പുരുഷവന്ധ്യത ഒഴിവാക്കാന്‍ ചില വഴികള്‍

Published: Tuesday, January 7, 2014, 13:23 [IST]

ഇന്നത്തെ കാലഘട്ടത്തില്‍ പ്രത്യുല്‍പാദനപരമായ പ്രശ്‌നങ്ങള്‍ സ്ത്രീകള്‍ക്കും പുരുഷന്മാര്‍ക്കും വര്‍ദ്ധിച്ചു വരുന്നു. സ്ത്രീ, പുരുഷ വന്ധ്യതയ്ക്കുള്ള കാരണങ്ങള്‍ വ്യത്യസ്തവുമായിരിയ്ക്കും.

പലപ്പോഴും പുരുഷവന്ധ്യത തിരിച്ചറിയുന്നത് ഒരു കുഞ്ഞിന് വേണ്ടി ശ്രമിയ്ക്കുമ്പോഴായിരിക്കും. സ്ത്രികള്‍ക്കാകട്ടെ, ആര്‍ത്തവക്രമക്കേടുകളും മറ്റും പലപ്പോഴും ഇത്തരം കാര്യങ്ങള്‍ നേരത്തെ തന്നെ തിരിച്ചറിയാന്‍ സഹായിക്കും.

പുരുഷവന്ധ്യത ഒഴിവാക്കാന്‍ പുരുഷന്മാര്‍ ചെയ്യേണ്ട ശ്രദ്ധിയ്‌ക്കേണ്ട ചില കാര്യങ്ങളുണ്ട്. പ്രത്യേകിച്ച് വൃഷണങ്ങളുടെ ആരോഗ്യത്തിന്. ഇവയില്‍ ഭക്ഷണ, ജീവിത ശൈലികള്‍ ഉള്‍പ്പെടുന്നു.

പുരുഷവന്ധ്യത ഒഴിവാക്കാന്‍ ചില വഴികള്‍

വൃഷണങ്ങളില്‍ ചൂടു കൂടുന്നത് പുരുഷവന്ധ്യതയ്ക്കു കാരണമാകുന്ന ഒന്നാണ്. ഇത് ബീജോല്‍പാദത്തെ ബാധിയ്ക്കും. ബീജങ്ങളെ കൊന്നൊടുക്കുകയും ചെയ്യും.

അയഞ്ഞ അടിവസ്ത്രം

അയഞ്ഞ അടിവസ്ത്രം ധരിയ്ക്കുവാന്‍ ശ്രദ്ധിയ്ക്കുക. ഇത് വൃഷണങ്ങളിലെ ചൂടു കുറയ്ക്കാന്‍ സഹായിക്കും. പുരുഷവന്ധ്യത ഒഴിവാക്കാനും സഹായിക്കും.

കോട്ടന്‍ അടിവസ്ത്രങ്ങള്‍

എപ്പോഴും കോട്ടന്‍ അടിവസ്ത്രങ്ങള്‍ തന്നെ ഉപയോഗിയ്ക്കുക. ഇത് വൃഷണങ്ങളുടെ ആരോഗ്യത്തിനു വളരെ പ്രധാനമാണ്.

ലൂബ്രിക്കന്റുകള്‍

സെക്‌സിലേര്‍പ്പെടുമ്പോള്‍ ലൂബ്രിക്കന്റുകള്‍ ഉപയോഗിയ്ക്കുമെങ്കില്‍ ഇവ ബീജോല്‍പാദത്തെ ബാധിയ്ക്കുന്നവയല്ലെന്ന് ഉറപ്പു വരുത്തുക. ഇവയില്‍ ഉപയോഗിക്കുന്ന കെമിക്കലുകള്‍ ചിലപ്പോള്‍ പുരുഷവന്ധ്യതയ്ക്ക് ഇട വരുത്തും.