സുഖപ്രസവത്തിന് ചില വഴികള്‍

വ്യായാമം ചെയ്യുക

വ്യായാമം ചെയ്യുന്നത് പ്രസവം എളുപ്പമാക്കാന്‍ സഹായിക്കുന്നു. എന്നാല്‍ അത് തുടങ്ങുന്നതിനു മുന്‍പ് വിദഗ്ധരുടെ അഭിപ്രായം കൂടി കണക്കിലെടുത്തു വേണം വ്യായാമം തുടങ്ങാന്‍ എന്നതാണ് കാര്യം.

അസ്വസ്ഥത ഒഴിവാക്കുക

അസ്വസ്ഥത ഒഴിവാക്കുകയാണ് മറ്റൊന്ന്. ഒന്നിനെക്കുറിച്ചും ആലോചിച്ച് ടെന്‍ഷനാവാതെ എല്ലാ കാര്യത്തിലും സന്തോഷം കണ്ടെത്താന്‍ മാത്രം ശ്രമിക്കുക. തങ്ങളുടെ ഹോബികളില്‍ സമയം ചിലവഴിക്കാന്‍ ശ്രദ്ധിക്കുകയാണ് ചെയ്യേണ്ടത്.

ധ്യാനം

മെഡിറ്റേഷന്‍ അഥവാ ധ്യാനം ചെയ്യുന്നത് നന്നായിരിക്കും. ഇത് ഉത്കണ്ഠയേയും മാനസിക സമ്മര്‍ദ്ദത്തേയും ഇല്ലാതാക്കും. മസിലിനെ റിലാക്‌സ് ആക്കുകയും മാനസികാരോഗ്യം വര്‍ദ്ധിപ്പിക്കുകയും ചെയ്യും.

ആരോഗ്യമുള്ള ഡയറ്റ്

ആരോഗ്യമുള്ള ഡയറ്റ് പലപ്പോഴും ഗര്‍ഭിണികള്‍ പിന്തുടരാറില്ല. എന്നാല്‍ താന്‍ കഴിയ്ക്കുന്ന ഭക്ഷണത്തില്‍ നിന്നാണ് കുഞ്ഞിനും ആരോഗ്യം ലഭിയ്ക്കുക എന്നതാണ് കാര്യം. അതു കൊണ്ട് തന്നെ ഫോളിക് ആസിഡ് അധികമുള്ള ഭക്ഷണങ്ങള്‍ ഗര്‍ഭിണികള്‍ കഴിയ്ക്കാന്‍ ശ്രദ്ധിക്കണം.

മസ്സാജ് ചെയ്യുന്നത്

പ്രസവത്തിന് രണ്ട് മാസം മുന്‍പ് തന്നെ മസ്സാജ് തുടങ്ങണം. ടെന്‍ഷന്‍ ഉണ്ടാക്കുന്ന ഭാഗങ്ങളില്‍ മസ്സാജ് ചെയ്യുന്നത് മാനസികാരോഗ്യം നല്‍കുകയും പ്രസവത്തോടനുബന്ധിച്ചുള്ള ടെന്‍ഷനെ ഇല്ലാതാക്കുകയും ചെയ്യും.

ശ്വാസോഛ്വാസത്തിലുമുണ്ട് ഗുണം

ശ്വാസോഛ്വാസമെടുക്കുന്നതിലും വിദഗ്ധരുമായി ആലോചിച്ച് ഒരു ഉപദേശം തേടുന്നത് പ്രസവം സുഗമമാക്കാന്‍ സഹായിക്കുന്നു.

കുളിയില്‍ ശ്രദ്ധിക്കാന്‍

കുളിയ്ക്കുന്ന കാര്യത്തിലും ഗര്‍ഭിണികള്‍ ശ്രദ്ധിക്കണം. പ്രസവത്തിനു മുന്‍പ് ഇളം ചൂടു വെള്ളത്തില്‍ കുളിയ്ക്കുന്നത് ഗര്‍ഭിണികളുടെ ശരീരം പ്രസവത്തിന് തയ്യാറെടുക്കാന്‍ സഹായിക്കും എന്നതാണ്. മാത്രമല്ല മാനസിക സമ്മര്‍ദ്ദം അകറ്റാനും ഇതിലൂടെ സഹായിക്കും.

പ്രിയപ്പെട്ടവരുടെ സാന്നിധ്യം

പ്രസവസമയത്ത് പ്രിയപ്പെട്ടവരുടെ സാന്നിധ്യമുണ്ടാകുന്നതും പ്രസവത്ത സുഗമമാക്കും. ഭര്‍ത്താവിന്റെ സാമിപ്യം ആഗ്രഹിക്കാത്ത സ്ത്രീകളുണ്ടാവില്ല. ഇത് ഉത്കണ്ഠയും സമ്മര്‍ദ്ദവും കുറയ്ക്കുന്നു.