ആര്‍ത്തവ കാലത്തും ഗര്‍ഭധാരണം നടക്കാം, കാരണം.....

ആര്‍ത്തവചക്രത്തില്‍

സാധാരണ 28 ദിവസമുള്ള ആര്‍ത്തവചക്രത്തില്‍ 12-14 ദിവസങ്ങളിലാണ് ഓവുലേഷന്‍ സംഭവിയ്ക്കുക. ആര്‍ത്തവചക്രത്തിലെ വ്യത്യാസമനുസരിച്ച് ഇതിലും വ്യത്യാസമുണ്ടാകും.ഇതു കൊണ്ടു തന്നെ ആര്‍ത്തവ ചക്രം വ്യത്യാസപ്പെട്ടിരിയ്ക്കുന്നവരില്‍, അല്ലെങ്കില്‍ ആര്‍ത്തവ ക്രമക്കേടുകളുള്ളവരില്‍ കൃത്യമായി ഓവുലേഷന്‍ കണ്ടെത്താനാകില്ല. ഇതു കൃത്യമായി നടക്കണമെന്നുമില്ല. ഇതു കൊണ്ടു തന്നെ ഗര്‍ഭധാരണ സാധ്യതയും കൂടുതലാണ്.

ഓവുലേഷന്‍

ഓവുലേഷന്‍ കൃത്യമല്ലാത്തവരില്‍ ചിലപ്പോള്‍ ആര്‍ത്തവശേഷം ഉടന്‍ തന്നെ ഓവുലേഷന്‍ നടക്കാന്‍ സാധ്യതയുണ്ട്. ആര്‍ത്തവസമയത്തു ബന്ധപ്പെട്ടാല്‍ ഇത്തരം സാഹചര്യങ്ങളില്‍ ഗര്‍ഭധാരണ സാധ്യത വര്‍ദ്ധിയ്ക്കുന്നു. കാരണം ബീജത്തിന് നാലഞ്ചു ദിവസം സ്ത്രീ ശരീരത്തില്‍ ആയുസോടെ ഇരിയ്ക്കാന്‍ സാധിയ്ക്കും. ഈ സമയത്ത് ഓവുലേഷന്‍ നടന്നാല്‍ ഗര്‍ഭ ധാരണ സാധ്യതയും കൂടുതലാണ്.

ആര്‍ത്തവ ലക്ഷണമായി

പൊതുവേ ബ്ലീഡിംഗാണ് ആര്‍ത്തവ ലക്ഷണമായി കണക്കാക്കുക. ചില സ്ത്രീകളില്‍ ഓവുലേഷന്‍ സമയത്തും ബ്ലീഡിംഗുണ്ടാകാറുണ്ട്. ഇത് ചിലപ്പോള്‍ ആര്‍ത്തവമായി തെറ്റിദ്ധരിയ്ക്കപ്പെട്ടേക്കാം.

സ്ത്രീകളില്‍ ആര്‍ത്തവചക്രം

സ്ത്രീകളില്‍ ആര്‍ത്തവചക്രം ഇതിനേക്കാള്‍ ചെറുതെങ്കില്‍, അതായത് 28 ദിവസത്തിനും കുറവെങ്കില്‍ ഓവുലേഷന്‍ ദിന ദൈര്‍ഘ്യവും കുറയും. ഇതു കൊണ്ടു തന്നെ ആര്‍ത്തവത്തോടനുബന്ധിച്ച് ഓവുലേഷന് സാധ്യതയുമേറെയാണ്. ഇത്തരം സന്ദര്‍ഭങ്ങളില്‍ ആര്‍ത്തവ സമയത്തെ ബന്ധം ഗര്‍ഭധാരണത്തിലേയ്ക്കു വഴിയൊരുക്കും.

ചില സന്ദര്‍ഭങ്ങളില്‍

ചില സന്ദര്‍ഭങ്ങളില്‍ ഓവുലേഷന്‍ നടന്നില്ലെങ്കിലും മാസമുറ വരികയും ചെയ്യും. ഇത്തരം സന്ദര്‍ഭങ്ങളില്‍ അണ്ഡവിസര്‍ജനത്തിന്റെ സമയം കൃത്യമായി പറയാന്‍ സാധ്യമല്ല. അതുകൊണ്ട് ഗര്‍ഭധാരണ സാധ്യതയും കൂടുതല്‍ തന്നെ.

അണ്ഡത്തിന്റെ ആയുസ്

അണ്ഡത്തിന്റെ ആയുസ് തീരെ കുറവാണെങ്കിലും ബീജം രണ്ടുമൂന്നു ദിവസം വരെ ജീവനോടിരിക്കും. അതുകൊണ്ട് അണ്ഡോല്‍പാദനത്തിന്റെ രണ്ടോ മൂന്നോ ദിവസം മുന്‍പ് ലൈംഗികമായി ബന്ധപ്പെട്ടാലും ഗര്‍ഭധാരണ സാധ്യതയുണ്ടെന്നര്‍ത്ഥം. ആര്‍ത്തവചക്രം 28 ദിവസത്തില്‍ കുറവായ സ്ത്രീകളില്‍ മാസമുറയാണെങ്കില്‍ ഗര്‍ഭസാധ്യത കൂടുതലാണ്.