പുരുഷനില്‍ വന്ധ്യത ചില്ലറക്കാര്യമല്ല, ശ്രദ്ധിക്കണം

ബീജസംഖ്യയിലെ കുറവ്

ലോകാരോഗ്യ സംഘടനയുടെ കണക്ക് പ്രകാരം പുരുഷന് ഒരു സ്ഖലനത്തില്‍ രണ്ട് കോടി ബീജങ്ങള്‍ ആണ് പ്രത്യുത്പാദനത്തിന് ആവശ്യമുണ്ട്. എന്നാല്‍ വന്ധ്യത പ്രശ്‌നങ്ങള്‍ ഉള്ളവരില്‍ ബീജത്തിന്റെ എണ്ണം വളരെ കുറവായിരിക്കും. ബീജത്തിന്റെ എണ്ണം കൃത്യമായില്ലെങ്കിലും ബീജത്തിന് ആരോഗ്യമില്ലെങ്കിലും ഗര്‍ഭധാരണം നടക്കില്ല എന്നതാണ് സത്യം. ഇതാണ് വന്ധ്യതയുടെ പ്രധാന കാരണങ്ങളില്‍ ഒന്ന്. അതുകൊണ്ട് ഒരു വര്‍ഷം കാത്തിരുന്നിട്ടും കുട്ടികള്‍ ഉണ്ടായില്ലെങ്കില്‍ ഡോക്ടറെ കണ്ട് ബീജത്തിന്റെ എണ്ണത്തിന്റെ കാര്യത്തെക്കുറിച്ച് ചിലത് അറിഞ്ഞിരിക്കേണ്ടത് അത്യാവശ്യമാണ്.

ബീജത്തിന്റെ ചലനശേഷിയും ശ്രദ്ധിക്കണം

ബീജത്തിന്റെ ചലന ശേഷിയും ഗര്‍ഭധാരണത്തിന് വളരെയധികം സഹായിക്കുന്ന ഒന്നാണ്. വാല്‍ ചലിപ്പിച്ച് ചലനശേഷി ഉള്ള ബീജങ്ങളാണ് പ്രത്യുത്പാദനത്തിന് ആവശ്യമുള്ളത്. അതിവേഗത്തില്‍ ചലിയ്ക്കാന്‍ കഴിയുന്ന 25 ശതമാനം ബീജങ്ങളെങ്കിലും ഉണ്ടായിരിക്കണം. എന്നാല്‍ മാത്രമേ ഗര്‍ഭധാരണം സാധ്യമാകുകയുള്ളൂ. അല്ലെങ്കില്‍ അത് ഗര്‍ഭധാരണത്തിന് വളരെയധികം പ്രതിസന്ധികള്‍ ഉണ്ടാക്കുന്നു. അതുകൊണ്ട് ബീജത്തിന്റെ ചലന ശേഷി വളരെയധികം ശ്രദ്ധിക്കേണ്ടത് ഒന്നാണ്.

ഹോര്‍മോണ്‍ പ്രശ്നങ്ങള്‍ ശ്രദ്ധിക്കാം

ഹോര്‍മോണ്‍ പ്രശ്‌നങ്ങളും സ്ത്രീകളേയും പുരുഷന്‍മാരേയും വലക്കുന്ന ഒന്നാണ്. അതുകൊണ്ട് തന്നെ ഇത്തരം കാര്യങ്ങളില്‍ അല്‍പം ശ്രദ്ധ അത്യാവശ്യമാണ്. രോമ വളര്‍ച്ച ഇല്ലാത്തതും മറ്റും ഹോര്‍മോണ്‍ സംബന്ധമായ പ്രശ്‌നങ്ങള്‍ ഉണ്ടെന്നുള്ളതിനുള്ള തെളിവാണ്. ഹോര്‍മോണ്‍ പ്രശ്നങ്ങളെ വളരെയധികം ശ്രദ്ധിക്കണം. ജീവിതരീതിയിലെ മാറ്റമാണ് ഇതിന്റെ പ്രധാന കാരണം. ഇത് പലപ്പോഴും ബീജത്തിന്റെ എണ്ണത്തില്‍ വ്യതിയാനം ഉണ്ടാക്കുന്നു. ഇത്തരം പ്രശ്നങ്ങള്‍ക്ക് ചികിത്സ അത്യാവശ്യമാണ്. അതുകൊണ്ട് ഒട്ടും താമസിയാതെ തന്നെ ഡോക്ടറെ കാണുന്നതിന് ശ്രദ്ധിക്കണം.

