ഗര്‍ഭിണികള്‍ കിടക്കുമ്പോള്‍ ശ്രദ്ധിയ്ക്കുക

ഗര്‍ഭിണികള്‍ ഇരിയ്ക്കുമ്പോഴും കിടക്കുമ്പോഴും നടക്കുമ്പോഴുമെല്ലാം ശ്രദ്ധിക്കണമെന്നു മുത്തശ്ശിമാര്‍ പറയും. ഇത് വെറുംവാക്കായി തള്ളിക്കളയാനാവില്ല. ഇതിനു പുറകില്‍ ശാസ്ത്രീയ സത്യങ്ങളുണ്ടെന്നതാണിതിന് കാരണം.

ഗര്‍ഭകാലത്ത് കിടക്കുമ്പോഴും ശ്രദ്ധ വേണമെന്ന കാര്യത്തില്‍ സംശയം വേണ്ട. കാരണം അമ്മയുടെ കിടപ്പും വയറ്റില്‍ കിടക്കുന്ന കുഞ്ഞിന്റെ ആരോഗ്യവും തമ്മില്‍ ബന്ധമുണ്ടെന്നതു തന്നെ കാരണം.

ഗര്‍ഭിണികള്‍ ഇടതു വശം ചരിഞ്ഞു കിടന്ന് ഉറങ്ങുന്നതാണ് നല്ലതെന്ന് പറയും. ഗര്‍ഭസ്ഥ ശിശുവിന് കൂടുതല്‍ രക്തം ലഭിയ്ക്കാനുള്ള വഴിയാണിതെന്നു പറയാം. കിഡ്‌നിയ്ക്ക് ശരീരത്തില്‍ നിന്നും പാഴ്‌വസ്തുക്കള്‍ നീക്കം ചെയ്യാനും ഈ രീതിയില്‍ കിടക്കുന്നതാണ് നല്ലത്.

ഗര്‍ഭകാലത്ത് കമഴ്ന്നു കിടന്ന് ഉറങ്ങുന്നത് ശരിയാണോയെന്ന സംശയവും പല ഗര്‍ഭിണികള്‍ക്കും ഉണ്ടാകും. എന്നാല്‍ ആദ്യ മൂന്നു മാസങ്ങളില്‍ ഇങ്ങനെ കിടക്കുന്നതു കൊണ്ട് ദോഷമില്ലെന്നു വേണം പറയാന്‍. വയര്‍ വലുതാകുന്തോറും ഈ രീതിയില്‍ കിടന്നുറങ്ങാന്‍ സ്വാഭാവികമായും ഗര്‍ഭിണികള്‍ക്ക് ബുദ്ധിമുട്ടനുഭവപ്പെടും.

ഗര്‍ഭിണികള്‍ മലര്‍ന്നു കിടന്നുറങ്ങുന്നതും നല്ലതല്ല. ഇത് നട്ടെല്ലിന് കൂടുതല്‍ ആയാസം നല്‍കും. നടുവേദന പോലുള്ള പ്രശ്‌നങ്ങള്‍ ഉണ്ടാകാന്‍ ഇടവരുത്തും.

മലര്‍ന്നു കിടന്നുറങ്ങുമ്പോള്‍ കുഞ്ഞിന്റെ മുന്‍പോട്ടുള്ള ചലനങ്ങള്‍ കാരണം അമ്മയ്ക്ക് ചിലപ്പോള്‍ ശ്വാസം കിട്ടാത്തതു പോലെയും അനുഭവപ്പെടുകയും ചെയ്യും. അസിഡിറ്റി പോലുള്ള പ്രശ്‌നങ്ങള്‍ക്കും ഈ രീതിയിലുള്ള കിടപ്പ് ഇട വരുത്തും.