ഗര്‍ഭവും ചില ഇന്ത്യന്‍ വിശ്വാസങ്ങളും!!

കുഞ്ഞുങ്ങളുടെ ചിത്രം

ഗര്‍ഭിണിയായ സ്ത്രീകളുള്ള വീട്ടില്‍ നല്ല ഭംഗിയുള്ള കുഞ്ഞുങ്ങളുടെ ചിത്രം തൂക്കണമെന്നു പറയും. ഇങ്ങനെ ചെയ്താല്‍ ഭംഗിയുള്ള കുഞ്ഞുങ്ങളുണ്ടാകുമെന്നാണ് വിശ്വാസം.

വെണ്ണയും നെയ്യും

വെണ്ണയും നെയ്യും കഴിയ്ക്കുന്നത് പ്രസവം എളുപ്പമാക്കുമെന്നും വിശ്വാസമുണ്ട്. ഇതു കഴിയ്ക്കുമ്പോള്‍ കുഞ്ഞ് ഗര്‍ഭപാത്രത്തില്‍ നിന്നും വജൈനയിലേയ്ക്ക് എളുപ്പത്തില്‍ ഇഴുകിപ്പോരുന്നുവെന്നാണ് വിശ്വാസം.

അമിതഭക്ഷണം

ആവശ്യമില്ലെങ്കിലും അമിതഭക്ഷണം കഴിയ്ക്കുന്ന ഗര്‍ഭിണികളുണ്ട്. ഒരാള്‍ക്കു വേണ്ടിയല്ല, രണ്ടുപേര്‍ക്കു വേണ്ടി കഴിയ്ക്കുന്നുവെന്നാണ് ന്യായം. അമിതഭക്ഷണം കൊണ്ട് ഗുണമില്ലെന്നോര്‍്ക്കുക.

പാലില്‍ കുങ്കുമപ്പൂ

വെളുത്ത കുഞ്ഞിനെ ലഭിയ്ക്കാനായി പാലില്‍ കുങ്കുമപ്പൂ കലക്കി കുടിയ്ക്കുന്നതും പതിവാണ്.

ഉപ്പ്, മധുരം

ഗര്‍ഭകാലത്ത് ചില പ്രത്യേക ഭക്ഷണങ്ങളോട് കൊതി തോന്നുന്നത് സ്വാഭാവികമാണ്. ഉപ്പുള്ള ഭക്ഷണത്തോടാണ് കൊതിയെങ്കില്‍ ആണ്‍കുഞ്ഞും മധുരത്തോടാണ് താല്‍പര്യമെങ്കില്‍ പെണ്‍കുഞ്ഞുമെന്നാണ് വിശ്വാസം.

വയര്‍

ഗര്‍ഭകാലത്ത് വയറിന്റെ മുകള്‍ഭാഗമാണ് കൂടുതലെങ്കില്‍ പെണ്‍കുഞ്ഞും താഴ്ഭാഗമാണെങ്കില്‍ ആണ്‍കുഞ്ഞും എന്ന വിശ്വാസവുമുണ്ട്.

കടുത്ത നിറത്തിലുള്ള ഭക്ഷണം

ഇന്ത്യയുടെ പല ഭാഗങ്ങളിലും കടുത്ത നിറത്തിലുള്ള ഭക്ഷണം ഗര്‍ഭകാലത്ത് ഒഴിവാക്കുന്ന സ്ത്രീകളുണ്ട്. ഇത് കഴിയ്ക്കുന്നത് കുഞ്ഞിന്റെ നിറം കുറയാന്‍ ഇട വരുത്തുമെന്നാണ് കാരണം പറയുന്നത്.

കരിക്കിന്‍ വെള്ളം

ഗര്‍ഭകാലത്ത് തേങ്ങാ വെള്ളമോ കരിക്കിന്‍ വെള്ളമോ ഗര്‍ഭിണികള്‍ കുടിയക്കുന്നത് കുഞ്ഞിന്റെ തലയ്ക്ക് വൃത്താകൃതി നല്‍കുമെന്ന വിശ്വാസവുമുണ്ട്.

അസിഡിറ്റി

ഗര്‍ഭകാലത്ത് ഗര്‍ഭിണികള്‍ക്ക് അസിഡിറ്റി പ്രശ്‌നങ്ങള്‍ കൂടുതലാണെങ്കില്‍ ജനിയ്ക്കുന്ന കുഞ്ഞിന് തല നിറയെ മുടിയുണ്ടാകുമെന്നും വിശ്വാസമുണ്ട്..

കിടക്കുന്നത്

ഗര്‍ഭകാലത്ത് മലര്‍ന്നും കമഴ്ന്നും കിടക്കുന്നത് കുഞ്ഞിന് ദോഷം വരുത്തുമെന്ന വിശ്വാസവുമുണ്ട്.