ആണിന് അച്ഛനാകാന്‍ ശ്രമിയ്‌ക്കേണ്ട സമയം ഇത്

പുരുഷനില്‍

പുരുഷനില്‍ ബീജവും ബീജാരോഗ്യവുമാണ് സന്താനോല്‍പാദനത്തിന് കാരണമായി പറയുന്നത്. ബീജങ്ങള്‍ക്ക് നിശ്ചിത എണ്ണവും ഗുണവും ചലനശേഷിയുമെല്ലാം വേണംതാനും. ഒരു ബീജമേ ഒരു അണ്ഡവുമായി സംയോഗം നടക്കൂവെങ്കിലും കൃത്യമായ എണ്ണം ബീജങ്ങള്‍ ഏറെ പ്രധാനപ്പെട്ടതാണ്. ഇതു പോലെ ഇവയ്ക്കു നീന്തിയെത്തി അണ്ഡവുമായി കൃത്യസമയത്ത് ചേരുവാനും സാധിയ്ക്കണം.

പുരുഷനില്‍

പുരുഷനില്‍ പുരുഷ ഹോര്‍മോണ്‍ അഥവാ ടെസ്‌റ്റോസ്റ്റിറോണ്‍ ഹോര്‍മോണ്‍ ബീജോല്‍പാദനത്തിന് ഏറെ പ്രധാനപ്പെട്ടതാണ്. ഇതിന്റെ കുറവ് ബീജങ്ങളിലും പുരുഷ ശേഷിയിലുമെല്ലാം പ്രശ്‌നങ്ങള്‍ വരുത്തുന്നതുമാണ്.

ടെസ്റ്റോസ്റ്റിറോണ്‍

പുരുഷനില്‍ ടെസ്റ്റോസ്റ്റിറോണ്‍ അളവു വര്‍ദ്ധിയ്ക്കുന്നത് പുലര്‍കാലത്താണെന്നു പറയാം. രാവിലെ 3-8 വരെയുള്ള സമയമെന്നു പറയാം. പുരുഷനില്‍ കൂടുതലായി ഹോര്‍മോണ്‍ ഉല്‍പാദിപ്പിയ്ക്കപ്പെടുന്ന സമയമാണിത്. ഇതിനാല്‍ തന്നെ ഈ സമയത്തു ശ്രമിയ്ക്കുന്നത് ഗര്‍ഭധാരണത്തിന് അനുകൂലമായി വരുന്നു. ഈ സമയത്ത് ടെസ്‌റ്റോസ്റ്റിറോണ്‍ അതായത് പുരുഷ ഹോര്‍മോണ്‍ തോത് 25-30 ശതമാനം വരെ വര്‍ദ്ധിയ്ക്കുന്നുവെന്നു വേണം, പറയുവാന്‍. ഒരു പുരുഷന്‌ രാത്രി നല്ല ഉറക്കം ലഭിയ്‌ക്കുമ്പോള്‍ രാവിലെ ഉണരുന്ന സമയത്ത്‌ ടെസ്‌റ്റോസ്‌റ്റിറോണ്‍ തോത്‌ 15 ശതമാനത്തോളും കൂടുതലാണ്‌.

പുരുഷ താല്‍പര്യം

പുരുഷ താല്‍പര്യം ഏറുന്ന സമയം കൂടിയാണിത്. എന്‍പിടി അഥവാ നൊക്ടേര്‍ണല്‍ പെനൈല്‍ ടംസീന്‍ എന്നാണ് ഇത് അറിയപ്പെടുന്നത്. ഇത്തരം താല്‍പര്യത്തിനു പുറകില്‍ ശാസ്ത്രീയമായ കാരണങ്ങളുണ്ട്. നമ്മുടെ തലച്ചോറാണ്‌ ശരീരത്തിന്റെ ചലനങ്ങള്‍ നിയന്ത്രിയ്‌ക്കുന്നത്‌. ഇതുകൊണ്ടുതന്നെ ഉണര്‍ന്നിരിയ്‌ക്കുമ്പോഴുള്ള സമയത്ത്‌ മറ്റു സ്‌ത്രീകളോടു പുരുഷന്‌ താല്‍പര്യം തോന്നുമെങ്കിലും ബ്രെയിന്‍ ഇത്തരം തോന്നലുകളെ നിയന്ത്രിയ്‌ക്കും.എന്നാല്‍ ഉറങ്ങുമ്പോള്‍ തലച്ചോറിന്റെ ഈ നിയന്ത്രണം കുറയും. കാരണം തലച്ചോറും വിശ്രമിയ്‌ക്കുകയാണ്‌. ഇതാണ്‌ ഉണര്‍ന്നെഴുന്നേല്‍ക്കുമ്പോഴും സ്വപ്‌നത്തിലുമെല്ലാം താല്‍പര്യങ്ങള്‍ പുരുഷന്‌ കൂടുന്നത്‌.

രക്തപ്രവാഹം

രക്തപ്രവാഹം വര്‍ദ്ധിയ്ക്കുന്നതിനാല്‍ ശേഷിയും ഈ സമയത്ത് പുരുഷന് കൂടുതലാകും. താല്‍പര്യവും ശേഷിയും ബീജാരോഗ്യവുമെല്ലാം ഒത്തിണങ്ങുന്നതാണ് പുരുഷന് അച്ഛനാകുവാന്‍ കൂടുതല്‍ കരുത്തു നല്‍കുന്നത്. ഇതു കൊണ്ടു തന്നെ പുലര്‍കാലത്താണ് സന്തതിയ്ക്കായി പുരുഷനു ശ്രമിയ്ക്കുവാന്‍ പറ്റിയ ഉത്തമ സമയമെന്നു പറയാം.

ഉച്ചതിരിഞ്ഞ് 3 മണി സമയവും

ചില പഠനങ്ങളില്‍ ഉച്ചതിരിഞ്ഞ് 3 മണി സമയവും ഇതിനു ചേര്‍ന്നതാണെന്നു വിശദീകരിയ്ക്കുന്നുണ്ട്. എന്നാല്‍ മികച്ച ടെസ്റ്റോസ്റ്റിറോണ്‍ ഉല്‍പാദനം നടക്കുന്നതിനാല്‍ രാവിലെ തന്നെയാണ് പൊതുവേ മികച്ച സമയമായി അംഗീകരിച്ചിട്ടുള്ളതും.