മാസം തികയാതെയുള്ള പ്രസവം ഒഴിവാക്കാം

Published: Tuesday, March 25, 2014, 12:19 [IST]

ഗര്‍ഭകാലത്തുണ്ടാകുന്ന വിവിധ പ്രശ്‌നങ്ങളില്‍ മാസം തികയാതെയുള്ള പ്രസവം ഒരു പ്രശ്‌നമാണ്.

കുഞ്ഞിന് 37 ആഴ്ച പ്രായമാകുന്നതിനു മുന്‍പുള്ള പ്രസവമാണ് മാസം തികയാതെയുള്ള പ്രസവം എന്നു കണക്കാക്കപ്പെടുന്നു. ഇങ്ങനെ ജനിയ്ക്കുന്ന കുഞ്ഞുങ്ങള്‍ക്ക് തൂക്കക്കുറവും പെട്ടെന്നു തന്നെ അസുഖങ്ങള്‍ വരാനുള്ള സാധ്യതയും കൂടുതലാണ്. വേണ്ട രീതിയില്‍ ശ്രദ്ധിയ്ക്കാതിരുന്നാല്‍ ഇത് കുഞ്ഞിന്റെ ജീവനു തന്നെ അപകടവുമായേക്കാം.

മാസം തികയാതെയുള്ള പ്രസവം ഒഴിവാക്കാനുള്ള ചില വഴികളെക്കുറിച്ചറിയൂ,

കൃത്യമായ തൂക്കം

ഗര്‍ഭകാലത്ത് കൃത്യമായ തൂക്കം നില നിര്‍ത്താന്‍ ശ്രമിയ്ക്കുക. തൂക്കം കൂടുതലോ കുറവോ ആകരുത്. ഇത് മാസം തികയാതെയുള്ള പ്രസവം ഒഴിവാക്കും.

പോഷകങ്ങള്‍

പോഷകങ്ങള്‍ അടങ്ങിയ ഭക്ഷണം മാസം തികയാതെയുള്ള പ്രസവം ഒഴിവാക്കുവാന്‍ വളരെ പ്രധാനമാണ്. പോഷകങ്ങങ്ങള്‍ അടങ്ങിയ ഭക്ഷണം ശീലമാക്കുക.

ജങ്ക് ഫുഡ്

ഗര്‍ഭകാലത്ത് നിര്‍ബന്ധമായും ജങ്ക് ഫുഡ് ഒഴിവാക്കുക. ഇത്തരം ഭക്ഷണത്തിലെ പല ഘടകങ്ങളും മാസം തികയാതെയുള്ള പ്രസവത്തിന് വഴിയൊരുക്കും.

വെള്ളം

ശരീരത്തില്‍ ജലാംശം കുറയുന്നത് മാസം തികയാതെയുള്ള പ്രസവത്തിനുള്ള മറ്റൊരു കാരണമാണ്. ധാരാളം വെള്ളം കുടിയ്ക്കുക.

മൂത്രശങ്ക

ഗര്‍ഭകാലത്ത് അടിക്കടി മൂത്രശങ്കയുണ്ടാകുന്നത് സ്വാഭാവികമാണ് ഇത് പിടിച്ചു നിര്‍ത്താന്‍ ശ്രമിയ്ക്കരുത്. യൂറിനറി ഇന്‍ഫെക്ഷന്‍ പോലുളള പ്രശ്‌നങ്ങളുണ്ടാകും.ഇത് മാസം തികയാതെയുള്ള പ്രസവത്തിന ്കാരണമാകുകയും ചെയ്യും.