പയര്‍മുളപ്പിച്ച് കഴിക്കുന്നുവോ, കുഞ്ഞിനും അപകടമാണ്

സാല്‍മോണല്ല ബാക്ടീരിയ

സാല്‍മോണല്ല ബാക്ടീരിയ പലപ്പോഴും നിങ്ങളുടെ ആരോഗ്യത്തിന് വില്ലനായി മാറുന്ന ഒന്നാണ്. ബീന്‍സ്, റാഡിഷ് എന്നിവയെല്ലാം സാല്‍മോണല്ല ബാക്ടീരിയ അടങ്ങിയിട്ടുള്ള ഒന്നാണ്. എന്നാല്‍ മുളപ്പിച്ച പയറിലും ഇത് ഉണ്ട് എന്ന കാര്യത്തില്‍ സംശയം വേണ്ട. സാല്‍മോണല്ല ബാക്ടീരിയ മുളപ്പിച്ച പയര്‍ വര്‍ഗ്ഗങ്ങളില്‍ പലപ്പോഴും ഉണ്ടാവുന്നുണ്ട്. സാല്‍മോണല്ല ബാക്ടീരിയ പോലുള്ളവ ഗര്‍ഭകാലത്ത് പല വിധത്തിലുള്ള അസ്വസ്ഥതകള്‍ ഉണ്ടാക്കുന്നുണ്ട്.

വീട്ടില്‍ മുളപ്പിക്കാം

ഒരു കാരണവശാലും മുളപ്പിച്ച പയര്‍ വര്‍ഗ്ഗങ്ങള്‍ പുറത്ത് നിന്ന് വാങ്ങിക്കരുത്. ഇത് എത്തരത്തില്‍ ഉള്ളതാണ് എന്ന കാര്യം പലര്‍ക്കും അറിയുകയില്ല. എത്ര ദിവസം പഴക്കം ചെന്നതാണ് എന്നത് വളരെ പ്രധാനപ്പെട്ട ഒരു കാര്യമാണ്. അതുകൊണ്ട് പുറത്ത് നിന്ന് പരമാവധി വാങ്ങിക്കാതിരിക്കാന്‍ ശ്രദ്ധിക്കണം. ഇത് ആരോഗ്യത്തിന് ഉണ്ടാക്കുന്ന അസ്വസ്ഥതകള്‍ ചില്ലറയല്ല. ഗര്‍ഭകാലത്ത് പല വിധത്തിലുള്ള ഇന്‌ഫെക്ഷനും ഇത് വഴി ഉണ്ടാവുന്നതിനുള്ള സാധ്യത വര്‍ദ്ധിക്കുകയാണ് ചെയ്യുന്നത്.

ഫ്രിഡ്ജില്‍ നിന്നെടുത്ത് ഉപയോഗിക്കുമ്പോള്‍

മുളപ്പിച്ച പയര്‍ വര്‍ഗ്ഗങ്ങള്‍ ഫ്രിഡ്ജില്‍ സൂക്ഷിച്ചിട്ടുണ്ടെങ്കില്‍ അവ ഫ്രിഡ്ജില്‍ നിന്ന് എടുത്ത് ഉപയോഗിക്കുമ്പോള്‍ അല്‍പം ശ്രദ്ധിക്കേണ്ടതാണ്. ഫ്രിഡ്ജില്‍ നിന്ന് എടുത്ത ഉടനേ തന്നെ ഉപയോഗിക്കാന്‍ ശ്രമിക്കരുത്. ഇതിന്റെ തണുപ്പ് പൂര്‍ണമായും മാറിയതിന് ശേഷം മാത്രമേ ഇത് ഉപയോഗിക്കാന്‍ പാടുകയുള്ളൂ. അല്ലെങ്കില്‍ അത് ഗര്‍ഭാവസ്ഥയില്‍ പ്രതിസന്ധികള്‍ക്കും വയറു വേദന ദഹന പ്രശ്‌നങ്ങള്‍ എന്നിവക്കും കാരണമാകുന്നുണ്ട്.

Most read: ഗര്‍ഭലക്ഷണം ആദ്യം തിരിച്ചറിയാം തുപ്പലിലൂടെ

വൃത്തിയുള്ളതായിരിക്കണം

ഗര്‍ഭകാലത്ത് മാത്രമല്ല അല്ലാത്ത സമയത്തും വളരെയധികം ശ്രദ്ധിക്കേണ്ടതായി വരുന്നുണ്ട് വൃത്തി. വൃത്തിയില്‍ സൂക്ഷിച്ച അവസ്ഥയില്‍ മാത്രമേ നമുക്ക് ഇത് ഉപയോഗിക്കാന്‍ പാടുകയുള്ളൂ. വൃത്തിയില്ലാത്ത ഭക്ഷണങ്ങള്‍ ഒരു കാരണവശാലും കഴിക്കാന്‍ ശ്രമിക്കരുത്. ഇത് കൂടുതല്‍ പ്രശ്‌നങ്ങള്‍ നിങ്ങളില്‍ ഉണ്ടാക്കുന്നുണ്ട്. ഫ്രിഡ്ജിലാണ് സൂക്ഷിക്കുന്നതെങ്കില്‍ പോലും വൃത്തിക്ക് തന്നെയാണ് പ്രാധാന്യം നല്‍കേണ്ടത്.