ബീജവാഹിനിക്കുഴലിലെ തടസ്സം

ബീജവാഹിനിക്കുഴലിലെ തടസ്സമാണ് മറ്റൊരു പ്രശ്നം. ഇത്തരം തടസ്സം കണ്ടെത്തിയാല്‍ ബീജം വൃഷണത്തില്‍ നിന്നോ ബീജസംഭരണിയില്‍ നിന്നോ കുത്തിയെടുത്ത് അണ്ഡത്തില്‍ നിക്ഷേപിച്ച് ഗര്‍ഭധാരണം നടത്താവുന്നതാണ്. ഇത് പുരുഷന്‍മാരെ വളരെയധികം പ്രതിസന്ധിയില്‍ ആക്കുന്നു. മാനസിക സമ്മര്‍ദ്ദത്തിന് വരെ ഇത് പലപ്പോഴും കാരണമാകുന്നു. അതുകൊണ്ട് തന്നെ ഇത്തരം കാര്യങ്ങള്‍ വളരെയധികം ശ്രദ്ധിക്കണം. ഇത് പലപ്പോഴും ആരോഗ്യ മാനസിക പ്രശ്‌നങ്ങള്‍ക്ക് വരെ പുരുഷന്‍മാരില്‍ ഇത് കാരണമാകുന്നുണ്ട്. അതുകൊണ്ട് ഇത്തരം ചികിത്സ ചെയ്യുന്നത് കൃത്യമായി ഡോക്ടറിന്റെ നിര്‍ദ്ദേശ പ്രകാരം ആയിരിക്കണം.

ആന്റിബോഡിയുടെ സാന്നിധ്യം

ശരീരത്തില്‍ ആന്റിബോഡിയുടെ സാന്നിധ്യമാണ് മറ്റൊന്ന്. ഇതും വന്ധ്യതയ്ക്ക് പ്രധാന കാരണമായി കണക്കാക്കാവുന്നതാണ്. ബീജത്തെ നശിപ്പിക്കുന്ന ആന്റിബോഡി ഉള്ളവരില്‍ വന്ധ്യത ചികിത്സ അത്യാവശ്യമാണ്. ഇത് ശ്രദ്ധിച്ചില്ലെങ്കില്‍ അത് പലപ്പോഴും ജീവിതത്തില്‍ പല വിധത്തിലുള്ള മാറ്റങ്ങള്‍ ഉണ്ടാക്കുന്നു. അതുകൊണ്ട് ഇതെല്ലാം വേഗം തന്നെ കണ്ടെത്തേണ്ടത് അത്യാവശ്യമാണ്.

ലൈംഗികാവയവത്തിന് തകരാറോ

പല പുരുഷന്‍മാരും ഏറ്റവും കൂടുതല്‍ ഭയക്കുന്ന കാര്യങ്ങളില്‍ ഒന്നാണ് ലൈംഗികാവയവത്തിന് എന്തെങ്കിലും തരത്തിലുള്ള പ്രശ്‌നം ഉണ്ടാവുന്നത്. എന്നാല്‍ ഇത്തരത്തിലുള്ള പ്രശ്‌നങ്ങള്‍ ശ്രദ്ധിയില്‍ പെട്ടാല്‍ ഡോക്ടറെ കണ്ട് ഉടനേ തന്നെ ചികിത്സ നടത്താന്‍ ശ്രദ്ധിക്കണം. ലൈംഗികാവയവത്തിന്റെ തകരാറാണ് മറ്റൊന്ന്. പുരുഷന്‍മാരിലുണ്ടാകുന്ന ഇത്തരം പ്രശ്നങ്ങള്‍ക്ക് ഉടന്‍ തന്നെ ചികിത്സ അത്യാവശ്യമാണ്. ഇത് പലപ്പോഴും വന്ധ്യത പോലുള്ള പ്രശ്‌നങ്ങള്‍ക്ക് കാരണമാകുന്നുണ്ട്. അതുകൊണ്ട് ശ്രദ്ധിക്കുക.

മുണ്ടിനീര്

മുണ്ടിനീരുള്ളവരിലും വന്ധ്യതയെന്ന പ്രശ്‌നം വളരെയധികം പ്രശ്‌നമുണ്ടാക്കുന്ന ഒന്നാണ്. എന്നാല്‍ ഇത്തരം കാര്യങ്ങള്‍ ശ്രദ്ധിക്കാതെ വിടുന്നത് പലപ്പോഴും പ്രതിസന്ധികള്‍ കൂടുതല്‍ രൂക്ഷമാക്കുന്നു. ഇതിന്റെ ഫലമായുണ്ടാകുന്ന വൈറസുകള്‍ വൃഷണത്തിലേക്ക് വ്യാപിക്കുന്നത് മൂലം ബീജോത്പാദനം നടക്കാതെ വരുന്നു. അതുകൊണ്ട് പലപ്പോഴും ഇതും വന്ധ്യതയെന്ന പ്രശ്‌നത്തിന് കാരണമാകുന്നുണ്ട്. എന്നാല്‍ പുരുഷന്‍മാര്‍ ഇത് ശ്രദ്ധിക്കാതെ വിടുന്നു പലപ്പോഴും. ഇത്തരം കാര്യങ്ങള്‍ ഒരിക്കലും അവഗണിക്കേണ്ട ഒന്നല്ല.