കുട്ടികളെ രാവിലെ ഉണര്‍ത്തുമ്പോള്‍...

കുട്ടികള്‍ രാവിലെ എഴുന്നേല്‍ക്കാന്‍ മടി കാണിയ്ക്കുന്നത് പല മാതാപിതാക്കള്‍ക്കും ദേഷ്യമുണ്ടാക്കും. കാരണം സ്‌കൂളില്‍ പോകുന്ന കുട്ടികളാണെങ്കില്‍ നേരം വൈകാനും അച്ഛനമ്മമാരുടെ ഓഫീസില്‍ പോക്കു വൈകാനുമെല്ലാം ഇതുമതി.

കുട്ടികളെ അലോസരപ്പെടുത്താതെ, മാതാപിതാക്കള്‍ക്ക് അലോസം തോന്നാതെ ഉണര്‍ത്താനുള്ള ചില വഴികളെക്കുറിച്ചറിയൂ,

ഇവരെ വേഗത്തില്‍ ഉറക്കുക. ഇത് ഉറക്കക്ഷീണമുണ്ടാക്കില്ല.

മ്യൂസിക്കല്‍ അലാറം വയ്ക്കാം. ഇതിന്റെ ശബ്ദം കുട്ടികള്‍ക്കും കേള്‍ക്കാന്‍ രസമായിരിയ്ക്കും.

രാവിലെ എഴുന്നേല്‍പ്പിച്ചയുടനെ ഓടാതെ അവരെ അല്‍പനേരം കളിപ്പിയ്ക്കാന്‍ സമയം കണ്ടെത്തുക. ഇത് കുട്ടിയ്ക്കും നല്ല മൂഡ് നല്‍കും.

നേരത്തെ ഉണര്‍ന്നാല്‍ അവര്‍ക്കിഷ്ടമുള്ള എന്തെങ്കിലും സമ്മാനങ്ങള്‍ നല്‍കാം.

കുട്ടികളെ സ്‌നേഹത്തോടെ ചുംബിച്ച് എടുത്തു കൊണ്ടു വരാം, എടുക്കാന്‍ പ്രായത്തിലുള്ള കുട്ടിയാണെങ്കില്‍.