഉണ്ടാക്കുന്നില്ല. ഇവക്ക് പര്യാപ്തമായ മരുന്നുകളും മറ്റും കഴിച്ച് ഇതിന് പരിഹാരം കാണാവുന്നതാണ്. എന്നാല്‍ ചില അണുബാധകള്‍ നമുക്ക് കണ്ടെത്താന്‍ സാധിക്കാതെ വരുകയും ഇത് കൂടാതെ അവ പിന്നീട് അപകടകരമായ അവസ്ഥയിലേക്ക് കുഞ്ഞിനും അമ്മക്കും ബാധകമാവുന്ന അവസ്ഥയുണ്ടാവുന്നുണ്ട്. ഇതിന്റെ ഫലമായി ഗര്‍ഭം അലസല്‍, പ്രസവം, ജനന ഭാരക്കുറവ് അല്ലെങ്കില്‍ കുഞ്ഞിന്റെ ഒന്നിലധികം അവയവ വ്യവസ്ഥകളുടെ പ്രവര്‍ത്തനരഹിതമായ ജനന വൈകല്യങ്ങള്‍ എന്നിവയിലേക്ക് ഇത് നയിച്ചേക്കാം. എന്തൊക്കെ അണുബാധകളാണ് ഗര്‍ഭകാലത്ത് ഉണ്ടാവുന്നത് എന്ന് നോക്കാവുന്നതാണ്.

സൈറ്റോമെഗലോവൈറസ് അണുബാധ

സൈറ്റോമെഗലോവൈറസ് (CMV) അണുബാധയാണ് ഏറ്റവും സാധാരണമായ അണുബാധ. ഇത് അല്‍പം ഗുരുതരമായ അവസ്ഥകള്‍ ഉണ്ടാക്കുന്നുണ്ട്. ഇതിന്റെ ഫലമായി പലപ്പോഴും കുഞ്ഞിന്റെ ജനന വൈകല്യത്തിലേക്ക് എത്തിച്ചേക്കാം. അല്ലെങ്കില്‍ നവജാതശിശുക്കള്‍ക്ക് ഈ അണുബാധ പകരുന്നതിനുള്ള സാധ്യതയുണ്ട്. ഗര്‍ഭാവസ്ഥയില്‍ CMV ബാധിച്ച സ്ത്രീകള്‍ക്ക് ജനനസമയത്ത് ശിശുക്കളില്‍ അപായ CMV ഉണ്ടാകാനുള്ള സാധ്യത കൂടുതല്‍. ഇതിന്റെ ഫലമായി റെറ്റിനയുടെ വീക്കം, ജനനസമയത്ത് ഉണ്ടാകുന്ന ചുണങ്ങ്, അസാധാരണമാംവിധം ചെറിയ തല, മഞ്ഞ ചര്‍മ്മം അല്ലെങ്കില്‍ കുറഞ്ഞ ജനനഭാരം എന്നിവയാണ് സാധാരണയായി ഉണ്ടാവുന്നത്.

സൈറ്റോമെഗലോവൈറസ് അണുബാധ

ചില കുട്ടികള്‍ക്ക് ഈ അണുബാധ പലപ്പോഴും ന്യൂറോളജിക്കല്‍ പ്രശ്‌നങ്ങള്‍ ഉണ്ടാക്കുന്നുണ്ട്. എന്നാല്‍ അത് പ്രകടമാകാന്‍ വര്‍ഷങ്ങള്‍ സമയമെടുക്കുന്നുണ്ട് എന്നുള്ളതാണ് സത്യം. സൈറ്റോമെഗലോവൈറസ് എന്ന വൈറസ് പരിസ്ഥിതിയില്‍ സ്വാഭാവികമായും കാണപ്പെടുന്ന ഒന്നാണ്. അതുകൊണ്ട് തന്നെ ഇത് ഒഴിവാക്കാന്‍ അല്‍പം കഷ്ടപ്പാടാണ്. അതിന് പരിഹാരം കാണുന്നതിന് വേണ്ടി ഗര്‍ഭകാലത്ത് സ്ത്രീകള്‍ ഇടക്കിടക്ക് കൈ കഴുകുകയും സ്വയം ശുചിത്വം പാലിക്കുകയും ചെയ്യുന്നത് എന്തുകൊണ്ടും നല്ലതാണ്. ഇത് നിങ്ങളുടേയും കുഞ്ഞിന്റേയും ആരോഗ്യത്തിന് വളരെയധികം ഗുണങ്ങള്‍ നല്‍കുന്നുണ്ട്.

