ചില ഗര്‍ഭകാല ഉത്കണ്ഠകള്‍ക്ക് പരിഹാരം

ഉത്കണ്ഠ കൈമാറുക

ഗര്‍ഭകാലത്തുണ്ടാകുന്ന ഉത്കണ്ഠ ഒരിക്കലും സ്വന്തം മനസ്സില്‍ ഇട്ട് പ്രശ്‌നം വഷളാക്കരുത്. നിങ്ങളുടെ പങ്കാളിയോടോ അടുപ്പമുള്ള ബന്ധുക്കളോടോ ഇത്തരം കാര്യങ്ങള്‍ പങ്കു വെയ്ക്കാന്‍ ശ്രമിക്കുക. അവരുടെ അഭിപ്രായവും ഉത്കണ്ഠ കുറയ്ക്കാന്‍ സഹായിക്കുന്നു.

എഴുതാന്‍ ശ്രമിക്കുക

എന്താണ് നിങ്ങള്‍ക്ക് തോന്നുന്നതെങ്കില്‍ അത് എഴുതാന്‍ ശ്രമിക്കുക. ഒരിക്കലും മനസ്സില്‍ അടക്കി വെയ്ക്കരുത്. ഡയറി എഴുതുന്നത് ഒരു നല്ല ശീലമാണ്. ഇത് ഉത്കണ്ഠ അകറ്റുന്നു.

വ്യായാമം മുടക്കരുത്

ഗര്‍ഭകാലമാണെന്നു കരുതി ഒരിക്കലും വ്യായാമത്തിന് വിശ്രമം നല്‍കരുത്. ഇത് നമ്മുടെ ഉത്കണ്ഠയ്ക്ക് ആക്കം കൂട്ടുകയാണ് ചെയ്യുന്നത്. അതുകൊണ്ട് വ്യായാമം ചെയ്യുന്നത് നിര്‍ത്താതിരിക്കുക.

ശ്വാസോഛ്വാസം എന്ന വ്യായാമം

യോഗയും മെഡിറ്റേഷനും ശീലമാക്കുക. ഇതിലൂടെ മനസ്സിന്റെ പല ഉത്കണ്ഠകളും കുറയ്ക്കാന്‍ സാധിയ്ക്കും. മാത്രമല്ല പ്രസവം എളുപ്പമാക്കാന്‍ ഇത് സഹായിക്കുകയും ചെയ്യുന്നു.

വിശ്രമം അത്യാവശ്യം

ഗര്‍ഭധാരണ സമയത്തും അമിതമായ ആയാസം നല്‍കുന്ന ജോലികള്‍ ചെയ്യാതിരിക്കുക. ആവശ്യത്തിന് വിശ്രമം എടുക്കുക. ശരീരത്തിനും മനസ്സിനും ഇത് ആശ്വാസമാകും. മാത്രമല്ല ഇത് ഗര്‍ഭസ്ഥ കുഞ്ഞിന്റെ ആരോഗ്യത്തിനും സഹായിക്കുന്നു.

ഹോബികള്‍ മുടക്കാതിരിക്കുക

പാട്ട് കേള്‍ക്കുന്നതും സിനിമ കാണുന്നതും പുസ്തകം വായിക്കുന്നതും എല്ലാം ഇത്തരത്തിലുള്ള ഉത്കണ്ഠ കുറയ്ക്കാന്‍ സഹായിക്കുന്നു. ഇതൊന്നും ഒഴിവാക്കാതിരിക്കുക.

ഡോക്ടറെ സമീപിക്കുക

ഏത് കാര്യത്തിലാണെങ്കിലും ഉടന്‍ തന്നെ ഡോക്ടറുടെ സഹായം തേടുക. ഇത് നിങ്ങളുടെ ഏത് തരത്തിലുള്ള ഉത്കണ്ഠയേയും ഇല്ലാതാക്കും.