ഗര്‍ഭകാലത്തു വരുത്തും തെറ്റുകള്‍

മരുന്നുകള്‍

ഡോക്ടറുടെ നിര്‍ദേശപ്രകാരമല്ലാതെ മരുന്നുകള്‍ കഴിയ്ക്കുന്ന ശീലം പലര്‍ക്കുമുണ്ട്. ചില ഗര്‍ഭിണികളും ഇങ്ങനെ ചെയ്യാറുണ്ട്. ഇത് ഗുരുതരമായ പ്രത്യാഘാതങ്ങള്‍ വരുത്തി വയ്ക്കും.

ഉറക്കം

പല കാരണങ്ങളാലും ആവശ്യത്തിന് ഉറങ്ങാത്ത ഗര്‍ഭിണികളുമുണ്ട്. ഇതും അമ്മയ്ക്കും കുഞ്ഞിനും ദോഷം വരുത്തും.

ഇഷ്ടഭക്ഷണം

നല്ലതല്ലെന്നു കരുതി ഇഷ്ടപ്പെട്ട എല്ലാ ആഹാരങ്ങളും ഉപേക്ഷിയ്ക്കുന്നവരുണ്ട്. ഇതും ചെയ്യേണ്ടതില്ല.

ഡോക്ടര്‍

വ്യക്തമായ വിവരമില്ലാതെ ഗര്‍ഭകാലത്ത് ഡോക്ടറെ തെരഞ്ഞെടുക്കുന്നവരുണ്ട്. ഗൈനക്കോളജിസ്റ്റ് എന്നതിനെ മാത്രം ആശ്രയിക്കാതെ മറ്റുള്ളവരുടെ അഭിപ്രായം കൂടി തേടി നല്ല ഡോക്ടറെ മാത്രം കാണുക.

അമിത ഭക്ഷണം

രണ്ടു പേര്‍ക്കുള്ള ഭക്ഷണം കഴിയ്ക്കുന്ന ഗര്‍ഭിണികളുണ്ട്. തനിയക്കും കുഞ്ഞിനും എന്നതായിരിയ്ക്കും ഭാഷ്യം. ഇതിന്റെ ആവശ്യമില്ല. ഇത് അമിതവണ്ണത്തിനും ദഹനപ്രശ്‌നങ്ങള്‍ക്കും വഴി വയ്ക്കും. നല്ല ഭക്ഷണം ആവശ്യത്തിനു കഴിയ്ക്കുക. വേണ്ടെങ്കിലും വാരി വലിച്ചു കഴിയ്‌ക്കേണ്ടെന്നര്‍ത്ഥം.