Click it and Unblock the Notifications
Latest Updates
-
കുംഭം രാശിയിൽ ചന്ദ്രൻ: മേടം, ചിങ്ങം രാശിക്കാർക്ക് ഭാഗ്യം തെളിയുന്നു, ഇന്നത്തെ രാശിഫലം അറിയാം -
ഡൽഹിയിൽ പൊടിക്കാറ്റും ഈർപ്പവും; ചർമ്മം സുരക്ഷിതമാക്കാൻ ഈ ചെറിയ മാറ്റങ്ങൾ മതി! -
കത്തുന്ന വെയിലിൽ പോക്കറ്റിൽ ഉള്ളി വെച്ചാൽ രക്ഷയുണ്ടോ? ഈ അബദ്ധങ്ങൾ ഒഴിവാക്കി വേനൽക്കാലത്തെ നേരിടാം -
കടുത്ത ചൂടിൽ വർക്കൗട്ട് ചെയ്യുന്നത് അപകടമോ? സുരക്ഷിതമായി വ്യായാമം ചെയ്യാൻ ഈ കാര്യങ്ങൾ അറിഞ്ഞിരിക്കൂ! -
വണ്ണം കുറയ്ക്കാനും പിസിഒഎസ് മാറ്റാനും ഇനി കുറഞ്ഞ ചിലവിൽ; വിപണിയിലെ ഈ മാറ്റം ശ്രദ്ധിക്കൂ -
വണ്ണം കുറയ്ക്കാൻ GLP-1 മരുന്നുകൾ തേടുകയാണോ? ഈ കാര്യങ്ങൾ അറിഞ്ഞില്ലെങ്കിൽ പണി പാളും! -
കത്തുന്ന വെയിലിൽ ചർമ്മം കരിഞ്ഞുപോകുമോ? ഈ സ്മാർട്ട് ടിപ്സുകൾ പരീക്ഷിച്ചാൽ തിളക്കം നിലനിർത്താം! -
കാൻ റെഡ് കാർപെറ്റിൽ തിളങ്ങാൻ താരങ്ങൾ പയറ്റുന്ന ആ 'ലാസ്റ്റ് മിനിറ്റ്' വിദ്യ; ഞെട്ടിക്കുന്ന രഹസ്യങ്ങൾ ഇതാ! -
അവിട്ടം നക്ഷത്രത്തിലേക്ക് ചന്ദ്രൻ: സാമ്പത്തിക ഉയർച്ചയും ഭാഗ്യവും തേടിയെത്തുന്നു, ഈ രാശിക്കാർക്ക് ഇന്ന് സുവർണ്ണാവസരം! -
വൻ സാമ്പത്തിക നേട്ടത്തിന് ഇന്ദ്രയോഗം; മെയ് 11-ന് ഈ കാര്യങ്ങൾ ശ്രദ്ധിച്ചാൽ ഭാഗ്യം കൂടെയുണ്ടാകും!
ഗര്ഭകാലത്തെ വൈകാരിക സംഘര്ഷങ്ങള്
ഗര്ഭിണിയാണെന്ന് അറിയുന്ന നിമിഷം മുതല് ശിശുവുമായി അമ്മയ്ക്ക് അടുപ്പം വളര്ന്ന് തുടങ്ങുകയും, അമ്മയെന്ന പുതിയ അവസ്ഥ അവള് ആസ്വദിച്ച് തുടങ്ങുകയും ചെയ്യും. എന്നാല് പുരുഷന്റെ കാര്യത്തില് ഇത് ശരിയാവില്ല. കുട്ടി ജനിച്ച ശേഷമേ തന്റെ പിതൃത്വം ആസ്വദിക്കാന് പുരുഷന് സാധിക്കൂ. അതിനാല് തന്നെ ഗര്ഭകാലത്ത് പങ്കാളിയിലുണ്ടാകുന്ന വൈകാരിക മാറ്റങ്ങള് തിരിച്ചറിയുന്നതില് പുരുഷന് പരാജയപ്പെടും. ഇത് ബന്ധത്തില് പല പ്രശ്നങ്ങളുമുണ്ടാക്കുകയും ചെയ്യും.
