വയറ്റിലെ കുഞ്ഞിനെമിടുക്കനാക്കും പോംഗ്രനേറ്റ്ജ്യൂസ്

ബിപി കുറയ്ക്കുവാന്‍

ഈ ജ്യൂസ് കുടിയ്ക്കുന്നത് ബിപി കുറയ്ക്കുവാന്‍ ഏറെ നല്ലതാണ്. ഗര്‍ഭകാലത്ത് പ്രീ ക്ലാംസിയ എന്നൊരു കണ്ടീഷനുണ്ടാകാറുണ്ട്. ഇത് പല ഗര്‍ഭിണികളിലും ബിപി കൂടാന്‍ ഇടയാക്കുന്നത്. മാതളനാരകത്തിന്റെ ജ്യൂസ് കുടിയ്ക്കുന്നത് ഈ പ്രശ്‌നത്തിനുളള നല്ലൊരു പരിഹാരമാണ്. ബിപി നിയന്ത്രിച്ചു നിര്‍ത്തേണ്ടത് അമ്മയ്ക്കും കുഞ്ഞിനും ഒരുപോലെ ആവശ്യമാണ്. അല്ലാത്ത പക്ഷം ഇത് ഇരുവരുടേയും ജീവനു തന്നെ ഭീഷണിയാകും

ധാരാളം ആന്റി ഓക്‌സിഡന്റുകള്‍

ധാരാളം ആന്റി ഓക്‌സിഡന്റുകള്‍ അടങ്ങിയ ഒന്നാണ് പോംഗ്രനേറ്റ് ജ്യൂസ്. ഇത് ഭാവിയില്‍ വരാന്‍ ഇടയുള്ള ക്യാന്‍സര്‍ പോലുള്ള പ്രശ്‌നങ്ങള്‍ക്കു പരിഹാരമാണ്. പല കുട്ടികളും ക്യാന്‍സറോടെ പിറന്നു വീഴുന്നവരുണ്ട്. മാത്രമല്ല, ആന്റി ഓക്ിഡന്റുകള്‍ അമ്മയുടേയും കുഞ്ഞിന്റേയും ചര്‍മാരോഗ്യത്തിനും ഏറെ നല്ലതാണ്. നല്ല ചര്‍മം, അലര്‍ജി പ്രശ്‌നങ്ങള്‍ എന്നിവ ഒഴിവാക്കാം.

എല്ലിന്റെ

ഗര്‍ഭസ്ഥ ശിശുവിന്റെ എല്ലിന്റെ സാന്ദ്രത, ബോണ്‍ ഡെന്‍സിറ്റി വര്‍ദ്ധിപ്പിയ്ക്കുന്ന ഒന്നാണ് പോംഗ്രനേറ്റ് ജ്യൂസ്. കുഞ്ഞിന്റെ എല്ലിന്റെ രൂപീകരണത്തിനും ഉറപ്പിനും സഹായിക്കുന്നു. ഇത് അമ്മയുടേയും എല്ലിന്റെ ആരോഗ്യത്തിന് ഗുണകരമാണ്.

വിളര്‍ച്ച

പ്രധാനപ്പെട്ട ഗര്‍ഭകാല പ്രശ്‌നങ്ങളിലൊന്നാണ് വിളര്‍ച്ച. ഇതിനുള്ള നല്ലൊരു പരിഹാരമാണ് പോംഗ്രനേറ്റ് ജ്യൂസ്. അയേണ്‍ സമ്പുഷ്ടമായ ഇത് ശരീരത്തിന് ആവശ്യമായ ഹീമോഗ്ലോബിന്‍ ഉല്‍പാദനത്തിനു സഹായിക്കുന്നു. രക്തോല്‍പാദനവും രക്തപ്രവാഹവും വര്‍ദ്ധിയ്ക്കുന്നു. ഇതു ഗര്‍ഭസ്ഥ ശിശുവിന്റെ ഹൃദയത്തിനും തലച്ചോറിനുമെല്ലാം ഏറെ അത്യാവശ്യവുമാണ്. ഗര്‍ഭകാല ക്ഷീണമകറ്റാനും ഇത് ഏറെ നല്ലതാണ്.

പ്രമേഹത്തിന്

പ്രമേഹത്തിനുള്ള നല്ലൊരു പരിഹാരമാണിത്. ഇതില്‍ ഫ്രക്ടോസ് അടങ്ങിയിട്ടുണ്ടെങ്കിലും പ്രമേഹത്തിന് മരുന്നായി ഉപയോഗിയ്ക്കുന്ന ഒന്നാണിത്. ഗര്‍ഭിണികളില്‍ ഗര്‍ഭകാല പ്രമേഹം തടയാനും ഉള്ളവരില്‍ കുറയ്ക്കാനും പ്രസവിച്ചു വീഴുന്ന കുഞ്ഞ് ഷുഗര്‍ ബേബിയാകാതിരിയ്ക്കാനും ഇതു സഹായിക്കുന്നു.

പ്രതിരോധ ശേഷി

ഗര്‍ഭകാലത്ത് പൊതുവേ ശരീരത്തിന്റെ പ്രതിരോധ ശേഷി കുറയും. കാരണം ശരീരം പോഷകങ്ങള്‍ കുഞ്ഞിനായി കൂടുതല്‍ ഉപയോഗിയ്ക്കുന്നു. പോംഗ്രനേറ്റിലെ വൈറ്റമിന്‍ സി അടക്കമുള്ള പല ഘടകങ്ങളും ശരീരത്തിന് പ്രതിരോധ ശേഷി നല്‍കുന്നു. ഇതു വഴി അമ്മയേയും കുഞ്ഞിനേയും രോഗങ്ങളില്‍ നിന്നും സംരക്ഷിയ്ക്കുകയും ചെയ്യുന്നു.

വയറ്റിലെ കുഞ്ഞിനെമിടുക്കനാക്കും

കുഞ്ഞിന്റെ തൂക്കക്കുറവിനും മാസം തികയാതെയുള്ള പ്രസവത്തിനുമെല്ലാം ഏറെ നല്ലതാണ് പോംഗ്രനേറ്റ് ജ്യൂസ് ഗര്‍ഭിണി കുടിയ്ക്കുന്നത്. ഇതില്‍ കോശ നാശം തടയുന്നതു കൊണ്ടു തന്നെ ഗര്‍ഭസ്ഥ ശിശു മരണ നിരക്കും കുറയ്ക്കുന്നതായി പഠനങ്ങള്‍ പറയുന്നുണ്ട്. മറുപിള്ളയ്ക്കുണ്ടാകുന്ന പ്രശ്‌നങ്ങള്‍ തടയാനും ഇതു നല്ലതാണ്. മറുപിള്ളയിലൂടെയാണ് കുഞ്ഞിനു വേണ്ട പോഷകങ്ങള്‍ കുഞ്ഞിലേയ്‌ക്കെത്തുന്നത്. ഇതിന്റെ ആരോഗ്യവും പ്രധാനം തന്നെയാണ്.കുഞ്ഞിന്റെ തലച്ചോറിന്റെ വളര്‍ച്ചയ്ക്കും ഇത് ഏറെ പ്രധാനപ്പെട്ട ഒന്നാണ്. കുഞ്ഞിനുണ്ടാകുന്ന മാനസിക വൈകല്യങ്ങള്‍ തടയാന്‍ ഏറെ നല്ലതാണിത്.