ബാക്ടീരിയ പെട്ടെന്ന് വ്യാപിക്കുന്നു

മുളപ്പിച്ച പയര്‍ വര്‍ഗ്ഗങ്ങളില്‍ ബാക്ടീരിയ പെട്ടെന്ന വ്യാപിക്കുന്നതിനുള്ള സാധ്യതയുണ്ട്. ഇത് മിനിട്ടുകള്‍ക്കുള്ളില്‍ തന്നെ പടര്‍ന്ന് പല വിധത്തിലുള്ള ആരോഗ്യപ്രശ്‌നങ്ങള്‍ ഉണ്ടാക്കുന്നു. ഇ കോളി ബാക്ടീരിയ, സാല്‍മോണല്ല ബാക്ടിരീയ എന്നിവയെല്ലാം ഇത്തരത്തില്‍ ആരോഗ്യ പ്രശ്‌നങ്ങള്‍ ഗുരുതരമാക്കുന്നതാണ്. അതുകൊണ്ട് തന്നെ ഇത്തരം കാര്യങ്ങള്‍ എല്ലാം വളരെയധികം ശ്രദ്ധിക്കേണ്ടതാണ്.

രോഗങ്ങള്‍ ക്ഷണിച്ച് വരുത്തുന്നു

പലപ്പോഴും ഉപയോഗിക്കുന്ന രീതി ശരിയല്ലെങ്കില്‍ നിങ്ങളില്‍ രോഗങ്ങള്‍ ക്ഷണിച്ച് വരുത്തുന്നതിന് ഏറ്റവും മുന്നില്‍ നില്‍ക്കുന്ന ഒന്നാണ് മുളപ്പിച്ച പയര്‍ വര്‍ഗ്ഗങ്ങള്‍. ഇവയില്‍ ഫംഗസ് വളരുന്നതിനുള്ള സാധ്യത വളരെ കൂടുതലാണ്. അതുകൊണ്ട് തന്നെ ഇത്തരം കാര്യങ്ങള്‍ അല്‍പം ശ്രദ്ധിക്കേണ്ടതായുണ്ട്. പ്രത്യേകിച്ച് ഗര്‍ഭകാലത്ത് സ്ത്രീകളില്‍ ഇന്‍ഫെക്ഷന്‍ വരുന്നതിനുള്ള സാധ്യത വളരെ കൂടുതലാണ്. ഇത് സ്ത്രീകളില്‍ പല വിധത്തിലുള്ള അസ്വസ്ഥതകള്‍ ഉണ്ടാക്കുന്നുണ്ട്. അതുകൊണ്ട് ഗര്‍ഭകാലത്ത് മുളപ്പിച്ച പയര്‍ വര്‍ഗ്ഗങ്ങള്‍ കഴിക്കുന്നുണ്ടെങ്കില്‍ അല്‍പം ശ്രദ്ധയും വൃത്തിയും കൂടുതല്‍ നല്‍കേണ്ടി വരും എന്ന് മാത്രം.

പാകം ചെയ്യുമ്പോള്‍

മുളപ്പിച്ച പയര്‍ വര്‍ഗ്ഗങ്ങള്‍ പാകം ചെയ്യുമ്പോഴും അല്‍പം ശ്രദ്ധിക്കാവുന്നതാണ്. വേവിക്കുന്നതിന് വേണ്ടി ധാരാളം വെള്ളത്തില്‍ പാകം ചെയ്യരുത്. ഇത് കൂടുതല്‍ വെന്ത് അതിന്റെ പോഷക ഗുണങ്ങള്‍ എല്ലാം നഷ്ടപ്പെടുന്നതിന് കാരണമാകുന്നുണ്ട്. ഇത്തരം കാര്യങ്ങള്‍ അല്‍പം ശ്രദ്ധിക്കേണ്ടതാണ്. ഇതെല്ലാം അനാരോഗ്യത്തിന് കാരണമാകുന്നുണ്ട്. പ്രത്യേകിച്ച് ഗര്‍ഭകാലത്ത് എന്നതാണ് ശ്രദ്ധിക്കേണ്ടത്.