20 ശതമാനം സ്ത്രീകളും ഗര്ഭിണിയായിരിക്കുമ്പോള് വൈകാരിക വിക്ഷോഭങ്ങള്ക്കും, ബന്ധങ്ങളിലെ പൊരുത്തക്കേടുകള്ക്കും വിധേയരാകും. അതേ സമയം ഒരു കുട്ടിയുടെ രക്ഷകര്തൃത്വം എന്നത് വെല്ലുവിളി നിറഞ്ഞതും, ആകാംഷ നിറഞ്ഞതുമാണ്. ഗര്ഭകാലത്തുണ്ടാകുന്ന വൈകാരിക പ്രശ്നങ്ങളെക്കുറിച്ച് അറിഞ്ഞിരുന്നാല് ഇവയ്ക്ക് പരിഹാരം കാണാനാവും. അതായത് ഈ പ്രശ്നങ്ങള് പരിഹരിച്ചാല് ഗര്ഭകാലം നിങ്ങള്ക്ക് ശരിയായി തന്നെ ആസ്വദിക്കാനാകും.
ഗര്ഭം ഭാര്യാഭര്തൃ ബന്ധം വളര്ത്തുന്നതെങ്ങനെ?
കുഞ്ഞ് പ്രസവിക്കപ്പെടുന്നത് വരെ ഗര്ഭപാത്രത്തില് സംരക്ഷിക്കപ്പെടുന്നു. ഈ സമയത്ത് കുഞ്ഞിലുണ്ടാകുന്ന മാറ്റങ്ങള് ഗര്ഭിണിയിലും ഏറെ മാറ്റങ്ങള്ക്കിടവരുത്തും. ഇത് ശാരീരികവും, മാനസികവുമായ ലക്ഷണങ്ങളായി പുറത്ത് വരും. ബന്ധം വഷളാവുന്നതിന് മുമ്പ് തന്നെ ഇക്കാര്യം ശ്രദ്ധിച്ച് കൈകാര്യം ചെയ്താല് കൂടുതല് വഷളാവാതെ തടയാനാവും. ഗര്ഭകാലത്ത് ദാമ്പത്യബന്ധത്തില് ഉറവെടുക്കാവുന്ന ചില പ്രശ്നങ്ങളെയാണ് ഇവിടെ പരിചയപ്പെടുത്തുന്നത്.
1. പിന്തുണയും, ധാരണയും ഇല്ലായ്മ
ഗര്ഭകാലത്ത് ദമ്പതികള്ക്കിടയിലെ സന്തോഷം കെടുത്തുന്നതില് പ്രധാന കാരണമാകുന്നവയാണ് മാനസിക സമ്മര്ദ്ധവും, ഉത്കണ്ഠയും. ഭാര്യക്ക് മാനസികസമ്മര്ദ്ധം അനുഭവപ്പെടുന്ന സമയത്ത് ഭര്ത്താവ് അത് മനസിലാക്കുകയും കൂടുതല് അടുപ്പത്തോടെ പെരുമാറുകയും ചെയ്യുക.
2. ആശയവിനിമയം ഇല്ലായ്മ
പരസ്പരം വൈകാരികമായ ആശയവിനിമയം ഇല്ലാത്തത് ഗര്ഭകാലത്തെ ബന്ധത്തില് പ്രശ്നങ്ങള്ക്കിടയാക്കുന്നതാണ്. മാനസിക സമ്മര്ദ്ധമുള്ള അവസരത്തില് തര്ക്കത്തിന് സാധ്യതയുള്ളതിനാല് പലപ്പോഴും ഭര്ത്താക്കന്മാര് ഭാര്യമാരോട് സംസാരിക്കുന്നത് കുറയ്ക്കും. അത് വഴി തങ്ങള് അവഗണിക്കപ്പെട്ടതായി ഭാര്യമാര്ക്ക് തോന്നുകയും ചെയ്യും.
