വന്ധ്യതയുടെ ചില കാരണങ്ങള്‍

വിളര്‍ച്ച

വിളര്‍ച്ചയും വന്ധ്യത വരുന്നതിനുള്ള ഒരു കാരണമാണ്. രക്തക്കുറവ് ഗര്‍ഭധാരണത്തിനും ഗര്‍ഭം ധരിച്ചാലും കുഞ്ഞിന്റെ ആരോഗ്യത്തെയും ബാധിയ്ക്കും.

സെലിയാക്

സെലിയാക് എന്ന ദഹനേന്ദ്രിയത്തെ ബാധിയ്ക്കുന്ന രോഗം വന്ധ്യതയ്ക്ക് ഇട വരുത്തുന്ന ഒന്നാണ്. തുടര്‍ച്ചയായ വയറിളക്കവും വയറുവേദനയുമാണ് ഈ രോഗത്തിന്റെ ലക്ഷണങ്ങള്‍. ഈ രോഗം ശരീരത്തില്‍ നിന്ന് പോഷകങ്ങള്‍ നഷ്ടപ്പെടുന്നതിന് ഇട വരുത്തും. ഇതുവഴി ഇത് വന്ധ്യതയ്ക്ക് കാരണമാകുകയും ചെയ്യും.

പോഷകാഹാരക്കുറവ്

പോഷകാഹാരക്കുറവ് വന്ധ്യയ്ക്ക് കാരണമാകുന്ന ഒരു അവസ്ഥയാണ്. ശരീരത്തിന് ആവശ്യമുള്ള പോഷകങ്ങള്‍ ലഭിയ്ക്കാതിരിക്കുന്നത് ആരോഗ്യത്തെ മാത്രമല്ല, കുഞ്ഞുണ്ടാകാനുള്ള സാധ്യതയേയും ബാധിയ്ക്കും.

ഹോര്‍മോണ്‍ പ്രശ്‌നങ്ങള്‍

ഹോര്‍മോണ്‍ പ്രശ്‌നങ്ങള്‍ വന്ധ്യതയ്ക്കുള്ള ഒരു കാരണമാണ്. ഇത് സ്ത്രീകളില്‍ ഓവുലേഷനെയും ആര്‍ത്തവചക്രത്തെയും പ്രതികൂലമായി ബാധിയ്ക്കും.

ഭാരം

പെട്ടെന്ന് ഭാരം കുറയുന്നതും ഒരു പരിധിയില്‍ വിട്ട് തൂക്കം കുറയുന്നതും ആര്‍ത്തചക്രത്തെയും ഓവുലേഷനെയും ബാധിയ്ക്കും. ഇത് വന്ധ്യതയ്ക്ക് ഇട വരുത്തുകയും ചെയ്യും.

പുകവലി, മദ്യപാന ശീലങ്ങള്‍

പുകവലി, മദ്യപാന ശീലങ്ങള്‍ പുരുഷനിലും സ്ത്രീകളിലും ഒരുപോലെ വന്ധ്യതാ പ്രശ്‌നങ്ങള്‍ വരുത്തി വയ്ക്കും.