ഓര്‍ഗാസമുള്ള പെണ്ണിന് പെട്ടെന്ന് ഗര്‍ഭധാരണം

ഓര്‍ഗാസത്തില്‍ സംഭവിക്കുന്നത്

ഓര്‍ഗാസ സമയത്ത് എന്താണ് സ്ത്രീശരീരത്തില്‍ സംഭവിക്കുന്നത് എന്നുള്ളത് വളരെയധികം ശ്രദ്ധേയമായ ഒന്നാണ്. കാരണം ഇത് വെറും ഒരു ലൈംഗിക പ്രക്രിയ മാത്രമല്ല ധാരാളം ശാരീരികവും മാനസികവുമായ മാറ്റങ്ങളുടെ അടിസ്ഥാനം തന്നെയാണ് ഓര്‍ഗാസം അഥവാ രതിമൂര്‍ച്ഛ. ഏറെ ശാരീരിക പ്രക്രിയകള്‍ ഇതിന് പിന്നിലുണ്ട്. ഹോര്‍മോണ്‍ വ്യത്യാസവും എല്ലാം രതിമൂര്‍ച്ഛയെ സഹായിക്കുന്ന ഒന്നാണ് എന്ന കാര്യത്തില്‍ സംശയം വേണ്ട.ഗര്‍ഭധാരണത്തിന് ഇത്തരത്തിലുള്ള രതിമൂര്‍ച്ഛ സഹായിക്കുന്നു എന്നുള്ളതാണ് പറയുന്നത്. ഇവരില്‍ ഗര്‍ഭധാരണ സാധ്യത വര്‍ദ്ധിക്കുന്നുണ്ട് എന്നാണ് പഠനങ്ങള്‍ പറയുന്നത്. ഇതിനെ സാധൂകരിച്ച് സയന്‍സ് പറയുന്ന ചില കാര്യങ്ങള്‍ ഉണ്ട്. എന്താണെന്ന് നോക്കാം.

ഈ സമയത്തുണ്ടാവുന്ന മാറ്റം

സ്ത്രീകളില്‍ ശാരീരിക ബന്ധത്തിലൂടേയും അല്ലാതേയും ഓര്‍ഗാസം സംഭവിക്കുന്നുണ്ട്. സ്വയം ഭോഗം ചെയ്യുന്ന സ്ത്രീകളില്‍ പലപ്പോഴും ഓര്‍ഗാസം വരുന്നുണ്ട്. ഇത് കൂടാതെ ശാരീരിക ബന്ധത്തില്‍ ഏര്‍പ്പെടുമ്പോള്‍ ഇത് സംഭവിക്കുന്നുണ്ട്. ഗര്‍ഭധാരണത്തിന് വേണ്ടി ശ്രമിക്കുന്നവര്‍ ലൈംഗിക ബന്ധത്തില്‍ ഏര്‍പ്പെടുമ്പോള്‍ ശരീരത്തില്‍ പല വിധത്തിലുള്ള ഹോര്‍മോണ്‍ മാറ്റങ്ങളും നടക്കുന്നുണ്ട്. ഓര്‍ഗാസം സംഭവിക്കുമ്പോള്‍ സ്ത്രീ ശരീരത്തില്‍ മസിലുകളുടെ സങ്കോച വികാസങ്ങള്‍ യോനീ ഭാഗത്ത് സംഭവിക്കുന്നുണ്ട്. ഇത് ബീജത്തെ പെട്ടെന്ന് ഫലോപിയന്‍ ട്യൂബിലേക്ക് എത്തിക്കുന്നുണ്ട്.