റുബെല്ല വൈറസ്

ഗര്‍ഭത്തിന്റെ ആദ്യ മൂന്ന് മാസത്തില്‍ റുബെല്ല വൈറസ് അണുബാധ വളരെ ഗുരുതരമാവുന്നതിനുള്ള സാധ്യതയുണ്ട്. ഇത് ഗര്‍ഭം അലസല്‍, അകാല പ്രസവം, ഗര്‍ഭസ്ഥശിശുവിന്റെ മരണം എന്നിവയിലേക്ക് നയിക്കുന്നതിനുള്ള സാധ്യതയുണ്ട്. ഈ വൈറസ് ബാധിച്ച അമ്മയ്ക്ക് ജനിക്കുന്ന കുഞ്ഞുങ്ങള്‍ക്ക് കണ്‍ജെനിറ്റല്‍ റുബെല്ല സിന്‍ഡ്രോം എന്ന അവസ്ഥ ഉണ്ടാകാം. കണ്ണ്, ചെവി, ഹൃദയ വൈകല്യങ്ങള്‍, മൈക്രോസെഫാലി, അസാധാരണമായ ചെറിയ തല, ഓട്ടിസം എന്നിവയാണ് ഈ ആണുബാധയുടെ ലക്ഷണങ്ങള്‍. ഈ അവസ്ഥയ്ക്ക് ചികിത്സ ലഭ്യമല്ല. ഇതിന് പ്രതിരോധം തീര്‍ക്കുന്നതിന് വേണ്ടി നമുക്ക് ചെയ്യാന്‍ സാധിക്കുന്ന കാര്യം എന്ന് പറയുന്നത് പ്രതിരോധശേഷി വര്‍ദ്ധിപ്പിക്കുകയും സങ്കീര്‍ണതകള്‍ ഒഴിവാക്കുന്നതിനും റുബെല്ല വൈറസിന് വാക്‌സിനേഷന്‍ എടുക്കുന്നതുമാണ്.

ഗ്രൂപ്പ് ബി സ്‌ട്രെപ്‌റ്റോകോക്കസ്

ഗ്രൂപ്പ് ബി സ്‌ട്രെപ്‌റ്റോകോക്കസ് എന്നറിയപ്പെടുന്ന ഒരു ബാക്ടീരിയയാണ് ഗ്രൂപ്പ് ബി സ്‌ട്രെപ്‌റ്റോകോക്കസ് അണുബാധയ്ക്ക് കാരണമാവുന്നത്. ഇത് പലപ്പോഴും ശരീരത്തില്‍ സ്വാഭാവികമായി വരികയും പോകുകയും ചെയ്യുന്ന ബാക്ടീരിയകളാണ്. മിക്ക കേസുകളിലും ദോഷകരമല്ലാത്ത അവസ്ഥയാണ് ഉണ്ടാവുന്നതെങ്കിലും ചില അവസരങ്ങളില്‍ ഇത് ഗുരുതരമായ അവസ്ഥയുണ്ടാക്കുന്നുണ്ട്. നവജാതശിശുക്കളില്‍ ഗുരുതരമായ അണുബാധയ്ക്ക് ഈ അവസ്ഥയുണ്ടാക്കുന്നുണ്ട്. അമ്മയുടെ യോനിയിലോ മലാശയത്തിലോ ബാക്ടീരിയ ഉണ്ടാകാമെന്നതിനാല്‍, യോനിയില്‍ പ്രസവസമയത്ത് വൈറസ് സാധാരണയായി അമ്മയില്‍ നിന്ന് കുട്ടിയിലേക്ക് പകരുന്ന അവസ്ഥയാണ് ഉണ്ടാവുന്നത്. ഗര്‍ഭാവസ്ഥയില്‍, ബാക്ടീരിയ ആന്തരിക വീക്കം ഉണ്ടാക്കുകയും ഗര്‍ഭം അലസുകയും ചെയ്യും. ചികിത്സിച്ചില്ലെങ്കില്‍, അണുബാധ കുഞ്ഞിന് കേള്‍വിക്കുറവോ കാഴ്ചക്കുറവോ മാനസിക പ്രശ്നങ്ങളോ ഉള്‍പ്പെടെയുള്ള ജനന വൈകല്യങ്ങള്‍ ഉണ്ടാക്കുന്ന അവസ്ഥയുണ്ടാക്കുന്നതാണ്. അതുകൊണ്ട് വളരെയധികം ശ്രദ്ധിക്കണം.

