ബീജക്കുറവ് തിരിച്ചറിയൂ,കൂടാന്‍ വെളുത്തുള്ളിമരുന്ന്

മസിലുകള്‍ കുറവുള്ള പുരുഷനെങ്കില്‍

മസിലുകള്‍ കുറവുള്ള പുരുഷനെങ്കില്‍ ചിലപ്പോള്‍ ബീജക്കുറവുമുണ്ടാകും. ജനിതിക പ്രശ്‌നങ്ങളോ പിറ്റിയൂറ്ററി ഗ്ലാന്റ് സംബന്ധമായ പ്രശ്‌നങ്ങളോ ആകാം, കാരണം. ടെസ്‌റ്റോസ്റ്റിറോണ്‍ ഹോര്‍മോണ്‍ കുറവും മസിലുകളുടെ കുറവിന് കാരണമാണ്.

മുഖരോമങ്ങള്‍

ബീജോല്‍പാദനത്തിന് പുരുഷ ഹോര്‍മോണ്‍ അഥവാ ടെസ്‌റ്റോസ്റ്റിറോണ്‍ ഹോര്‍മോണ്‍ പ്രധാനപ്പെട്ട ഒന്നാണ്. ഹോര്‍മോണ്‍ കുറവ് ബീജക്കുറവിന് കാരണമാകും. മുഖരോമങ്ങള്‍ കുറയുന്നതും ഈ ഹോര്‍മോണ്‍, അതായത് ടെസ്‌റ്റോസ്റ്റിറോണ്‍ കുറയുന്നതു കൊണ്ടുതന്നെയാണ്.

കുറവു ബീജമാണ്

സ്ഖലനസമയത്ത് കുറവു ബീജമാണ് ഉല്‍പാദിപ്പിയ്ക്കപ്പെടുന്നതെങ്കില്‍ ഇത് ബീജക്കുറവിന്റെ, ടെസ്റ്റോസ്റ്റിറോണ്‍ ഹോര്‍മോണ്‍ കുറവിന്റെ ഒരു ലക്ഷണം തന്നെയാണ്. ആരോഗ്യകരമായ ബീജത്തിന്റെ വോളിയം ഓരോ സ്ഖലനത്തിലും 1.5- 5 മില്ലീലിറ്റര്‍ വരെയാണ്. ഇതില്‍ കുറവ് ബീജത്തിന്റെ അനരോഗ്യത്തെ സൂചിപ്പിയ്ക്കുന്ന ഒന്നാണ്.

ഹൈപ്പോ ഗൊണാഡിസം

ഹൈപ്പോ ഗൊണാഡിസം എന്നൊരു അവസ്ഥയുണ്ട്. പുരുഷശരീരത്തില്‍ വേണ്ടത്ര ടെസ്‌റ്റോസ്റ്റിറോണ്‍ ഉല്‍പാദിപ്പിയ്ക്കാത്ത അവസ്ഥ. ഇവരിലും ബീജത്തിന്റെ അളവും ഗുണവുമെല്ലാം കുറവായി കാണും.

തളര്‍ച്ചയും ക്ഷീണവും

പല പുരുഷന്മാരിലും തളര്‍ച്ചയും ക്ഷീണവും ടെസ്റ്റോസ്റ്റിറോണ്‍ ഹോര്‍മോണ്‍ കുറവാണ് സൂചിപ്പിയ്ക്കുന്നത്. ടെസ്റ്റോസ്റ്റിറോണ്‍ ഹോര്‍മോണ്‍ കുറവെങ്കില്‍ ബീജക്കുറവും സ്വാഭാവികമാണ്.അമിതവണ്ണം, ആവശ്യത്തിന് ശരീര തൂക്കമില്ലാതിരിക്കുക, അണുബാധ തുടങ്ങിയവയും ബീജക്കുറവിന് കാരണമാകുന്ന ഘടകങ്ങള്‍ തന്നെ. വാസക്ടമി, ജന്മനാ ഉള്ള ചില അസുഖങ്ങള്‍ എന്നിവയും ബീജക്കുറവിന് കാരണമാകാറുണ്ട്.

കുഞ്ഞിനായി ശ്രമിച്ചിട്ടും

കുഞ്ഞിനായി ശ്രമിച്ചിട്ടും സ്ത്രീയുടെ പ്രശ്‌നം കൊണ്ടല്ല കുഞ്ഞുണ്ടാകാത്തതെങ്കില്‍ ഇതിനുള്ള കാരണം പുരുഷന്റെ ബീജങ്ങളുടെ എണ്ണക്കുറവാകാം.