3. വൈകാരിക അസ്വസ്ഥതകള്
വൈകാരിക പ്രശ്നങ്ങള് നിറഞ്ഞ സാഹചര്യം ഭര്ത്താക്കന്മാരെ സംബന്ധിച്ച് വലിയ പ്രയാസമുണ്ടാക്കും. എന്നാല് ഭാര്യമാരുടെ സമ്മിശ്രമായ വികാരപ്രകടനങ്ങളുടെ സ്വഭാവം മനസിലാക്കി അല്പം കൂടി വിശാലമനസോടെ ഭര്ത്താക്കന്മാര് ഇടപെടണം. ഗര്ഭകാലത്തില് ആദ്യത്തെ മൂന്ന് മാസം സ്ത്രീയുടെ മാനസിക നിലയിലുള്ള ഏറ്റക്കുറച്ചിലുകള് സാധാരണമാണ്. ഹോര്മോണ് നിലയിലുള്ള വ്യതിയാനങ്ങളാണ് ഇതിന് കാരണമാകുന്നത്.
4. ശിഥിലമായ കുടുംബബന്ധങ്ങള്
ഗര്ഭിണികളില് പ്രകടമാകുന്ന മാനസിക സമ്മര്ദ്ധം, ഉത്കണ്ഠ, സംഘര്ഷം, അസ്വസ്ഥതകള് എന്നിവയൊക്കെ കുടുംബബന്ധത്തിലെ ശൈഥില്യം മൂലമാകാം. ഇത് ബന്ധങ്ങളെ കൂടുതല് ഗുരുതരമായ അവസ്ഥയിലേക്ക് കൊണ്ടുപോകാനിടയാകും.
5. ശാരീരിക മാറ്റങ്ങള്
ഗര്ഭകാലത്തെ ശാരീരികവും മാനസികവുമായ മാറ്റങ്ങള്, ഭാരം കൂടല്, സമ്മര്ദ്ധം, ക്ഷീണം എന്നിവയൊക്കെ പങ്കാളിയുമായുള്ള ലൈംഗികബന്ധത്തെ സ്വാധിനിക്കും. പലപ്പോഴും തങ്ങളുടെ ആകര്ഷണീയത നഷ്ടമായതായി സ്ത്രീകള് വിചാരിക്കാനും ഇടയാകും.
6. തെറ്റിദ്ധാരണ
ഗര്ഭകാലത്ത് ഭര്ത്താവുമായി പല പ്രശ്നങ്ങളുമുണ്ടാകുന്നതും, വേര്പിരിയലില് അവസാനിക്കുന്നതും സംഭവ്യമാണ്. അതിനാല് തന്നെ ഭാര്യാഭര്ത്താക്കന്മാര്ക്കിടയിലെ ചെറിയ പ്രശ്നങ്ങള് പോലും തുടക്കത്തില് തന്നെ പരിഹരിക്കേണ്ടതുണ്ട്.
7. പങ്കാളിയുടെ മാനസിക സമ്മര്ദ്ധം
ആദ്യം തന്നെ ഭാര്യമാരിലുണ്ടാകുന്ന വൈകാരിക മാറ്റങ്ങളും, മാനസിക സമ്മര്ദ്ധവും തമ്മിലുള്ള വ്യത്യാസം തിരിച്ചറിയണം. മാനസിക സമ്മര്ദ്ധമെന്നത് ഏറെ ഗുരുതരവും, ചിലപ്പോള് ആത്മഹത്യക്ക് വരെ ഇടയാക്കുന്നതുമാണ്. 10 ശതമാനത്തോളം ഗര്ഭിണികളില് മാനസിക സമ്മര്ദ്ധം ഉയര്ന്നതോതില് ഉണ്ടാവുകയും അതിന് കൗണ്സിലിങ്ങ് വഴി പരിഹാരം കണ്ടെത്തേണ്ടിയും വരും.
8. അവകാശവാദങ്ങള്
ചെറിയ കാര്യങ്ങളില് പോലും മാനസിക സമ്മര്ദ്ധം ഉണ്ടാവുകയും, സ്വയം വിമര്ശനം ചെയ്യുകയും ചെയ്യുന്നത് സാധാരണമാണ്. അതിനാല് അവകാശവാദങ്ങളുന്നയിക്കുന്നത് ഒഴിവാക്കുകയും, ഭാര്യയുടെ വികാരങ്ങളും, മാനസിക നിലയും മനസിലാക്കാന് ശ്രമിക്കുകയും ചെയ്യുക. അവഗണിക്കപ്പെടുന്നു, തങ്ങള് ഒരു ആവശ്യമല്ല എന്ന തരത്തിലുള്ള തോന്നല് ഭാര്യമാരിലുണ്ടാകാതെ നോക്കുക.
Continue with Google