ഗര്‍ഭകാലത്തെ തടി നിയന്ത്രിയ്ക്കാം

Published: Wednesday, September 11, 2013, 15:29 [IST]

ഗര്‍ഭകാലത്ത് തടി കൂടുന്നത് സര്‍വസാധാരണമാണ്. കുഞ്ഞിന്റെയും കൂടി ആരോഗ്യം കണക്കിലെടുത്ത് ഡയറ്റും കഠിനമായ വ്യായാമങ്ങളും സാധ്യമല്ലാത്ത സമയം കൂടിയാണിത്.

ഗര്‍ഭകാലത്ത് അമ്മയ്ക്കു തൂക്കം കൂടേണ്ടത് കുഞ്ഞിന്റെയും കൂടി ആരോഗ്യത്തിന് വളരെ പ്രധാനമാണ്. എന്നാല്‍ അമിതമായി തൂക്കം കൂടുന്നത് നല്ലതല്ലതാനും. അമ്മയ്ക്ക് ശാരീരിക പ്രശ്‌നങ്ങള്‍ വരുത്തി വയ്ക്കുമെന്നു മാത്രമല്ല, ഈ തടി പെട്ടെന്നു കുറയുകയുമില്ല.

അതികഠിനമായ ഡയറ്റും വ്യായാമവും കൂടാതെ, അമ്മയുടേയും കുഞ്ഞിന്റെയും ആരോഗ്യത്തെ ബാധിയ്ക്കാതെ ഗര്‍ഭകാലത്ത് എപ്രകാരം തൂക്കം അമിതമാകാതെ നിയന്ത്രിയ്ക്കാമെന്നു നോക്കൂ,

പ്രാതല്‍

ഗര്‍ഭിണികള്‍ കൃത്യമായി പ്രാതല്‍ കഴിയ്ക്കുക. ഇത് മറ്റ് അനാരോഗ്യകമായ സാധനങ്ങള്‍ കഴിയ്ക്കുന്നതു തടയാന്‍ സഹായിക്കും. ശരീരത്തിന് ആരോഗ്യം ലഭിയ്ക്കുകയും ചെയ്യും.

നടക്കുന്നത്

നടക്കുന്നത് അമിതമായ തടി കുറയ്ക്കാന്‍ മാത്രമല്ല, ആരോഗ്യത്തിനും സുഖപ്രസവത്തിനുമെല്ലാം സഹായിക്കും. ഗര്‍ഭകാലത്ത് ചെയ്യാന്‍ സാധിയ്ക്കുന്ന ഏറ്റവും ലഘുവായ വ്യായാമമെന്നു വേണമെങ്കില്‍ പറയാം.