ഗര്‍ഭകാലത്തെ നോണ്‍ വെജ് ഭക്ഷണം

ചിക്കന്‍ വിഭവങ്ങള്‍

ചിക്കന്‍ വിഭവങ്ങള്‍, പ്രത്യേകിച്ച് അധികം മസാലയില്ലാതെ ഉപയോഗിയ്ക്കുന്നത് നല്ലതാണ്. ഇവയിലെ പ്രോട്ടീന്‍ അമ്മയ്ക്കും കുഞ്ഞിനും നല്ലതാണ്. എന്നാല്‍ ഇവ നല്ലപോലെ വേവിച്ചു വേണം ഉപയോഗിയ്ക്കുവാന്‍.

ടര്‍ക്കി

ടര്‍ക്കി വിഭവങ്ങളും ഗര്‍ഭകാലത്ത് കഴിയ്ക്കുന്നതു നല്ലതാണ.് ഇവയും നല്ലപോലെ വേവിച്ച്, എന്നാല്‍ അധികം എണ്ണ ചേര്‍ക്കാതെ ഉപയോഗിയ്ക്കുന്നതാണ് നല്ലത്.

മട്ടന്‍

മട്ടനില്‍ ധാരാളം വൈറ്റമിനുകളും പ്രോട്ടീനുകളും അടങ്ങിയിട്ടുണ്ട്. ഇത് നല്ലപോലെ വേവിച്ചു കഴിയ്ക്കുവാന്‍ ശ്രദ്ധിയ്ക്കുക. അധികം കഴിയ്ക്കാതിരിയ്ക്കുകയും വേണം. കാരണം ഇത് ദഹിയ്ക്കുവാന്‍ കൂടുതല്‍ സമയം പിടിയ്ക്കും.

മുട്ട

കാല്‍സ്യം അടങ്ങിയ മുട്ടയും ഗര്‍ഭകാലത്തു കഴിയ്ക്കാവുന്ന മറ്റൊരു ഭക്ഷണമാണ്. എല്ലിന്റെ ബലത്തിന് ഇത് വളരെ അത്യാവശ്യമാണ്.

മത്സ്യവിഭവങ്ങള്‍

മത്സ്യവിഭവങ്ങള്‍ ഗര്‍ഭിണികള്‍ക്കു കഴിയ്ക്കാവുന്ന ഏറ്റവും നല്ല നോണ്‍ വെജിറ്റേറിയന്‍ വിഭവമാണ്. കൊഴുപ്പു വര്‍ദ്ധിപ്പിയ്ക്കാതെ തന്നെ കാല്‍സ്യം ശരീരത്തിനു ലഭ്യമാകുന്ന ഒരു ഉറവിടമാണിത്. ഇതും നല്ലപോലെ വേവിച്ചു കഴിയ്ക്കുവാന്‍ ശ്രദ്ധിയ്ക്കുക. എണ്ണയില്ലാതെ ഇവ ഉപയോഗിയ്ക്കുന്നതാണ് കൂടുതല്‍ നല്ലത്.

നോണ്‍ വെജിറ്റേറിയന്‍ സൂപ്പ്‌

നോണ്‍ വെജിറ്റേറിയന്‍ സൂപ്പുകളും ഗര്‍ഭകാലത്തു കഴിയ്ക്കാം. ഇവയില്‍ വൈറ്റമിന്‍ എ, സി എന്നിവ ധാരാളം അടങ്ങിയിട്ടുണ്ട്.

ഫിഷ് ഫിംഗേഴ്‌സ്

വറുത്തതു കഴിയ്ക്കണമെന്നുണ്ടെങ്കില്‍ ഫിഷ് ഫിംഗേഴ്‌സ് പോലുള്ളവ തെരഞ്ഞെടുത്തു കഴിയ്ക്കാം. ഇവ മറ്റു വറുത്ത സാധനങ്ങളേക്കാള്‍ കൂടുതല്‍ പോഷണം നല്‍കും.