ഗര്‍ഭധാരണം സംഭവിക്കുന്നത്

സ്ത്രീകളില്‍ ആണ് ആദ്യം ഓര്‍ഗാസം സംഭവിക്കുന്നത് എന്നുണ്ടെങ്കില്‍ പെട്ടെന്ന് തന്നെ ബീജം ഫലോപിയന്‍ ട്യൂബില്‍ എത്തുന്നു. ഈ സമയത്ത് ട്യൂബില്‍ അണ്ഡമുണ്ടെങ്കില്‍ പെട്ടെന്ന് തന്നെ ഗര്‍ഭധാരണം സംഭവിക്കുകയും അണ്ഡവും ബീജവും ഒന്നിച്ച് ചേരുകയും ചെയ്യുന്നുണ്ട്. ബീജത്തിന്റെ ആരോഗ്യവും ഇക്കാര്യത്തില്‍ വളരെയധികം പ്രധാനപ്പെട്ടത് തന്നെയാണ്. കാരണം ആരോഗ്യമില്ലാത്ത ബീജമാണെങ്കില്‍ അതിന് ചലന ശേഷി കുറവായിരിക്കും. ഇത് ഫലോപിയന്‍ ട്യൂബില്‍ എത്തുന്നതിനുള്ള സാധ്യത വളരെ കുറവാണ്. ഈ സമയത്ത് ഓര്‍ഗാസം സംഭവിച്ച് മറ്റ് ഘടകങ്ങള്‍ എല്ലാം തന്നെ അനുകൂലമായാലും ഗര്‍ഭധാരണം സംഭവിക്കണം എന്നില്ല. അതുകൊണ്ട് വളരെയധികം ശ്രദ്ധിക്കേണ്ടതാണ്.

സ്ത്രീ പുരുഷന്‍മാരില്‍ ഓര്‍ഗാസം ഒരുസമയം

സ്ത്രീ പുരുഷന്‍മാരില്‍ ഒരേ സമയമാണ് ഓര്‍ഗാസം സംഭവിക്കുന്നത് എന്നുണ്ടെങ്കില്‍ ഇവരില്‍ ഗര്‍ഭധാരണത്തിനുള്ള സാധ്യത ഇരട്ടിയാണ്. എന്നാല്‍ ആദ്യം പുരുഷനാണ് ഓര്‍ഗാസം സംഭവിക്കുന്നത് എന്നുണ്ടെങ്കില്‍ ഇത് ഗര്‍ഭധാരണ സാധ്യതക്ക് ചെറിയ രീതിയില്‍ മങ്ങലേല്‍പ്പിക്കുന്നുണ്ട്. എന്നാല്‍ സ്ത്രീക്കാണ് ആദ്യം ഓര്‍ഗാസം എന്നുണ്ടെങ്കില്‍ ഇത് ഗര്‍ഭധാരണ സാധ്യതയെ വര്‍ദ്ധിപ്പിക്കുന്നുണ്ട്. ഇത് ബീജത്തെ പെട്ടെന്ന് ഫലോപിയന്‍ ട്യൂബില്‍ എത്തുന്നതിന് സഹായിക്കുന്നുണ്ട്. പുരുഷനിലെങ്കില്‍ പ്രശ്‌നങ്ങള്‍ ഇങ്ങനെയാണ്. കാരണം പുറന്തള്ളപ്പെടുന്ന ബീജം സ്ത്രീയോനിയില്‍ എത്തുന്നതിന് അല്‍പം സമയം എടുക്കുന്നുണ്ട്. അതുകൊണ്ട് ഗര്‍ഭധാരണം നടക്കുന്നില്ല എന്ന് അര്‍ത്ഥമില്ല, എന്നാലും ഇതിനുള്ള സാധ്യത കുറവാണ് എന്നാണ് സൂചിപ്പിക്കുന്നത്.

യോനീ സ്രവം കൂടുതല്‍

ഓര്‍ഗാസ സമയത്ത് സ്ത്രീകളില്‍ യോനീസ്രവം വളരെയധികം കൂടുതലായിരിക്കും. ഈ സമയത്ത് യോനീഭാഗം ആല്‍കലൈന്‍ ആയി മാറുന്നുമുണ്ട്. ഇതെല്ലാം ബീജത്തിന്റെ യാത്ര എളുപ്പത്തിലാക്കുന്നു. ഇത് കൂടാതെ ധാരാളം ഹോര്‍മോണ്‍ മാറ്റങ്ങളും സംഭവിക്കുന്നുണ്ട്. ഇതെല്ലാം സൂചിപ്പിക്കുന്നത് സ്ത്രീ ശരീരം ഗര്‍ഭത്തെ സ്വീകരിക്കാന്‍ തയ്യാറാണ് എന്നുള്ളതാണ്. സ്ത്രീ ശരീരത്തിലൂടെ പെട്ടെന്ന് തന്നെ ബീജങ്ങള്‍ സഞ്ചരിച്ച് അത് ഫലോപിയന്‍ ട്യൂബിലെത്തി അണ്ഡവുമായി സംയോജിക്കുന്നു. ഇതിലൂടെ പെട്ടെന്ന് ഗര്‍ഭധാരണം സംഭവിക്കുന്ന അവസ്ഥയിലേക്ക് കാര്യങ്ങള്‍ എത്തുന്നുണ്ട്.

