ഗര്‍ഭധാരണം 35-നു ശേഷമെങ്കില്‍ ശ്രദ്ധ കൂടുതല്‍

ഗര്‍ഭം താമസിക്കുന്നത്

വിവാഹം കഴിഞ്ഞാലും കുട്ടികള്‍ ഉടനേ വേണ്ടെന്ന് വെയ്ക്കുന്നവരാണ് അധികവും. എന്നാല്‍ പിന്നീട് 35 വയസ്സിനു ശേഷം ഗര്‍ഭിണിയായാല്‍ ഇവരില്‍ പ്രസവസംബന്ധമായ സങ്കീര്‍ണതകള്‍ കൂടുതലായിരിക്കും.

ഗര്‍ഭധാരണശക്തി കുറയുന്നു

35 വയസ്സിനു ശേഷം ഗര്‍ഭധാരണശക്തി കുറഞ്ഞ് വരുന്നു, പ്രായം കൂടുന്തോറും അണ്ഡത്തിന്റെ എണ്ണവും ശക്തിയും കുറയുന്നു. ഇത് വന്ധ്യത പോലുള്ള പ്രശ്‌നങ്ങളിലേക്ക് നയിക്കുന്നു.

അമിതവണ്ണമെന്ന പ്രശ്‌നം

ഗര്‍ഭധാരണം വൈകിയാല്‍ അമിതവണ്ണമെന്ന പ്രശ്‌നവും ഉണ്ടാകുന്നു. മാത്രമല്ല അമിതവണ്ണത്തേക്കാളുപരി മറ്റ് ആരോഗ്യപ്രശ്‌നങ്ങളായ പ്രമേഹം, ബിപി, കരള്‍-വൃക്ക തുടങ്ങിയ പ്രശ്‌നങ്ങളിലേക്ക് എത്തുന്നു.

അബോര്‍ഷനുള്ള സാധ്യത

അബോര്‍ഷനുള്ള സാധ്യതയും തള്ളിക്കളയാനാവില്ല. 35 വയസ്സ് കഴിഞ്ഞ സ്ത്രീകളില്‍ പ്രസവസമയത്തും ധാരാളം പ്രശ്‌നങ്ങള്‍ ഉണ്ടാവാം. കുഞ്ഞിന് തൂക്കക്കുറവും മാസംതികയാതെയുള്ള പ്രസവം തുടങ്ങിയവയെല്ലാം വൈകിയുള്ള ഗര്‍ഭധാരണത്തിന്റെ ഫലമാണ്.

രക്തസ്രാവം കൂടുതലാവുന്നു

പ്രായമേറിയവരില്‍ പ്രസവസമയത്ത് ഗര്‍ഭപാത്രം ചുരുങ്ങാത്തതും അതിന് സമയമെടുക്കുന്നതും രക്തസ്രാവം വര്‍ദ്ധിക്കാന്‍ കാരണമാകുന്നു. ഗര്‍ഭപാത്രത്തിനകത്തുണ്ടാകുന്ന മുഴകളും ഇത്തരം പ്രശ്‌നങ്ങള്‍ക്ക് കാരണമാകുന്നു.

ജനിതക തകരാറുകള്‍

ജനിയ്ക്കുന്ന കുഞ്ഞിന് ജനിതക തകറാറുകളും അംഗവൈകല്യങ്ങളും ഉണ്ടാവാനുള്ള സാധ്യതയും വളരെ കൂടുതലാണ്.

വിശ്രമം അത്യാവശ്യം

പ്രായമേറിയവര്‍ ഗര്‍ഭിണിയായാല്‍ വിശ്രമം അത്യാവശ്യമായി വേണ്ട ഒന്നാണ്. പ്രത്യേകിച്ച് ആദ്യ മൂന്ന് മാസം. പടികള്‍ കയറുന്നതും ബൈക്ക് ഓട്ടോറിക്ഷ യാത്രയും കുറയ്ക്കുക.

ഭക്ഷണത്തിലും ശ്രദ്ധ

ഗര്‍ഭിണികള്‍ ഭക്ഷണ കാര്യങ്ങളിലും ശ്രദ്ധ നല്‍കേണ്ടത് അത്യാവശ്യമാണ്. പോഷകാഹാരം കഴിയ്ക്കാന്‍ ശ്രദ്ധിക്കുക കൂടാതെ പഴങ്ങളും പച്ചക്കറികളും കൂടുതല്‍ കഴിയ്ക്കുക. ഫാസ്റ്റ്ഫുഡ് ഒഴിവാക്കുക.