സിക്ക വൈറസ്

ഇത് പലപ്പോഴും നമുക്ക് പരിചയമുള്ള ഒരു വാക്കാണ്. ഇത് ഗര്‍ഭകാലത്തുണ്ടാവുന്ന അണുബാധയെ ഗുരുതരമാക്കുന്നു. പകല്‍ സമയത്ത് കുത്തുന്ന ഈഡിസ് കൊതുകാണ് സിക വൈറസ് പരത്തുന്നത്. രോഗബാധിതനായ പങ്കാളിയുമായി സുരക്ഷിതമല്ലാത്ത രീതിയില്‍ ഇടപെടുന്നതിലൂടെ ഇത് മറ്റൊരാളിലേക്ക് പകരുന്നതിനുള്ള സാധ്യതയുണ്ട്. ഈ വൈറസ് ബാധിച്ചാല്‍, അമ്മയ്ക്ക് കുഞ്ഞിലേക്ക് അണുബാധ പകരുന്നതിനുള്ള സാധ്യത വളരെ കൂടുതലാണ്. ഇത് മൈക്രോസെഫാലി, മസ്തിഷ്‌ക വൈകല്യങ്ങള്‍ എന്നിവയുള്‍പ്പെടെ ഗുരുതരമായ ജനന വൈകല്യങ്ങളിലേക്ക് നയിച്ചേക്കാം. ഈ വൈറസിനെ പ്രതിരോധിക്കാന്‍ പ്രത്യേക ചികിത്സകള്‍ ഒന്നും തന്നെ ഇല്ല എന്നുള്ളതാണ് സത്യം. അതുകൊണ്ട് തന്നെ യാത്രക്കിടയിലും മറ്റും ഗര്‍ഭിണികള്‍ വളരെയധികം ശ്രദ്ധിക്കേണ്ടതാണ്.

ടോക്‌സോപ്ലാസ്‌മോസിസ് ഇന്‍ഫെക്ഷന്‍

ഗര്‍ഭകാലത്ത് ആരോഗ്യ പ്രശ്‌നങ്ങള്‍ ഉണ്ടാക്കുന്ന ഒന്നാണ് പലപ്പോഴും ട്‌കോസോപ്ല്ാസ്മ ഇന്‍ഫെക്ഷന്‍ എന്ന് പറയുന്നത്. ടോക്‌സോപ്ലാസ്മ ഗോണ്ടി എന്ന പ്രോട്ടോസോവന്‍ പരാദമാണ് ടോക്‌സോപ്ലാസ്‌മോസിസ് അണുബാധയ്ക്ക് കാരണമാകുന്നത്. ഈ പരാന്നഭോജികള്‍ എലികളെയും പക്ഷികളെയും ബാധിക്കുന്നു. ഇത് ഭക്ഷിക്കുന്ന പൂച്ചകളില്‍ നിന്നാണ് ഈ അണുബാധ കൂടുതലായി പടരുന്നത്. അതുകൊണ്ടാണ് ഗര്‍ഭിണികള്‍ പൂച്ചയുടെ വിസര്‍ജ്ജനവും മറ്റും ഒഴിവാക്കുമ്പോള്‍ ശ്രദ്ധിക്കണം എന്ന് പറയുന്നത്. കാരണം ഇത് പലപ്പോഴും ഇത്തരം അവസ്ഥകളില്‍ ആണ് കൂടുതല്‍ വെല്ലുവിളി ഉയര്‍ത്തുന്നത്. ഇതുകൂടാതെ വേവിക്കാത്തതോ ഭാഗികമായി വേവിച്ചതോ ആയ മാംസം, മണ്ണ്, വെള്ളം എന്നിവയും ഈ അണുബാധയ്ക്ക് കാരണമാകും. അതുകൊണ്ട് ഇത്തരം അണുബാധകളെ എല്ലാം നിങ്ങള്‍ വളരെയധികം ശ്രദ്ധിക്കണം.

most read:കുഞ്ഞിന് പല്ലില്‍ കമ്പിയിടേണ്ടത് എപ്പോള്‍, അറിയാം പൂര്‍ണ വിവരങ്ങള്‍