ഹോര്‍മോണ്‍ മാറ്റങ്ങള്‍ ഫലപ്രദം

ഓര്‍ഗാസ സമയത്ത് സ്ത്രീശരീരത്തില്‍ ധാരാളം ഹോര്‍മോണ്‍ മാറ്റങ്ങളും സംഭവിക്കുന്നുണ്ട്. ഇവയില്‍ ഓക്‌സിടോസിന്‍, പ്രൊജസ്റ്റിറോണ്‍ എന്നിവയെല്ലാം സ്ത്രീ ശരീരം പുറപ്പെടുവിക്കുന്നുണ്ട്. ഇത് കൂടാതെ സ്വകാര്യഭാഗത്തേക്കുള്ള രക്തയോട്ടം വര്‍ദ്ധിക്കുകയും ചെയ്യുന്നുണ്ട്. ഇതെല്ലാം നിങ്ങള്‍ക്ക് നല്‍കുന്നത് ഒരു പോസിറ്റീവ് സൈന്‍ ആണ് എന്നുള്ളതാണ്. ഗര്‍ഭധാരണത്തെ അടിസ്ഥാനമാക്കി ഓവുലേഷന്‍ സമയത്ത് വേണം ബന്ധപ്പെടുന്നതിന് എന്നുള്ളതാണ് ഗര്‍ഭധാരണം ആഗ്രഹിക്കുന്ന സ്ത്രീ പുരുഷന്‍മാര്‍ ചെയ്യേണ്ടത്. അതുകൊണ്ട് തന്നെ ഇത്തരം കാര്യങ്ങള്‍ വളരെയധികം ശ്രദ്ധിക്കേണ്ടതാണ്.

ഓര്‍ഗാസമില്ലെങ്കില്‍

എന്നാല്‍ ഓര്‍ഗാസമില്ലെങ്കില്‍ ഗര്‍ഭധാരണം നടക്കില്ല എന്ന് വിചാരിക്കേണ്ടതില്ല. ഓര്‍ഗാസം ഗര്‍ഭധാരണ സാധ്യതയെ വര്‍ദ്ധിപ്പിക്കുന്നു എന്ന് മാത്രമേ ഉള്ളൂ. അല്ലാതെ ബന്ധപ്പെട്ടാല്‍ ഓര്‍ഗാസമുണ്ടെങ്കില്‍ മാത്രമേ ഗര്‍ഭധാരണം സംഭവിക്കൂ എന്ന് ഇല്ല. ആരോഗ്യമുള്ള അണ്ഡവും ആരോഗ്യമുള്ള ബീജവും ഉണ്ടെങ്കില്‍ ഗര്‍ഭധാരണ സാധ്യതയുണ്ട്. എന്നാല്‍ ഓര്‍ഗാസമെങ്കില്‍ ഇതിന് ആക്കം കൂടും എന്നുള്ളത് മാത്രമാണ് ഇതിലൂടെ സംഭവിക്കുന്നത്. ഇതില്‍ സ്ത്രീ ശരീരത്തില്‍ ഒരു അണ്ഡം മാത്രമേ ഒരു മാസം ഉത്പാദിപ്പിക്കപ്പെടുന്നുള്ളൂ എന്നാല്‍ പുരുഷ ശരീരത്തില്‍ ഓരോ സ്ഖലനത്തിലും ബീജോത്പാദനം സംഭവിക്കുന്നുണ്ട് എന്നുള്ളതാണ് സത്യം.