ഗര്‍ഭാവസ്ഥയിലെ പ്രമേഹം

1)രക്തത്തിലെ പഞ്ചസാര നിയന്ത്രിക്കുക

പ്രമേഹരോഗിയാണ് നിങ്ങളെന്നറിഞ്ഞാല്‍ ഉടന്‍ ചെയ്യേണ്ടത് ഗര്‍ഭിണിയായിരിക്കെ ഇടയ്ക്കിടെ രക്തത്തിലെ പഞ്ചസാരയുടെ അളവ് പരിശോധിക്കുകയാണ്. രക്തത്തിലെ പഞ്ചസാരയുടെ അളവ് നോര്‍മല്‍ ആയി നിലനിര്‍ത്താന്‍ പരിശ്രമിക്കുക.

2)വ്യായാമം

ഗര്‍ഭിണിയായിരിക്കെ അമിത ഭാരമുള്ള വ്യായാമമൊന്നും ചെയ്യേണ്ട. അല്‍പ്പദൂരം നടക്കുന്നതില്‍ ബുദ്ധിമുട്ടില്ലല്ലോ, പ്രമേഹമുള്ള ഗര്‍ഭിണികള്‍ പ്രത്യേകിച്ചും ഈ നിര്‍ദ്ദേശം പാലിക്കുക

3) മെഡിക്കല്‍ ടെസ്റ്റുകള്‍ ഒഴിവാക്കരുത്

മെഡിക്കല്‍ ചെക്കപ്പുകള്‍ ഡോക്ടറുടെ നിര്‍ദ്ദേശമനുസരിച്ച് സമയത്തിന് തന്നെ ചെയ്യണം. ഗര്‍ഭാവസ്ഥയിലെ നിങ്ങളുടെ പ്രമേഹത്തിന്റെ തോതറിയാന്‍ ഇതേ മാര്‍ഗ്ഗമുള്ളൂ. മൂത്രവും രക്തവും പരിശോധിക്കണം

4)ആരോഗ്യകരമായ ജീവിതരീതി

നിങ്ങളുടെ ജീവിതവും ജീവിതശൈലിയുമാണ് ഉദ്ദേശിക്കുന്നത്. സംതുലനാവസ്ഥ നിലനിര്‍ത്തുന്ന ഭക്ഷണം കഴിക്കണം. വ്യായാമം ചെയ്യുക. ജീവിതത്തോട് പോസിറ്റീവ് കാഴ്ച്ചപ്പാട് പുലര്‍ത്തുക. ഇത് ജീവിതത്തില്‍ ക്രീയാത്മകമായ മാറ്റങ്ങളുണ്ടാക്കും.

5)ജങ്ക് ഫുഡ് വേണ്ട

കുഞ്ഞിന്റെയും അമ്മയുടെയും ആരോഗ്യത്തിന് നല്ല ഭക്ഷണം കഴിക്കേണ്ടത് അത്യാവശ്യമാണ്. ടിന്‍ ഫുഡും, പാക്കറ്റ് ഭക്ഷണങ്ങളും ഒഴിവാക്കുക. അവയിലൊക്കെ ആവശ്യത്തിലേറെ പഞ്ചസാര അടങ്ങിയിട്ടുണ്ടാകും.

6)ആരോഗ്യകരമായ ഡയറ്റ്

ഗര്‍ഭിണികള്‍ തീര്‍ച്ചയായും എല്ലാ പോഷകഗുണങ്ങളും ഉള്‍ക്കൊള്ളുന്ന ഭക്ഷണക്രമമായിരിക്കണം പാലിക്കേണ്ടത് . പ്രമേഹബാധിതര്‍ പ്രത്യേകിച്ചും. രക്തത്തിലെ ഗ്ലൂക്കോസിന്റെ അളവ് കൂട്ടാത്ത ഭക്ഷണങ്ങള്‍ തെരഞ്ഞെടുത്ത് കഴിക്കുക.

7)യോഗ

യോഗയും ധ്യാനവുമാണ് മനസ്സിനെയും ശരീരത്തെയും തുലനം ചെയ്ത് നിര്‍ത്തുവാന്‍ സഹായിക്കുന്നത്. ഹോര്‍മോണ്‍ ബാലന്‍സിംഗിനും നല്ലതാണ്. യോഗ ക്ലാസില്‍ പോകുന്നത് നല്ലതാണ്.

8)റിലാക്‌സ്

ഗര്‍ഭകാലത്തെ പ്രമേഹത്തെക്കുറിച്ചാലോചിച്ച് നല്ല മൂഡ് കളയരുത്. പകരം അതൊരു വെല്ലുവിളിയായി ഏറ്റെടുക്കുക. നിയന്ത്രിക്കുവാന്‍ ആവത് ചെയ്യുക. പ്രമേഹരോഗിയായ ഗര്‍ഭിണിയാണ് എന്നുള്ളതുകൊണ്ട് തന്നെ മാനസികപിരിമുറുക്കവും അമിത ജോലിയും ഒഴിവാക്കുക

9)റെക്കോര്‍ഡുകള്‍ സൂക്ഷിക്കുക

ഷുഗര്‍ പരിശോധിച്ച കടലാസുകള്‍ സൂക്ഷിച്ചുവെയ്ക്കുക. നിങ്ങളുടെ ഡോക്ടര്‍ക്ക് അത് ഗുണംചെയ്യും. ഉചിതമായ നിര്‍ദ്ദേശങ്ങള്‍ നിങ്ങള്‍ക്ക് നല്‍കുവാന്‍ ഇത് വഴി ഡോക്ടര്‍ക്ക് സാധിക്കും.

10)ഡോക്ടറുടെ ഉപദേശം തേടുക

ഗര്‍ഭാവസ്ഥയില്‍ പ്രമേഹം തിരിച്ചറിഞ്ഞാല്‍ പരിചയസമ്പത്തുള്ള ഡോക്ടറുടെ സേവനം തേടുക. സ്വയം ചികിത്സ നിങ്ങള്‍ക്കും കുഞ്ഞിനും നന്‍മ ചെയ്യില്ല