വെളുത്തുള്ളി

ബീജങ്ങളുടെ എണ്ണം വര്‍ദ്ധിപ്പിയ്ക്കാന്‍ സഹായിക്കുന്ന സ്വാഭാവിക വഴികളുണ്ട്. ചില ഭക്ഷണങ്ങളും ഇതില്‍ പെടും. ഇത്തരം ഒന്നാണ് വെളുത്തുള്ളി. പുരുഷന്മാരില്‍ ശേഷിയ്ക്കും ബീജാരോഗ്യത്തിനുമെല്ലാം ഒരുപോലെ സഹായിക്കുന്ന മരുന്നാണിത്. പലതരത്തിലും വെളുത്തുള്ളി കൊണ്ട് ബീജങ്ങള്‍ക്കുണ്ടാകുന്ന പ്രശ്‌നം പരിഹരിയ്ക്കാം.

ക്യാരറ്റ്, വെളുത്തുള്ളി

ക്യാരറ്റ്, വെളുത്തുള്ളി എന്നിവ ചേര്‍ത്ത് പ്രത്യേക രീതിയില്‍ ഒരു ജ്യൂസ് തയ്യാറാക്കി കുടിയ്ക്കുന്നത് ബീജങ്ങളുടെ എണ്ണം വര്‍ദ്ധിപ്പിയ്ക്കാന്‍ സഹായിക്കുന്ന ഒന്നാണ്. 6 അല്ലി, വെളുത്തുള്ളി, 2 ക്യാരറ്റ്, 1 ടേബിള്‍സ്പൂണ്‍ തേന്‍ എന്നിവ ഉപയോഗിച്ച് ഒരു മിശ്രിതം തയ്യാറാക്കി കഴിയ്ക്കാം.ക്യാരറ്റ് ജ്യൂസാക്കുക. ഇതില്‍ വെളുത്തുള്ളി അരച്ചതും തേനും ചേര്‍ത്ത് ഒന്നുരണ്ടു മാസം അടുപ്പിച്ച് പ്രാതലിനു മുന്‍പായി കുടിയ്ക്കുക.

വെളുത്തുള്ളിയും തക്കാളിയും

വെളുത്തുള്ളിയും തക്കാളിയും ചേര്‍ത്തുണ്ടാക്കുന്ന പ്രത്യേക മിശ്രിതവും ബീജ വര്‍ദ്ധനവിന് സഹായിക്കും. 12 അല്ലി വെളുത്തുള്ളി, 1 തക്കാളി, ഒരു നുളള് ഉപ്പ്, മുളകുപൊടി എന്നിവ ചേര്‍ത്തരച്ചു ഭക്ഷണത്തിനൊപ്പം കഴിയ്ക്കാം. ഒന്നുരണ്ടു ദിവസത്തില്‍ ഇതു മുഴുവന്‍ കഴിയ്ക്കണം.

ബീറ്റ്‌റൂട്ട്

1 ബീറ്റ്‌റൂട്ട്, 15 അല്ലി വെളുത്തുള്ളി എന്നിവ ചേര്‍ത്തരയ്ക്കുക. ഇതില്‍ ഒരു നുള്ളു മുളകുപൊടി, 1 ടീസ്പൂണ്‍ ചെറുനാരങ്ങാനീര്, ഉപ്പ് എന്നിവ ചേര്‍ത്ത് കഴിയ്ക്കാം.

ബീറ്റ്‌റൂട്ടും വെളുള്ളിയും

ബീറ്റ്‌റൂട്ടും വെളുള്ളിയും ചേര്‍ത്തു പ്രത്യേക മരുന്നു തയ്യാറാക്കി കഴിയ്ക്കാം. 1 ബീറ്റ്‌റൂട്ട്, 15 അല്ലി വെളുത്തുള്ളി എന്നിവ ചേര്‍ത്തരയ്ക്കുക. ഇതില്‍ ഒരു നുള്ളു മുളകുപൊടി, 1 ടീസ്പൂണ്‍ ചെറുനാരങ്ങാനീര്, ഉപ്പ് എന്നിവ ചേര്‍ത്ത് കഴിയ്ക്കാം.

തേന്‍

വെളുത്തുള്ളി പച്ചയ്‌ക്കോ ചുട്ടോ കഴിയ്ക്കുന്നതും പാലില്‍ ചേര്‍ത്തു തിളപ്പിച്ചു കുടിയ്ക്കുന്നതും തേന്‍ ചേര്‍ത്തു കഴിയ്ക്കുന്നതുമെല്ലാം നല്ല ബീജത്തിനും ലൈംഗികശേഷിയ്ക്കും സഹായകമായ ഘടകമാണ്.