ആശിക്കും കുഞ്ഞിന് ആയുര്‍വേദം തുണ, അറിയൂ

ഗര്‍ഭധാരണത്തിനു മുന്‍പു തന്നെ

ഗര്‍ഭധാരണത്തിനു മുന്‍പു തന്നെ പുരുഷനും സ്ത്രീയും ആരോഗ്യമുളള കുഞ്ഞിനായി ഒരുങ്ങുക. ആരോഗ്യമുള്ള അണ്ഡവും ബീജവും സംയോജിയ്ക്കുമ്പോഴാണ് ആരോഗ്യകരമായ ഭ്രൂണവും ഉണ്ടാകുക.

സ്ത്രീയില്‍

സ്ത്രീയില്‍ പ്രത്യുല്‍പാദനത്തിനു തയ്യാറായെന്നുള്ള സൂചന നല്‍കുന്ന ആര്‍ത്തവം മുതല്‍ തന്നെ ആഹാര, ജീവിത രീതികളില്‍ പ്രത്യേക ശ്രദ്ധ വയ്ക്കണം. ഇതു ഭാവിയില്‍ ആരോഗ്യകരമായ അണ്ഡോല്‍പാദനത്തിനു സഹായിക്കും. സ്ത്രീ നല്ലെണ്ണ ചേര്‍ത്തു ഭക്ഷണം കഴിയ്ക്കുന്നത് ഇതിനു സഹായിക്കുന്നു. മത്സ്യം, എള്ള് എന്നിവയും നല്ലതാണ്.

പുരുഷന്‍

പുരുഷന്‍ ഉഴുന്നു കൂടുതലുളള ആഹാരം കഴിയ്ക്കുക. ഇത് ബീജാരോഗ്യത്തെ സഹായിക്കുന്നു. പുകവലി, മദ്യപാന ശീലങ്ങള്‍ ഒഴിവാക്കുക. സ്ത്രീ പുരുഷന്മാരുടെ മനോനിലയും പ്രധാനമാണ്. ആഗ്രഹത്തോടെ, താല്പര്യത്തോടെ, സന്തോഷത്തോടെ വേണം, കുഞ്ഞിനായി ശ്രമിയ്ക്കുവാന്‍.

ആര്‍ത്തവം കഴിഞ്ഞ് നാലാം ദിവസം

ആര്‍ത്തവം കഴിഞ്ഞ് നാലാം ദിവസം സ്ത്രീയും പുരുഷനും കുളിച്ച് ശുദ്ധിയായി പ്രാര്‍ത്ഥനയോടെ വേണം, കുഞ്ഞിനായി ശ്രമിയ്ക്കുവാന്‍. സ്ത്രീ ഇടതു കാല്‍ വച്ച് കട്ടിലില്‍ കയറമെന്നും ആയുര്‍വേദം പറയുന്നു.

ആണ്‍കുഞ്ഞിനോ പെണ്‍കുഞ്ഞിനോ ആയി

ആണ്‍കുഞ്ഞിനോ പെണ്‍കുഞ്ഞിനോ ആയി ചില പ്രത്യേക ചിട്ടവട്ടങ്ങളും ആയുര്‍വേദം വിശദീകരിയ്ക്കുന്നു. ആണ്‍കുഞ്ഞിനെ വേണമെങ്കില്‍ ആര്‍ത്തവ ശേഷം 4, 6, 8 എന്നിങ്ങനെ വരുന്ന ഇരട്ട ദിവസങ്ങളിലും പെണ്‍കുഞ്ഞിനായി 1, 3, 5 എന്നിങ്ങനെ വരുന്ന ഒറ്റ ദിവസങ്ങൡലും ശ്രമിയ്ക്കണം. ആര്‍ത്തവശേഷം 11-ാം ദിവസ സമാഗമത്തിലൂടെയുണ്ടാകുന്ന കുഞ്ഞ് നപുംസക സാധ്യതയുള്ളതാകുമെന്നും ആയുര്‍വേദം പറയുന്നു.

ഗര്‍ഭധാരണം നടന്ന് ആദ്യ മാസം മുതല്‍

ഗര്‍ഭധാരണം നടന്ന് ആദ്യ മാസം മുതല്‍ മൂന്നു മാസം വരെ അമിതമായ കൂടുതല്‍ ബന്ധപ്പെടുക, അമിത വ്യായാമം, കട്ടിയുള്ള പുതപ്പ് പുതയ്ക്കുക, അമിതമായി കരയുക, ദേഷ്യപ്പെടുക എന്നിവയെല്ലാം ഒഴിവാക്കുക. ഉപവാസം, എരിവും മസാലകളും കൂടുതലുളള ഭക്ഷണം എന്നിവയും ഉപേക്ഷിയ്ക്കുക. ചുവന്ന നിറത്തിലെ വസ്ത്രവും ഈ സമയം ധരിയ്ക്കരുതെന്നു പറയുന്നു. ചുവന്ന നിറം പ്രകൃതിയിലെ ഹാനികരമായ നിറങ്ങള്‍ പെട്ടെന്നു വലിച്ചെടുക്കുന്നു. കുഞ്ഞില്‍ ജനിതക പ്രശ്‌നങ്ങള്‍ക്ക് ഇത് കാരണമാകും.

ആദ്യ മൂന്നു മാസത്തില്‍

ആദ്യ മൂന്നു മാസത്തില്‍ തണുത്തതും ദ്രവ രൂപത്തിലുള്ളതും മധുരമുളളതുമായി ആഹാരങ്ങളാണ് നല്ലത്. മൂന്നാം മാസം ഞവരയരി ചോറാക്കി കഴിയ്ക്കുന്നതു നല്ലതാണ്. നാലാം മാസം തൈര്, പാല്‍, വെണ്ണ എന്നിവ ചേര്‍ത്തുള്ള ഭക്ഷണങ്ങളാണ് നല്ലത്.

ആദ്യ മൂന്നു മാസം ഛര്‍ദിയും മനം പിരട്ടലും സാധാരണയാണ്. ഈ സമയത്ത് കുറേശെ വീതം ഭക്ഷണങ്ങള്‍ കഴിയ്ക്കാം. ഇഞ്ചിയും മലരും ചേര്‍ത്ത് വെള്ളം തിളപ്പിച്ച് കല്‍ക്കണ്ടമിട്ടു കുടിയ്ക്കുന്നത് ഛര്‍ദി കുറയ്ക്കാന്‍ നല്ലതാണ്. മധുരവും പുളിയുമുളള പഴവര്‍ഗങ്ങളും ഈ സമയത്തു കഴിയ്ക്കാം.