ഇവ കഴിച്ചാല്‍ സ്ത്രീയിലെ അണ്ഡം സൂപ്പറാകും.

അവോക്കാഡോ

അവോക്കാഡോ സ്ത്രീകളിലെ അണ്ഡാരോഗ്യം മെച്ചപ്പെടുത്താവാന്‍ ഏറെ നല്ലതാണ്. ഇതിലെ ആരോഗ്യകരമായ നല്ല ഫാറ്റുകള്‍ അണ്ഡത്തിന്റെ ആരോഗ്യത്തെ മെച്ചപ്പെടുത്തും. ഇതിലെ മോണോസാച്വറേറ്റഡ് ഫാറ്റുകള്‍ അണ്ഡാരോഗ്യത്തെ മെച്ചപ്പെടുത്തുന്ന ഒന്നാണ്.

ബീന്‍സ്, പയര്‍ വര്‍ഗങ്ങള്‍

ബീന്‍സ്, പയര്‍ വര്‍ഗങ്ങള്‍ എന്നിവയും ശരീരത്തിലെ അണ്ഡാരോഗ്യം മെച്ചപ്പെടുത്തുന്ന ഒന്നാണ്. ആരോഗ്യകരമായ അണ്ഡത്തിന് ശരീരത്തില്‍ രക്തമുണ്ടാകേണ്ടത് അത്യാവശ്യമാണ്. ഇവയിലെ അയേണ്‍ അണ്ഡോല്‍പാദനത്തിനു സഹായിക്കും. ഇവയില്‍ അയേണ്‍ മാത്രമല്ല, അണ്ഡത്തിന്റെ ആരോഗ്യത്തിനു സഹായിക്കുന്ന മറ്റു പല പോഷകങ്ങളും ഇതിലുണ്ട്.

നട്‌സ്, ഡ്രൈ ഫ്രൂട്‌സ്

നട്‌സ്, ഡ്രൈ ഫ്രൂട്‌സ് എന്നിവയും അണ്ഡാരോഗ്യത്തിന് ഏറെ നല്ലതാണ്. ഇതില്‍ പ്രോട്ടീനുകള്‍, വൈറ്റമിനുകള്‍, ധാതുക്കള്‍ എന്നിവ ധാരാളമുണ്ട്. ഇതില്‍ തന്നെ ബ്രസല്‍ നട്‌സ് അണ്ഡാരോഗ്യത്തിന് അത്യുത്തമമാണ്. ഇതിലെ സെലേനിയം അണ്ഡത്തിന്റെ ലൈനിംഗിനുണ്ടാകുന്ന നാശം തടയുന്നു. ഇതിന്റെ ആന്റി ഓക്‌സിഡന്റുകള്‍ ഫ്രീ റാഡിക്കലുകളെ തടയുന്നതു വഴിയും അണ്ഡാരോഗ്യം മെച്ചപ്പെടുത്തുന്നു. ഇത് അണ്ഡോല്‍പാദനം മെച്ചപ്പെടുത്താനും സഹായിക്കുന്നു.

എള്ള്

എള്ള് അണ്ഡാരോഗ്യത്തിനു സഹായിക്കുന്ന മറ്റൊരു ഭക്ഷണമാണ്. ഇതിലെ സിങ്ക് ഹോര്‍മോണ്‍ ഉല്‍പാദത്തിനു സഹായിക്കുന്നു. ഇതിലെ മോണോസാച്വറേറ്റഡ് ഫാറ്റുകളാണ് ഗുണം നല്‍കുന്നത്. ഇത് അണ്ഡാരോഗ്യത്തിനും ഉല്‍പാദനത്തിനും ഒരുപോലെ സഹായിക്കുന്ന ഭക്ഷണമാണ്.

ബെറികള്‍

ബെറികള്‍ അണ്ഡത്തെ ഫ്രീ റാഡിക്കലുകളില്‍ നിന്നും സംരക്ഷിയ്ക്കുന്ന ഒന്നാണ്. അണ്ഡത്തിന്റെ ആരോഗ്യത്തെയും സ്ത്രീകളുടെ പ്രത്യുല്‍പാദന ശേഷിയേയും സഹായിക്കുന്ന ഒന്നാണ് ബെറികള്‍. ഇത് ഭക്ഷണത്തില്‍ ഉള്‍പ്പെടുത്തുന്നതും ഏറെ ഗുണം നല്‍കും.

ഇലക്കറികള്‍

ഇലക്കറികള്‍ അണ്ഡത്തിന്റെ ആരോഗ്യത്തിനു സഹായിക്കുന്ന ഒന്നാണ്. ഇവയില്‍ ഫോളേറ്റ്, അയേണ്‍, വൈറ്റമിന്‍ എ, കാല്‍സ്യം, മാംഗനീസ് തുടങ്ങിയ പല ഘടകങ്ങളുമുണ്ട്. ഇതെല്ലാം തന്നെ അണ്ഡാരോഗ്യത്തിനു സഹായിക്കുന്ന ചില ഘടകങ്ങള്‍ തന്നെയാണ്. ഗര്‍ഭസ്ഥ ശിശുവിന്റെ ആരോഗ്യത്തിന് ഏറ്റവും അത്യാവശ്യമായ ഒന്നാണ് ഫോളേറ്റ്. ഇത് ഇലക്കറികളില്‍ ധാരാളമുണ്ട്.

ഇഞ്ചി

ഇഞ്ചിയാണ് അണ്ഡാരോഗ്യം മെച്ചപ്പെടുത്തുന്ന മറ്റൊരു ഭക്ഷണം. ഇത് രക്തോല്‍പാദനവും രക്തപ്രവാഹവും മെച്ചപ്പെടുത്തുന്ന ഒന്നാണ്. ഇത് പ്രത്യുല്‍പാദന വ്യവസ്ഥയ്ക്കുണ്ടാകുന്ന പ്രശ്‌നങ്ങള്‍ തടയുന്നു. ആര്‍ത്തവ ചക്രം ക്രമപ്പെടുത്തുന്നതിനും ഇതു വഴി അണ്ഡോല്‍പാദനത്തിനും ഇതു സഹായിക്കുന്നു.

കറുവാപ്പട്ട

കറുവാപ്പട്ട സ്ത്രീകളിലെ അണ്ഡാരോഗ്യത്തിനു സഹായിക്കുന്ന മറ്റൊരു ഭക്ഷണ വസ്തുവാണ്. പോളിസിസ്റ്റിക് ഓവറി പോലെയുള്ള പ്രശ്‌നങ്ങളുള്ളവരോട് കറുവാപ്പട്ട ഭക്ഷണത്തില്‍ ഉള്‍പ്പെടുത്തുവാന്‍ പറയാറുണ്ട്. ഇത് അണ്ഡോല്‍പാദനത്തിനും ആരോഗ്യകരമായ അണ്ഡത്തിനും സഹായിക്കുന്ന ഒന്നാണ്.

ആന്റിഓക്‌സിഡന്റുകള്‍

ആന്റിഓക്‌സിഡന്റുകള്‍ അണ്ഡാരോഗ്യത്തെ മെച്ചപ്പെടുത്തുന്നവയാണ്. ആന്റിഓക്‌സിഡന്റുകള്‍ അടങ്ങിയവ കഴിയ്ക്കുക. സിട്രസ് ഫലവര്‍ഗങ്ങള്‍. ഇലക്കറികള്‍ തുടങ്ങിയവയെല്ലാം ആന്റിഓക്‌സിഡന്റുകളാല്‍ സമ്പുഷ്ടമാണ്.