ഗര്‍ഭിണിയായ ഭാര്യയെ സന്തുഷ്ടയാക്കാം!

1. പിന്തുണയും ശ്രദ്ധയും

ഗര്‍ഭിണിയായ ഭാര്യയ്ക്ക് നല്കുന്ന പിന്തുണയ്ക്കും ശ്രദ്ധയ്ക്കും പരിധി വെയ്ക്കേണ്ടതില്ല. പലപ്പോഴും നീതീകരണമില്ലാത്ത തരത്തില്‍ പെരുമാറുമ്പോള്‍ നിങ്ങളുടെ ശ്രദ്ധ ഏറ്റവും അനിവാര്യമാണെന്ന് മനസിലാക്കുക.

2. ലാളന

മാനസികസമ്മര്‍ദ്ധം അനുഭവിക്കുന്ന ഭാര്യയെ ആശ്വസിപ്പിക്കാന്‍ ലാളനകള്‍ക്ക് പ്രധാന സ്ഥാനമുണ്ട്. ഇടക്കിടക്ക് അവള്‍ക്കായി സമ്മാനങ്ങള്‍ വാങ്ങി നല്കുക. അതിന്‍റെ വിലയോ വലുപ്പമോ അല്ല നിങ്ങള്‍ അവളെ പരിഗണിക്കുന്നു എന്നതിലാണ് കാര്യം. പൂക്കളോ, ചോക്കലേറ്റോ, കമ്മലുകളോ അങ്ങനെയെന്തും അവളെ സന്തോഷിപ്പിക്കാനായി നല്കാം.

3. ആഗ്രഹങ്ങള്‍ സഫലമാക്കുക

സംശയിക്കേണ്ടതില്ല, ഭാര്യ ആവശ്യപ്പെടുന്നതൊക്കെ സാധ്യമെങ്കില്‍ വാങ്ങി നല്കുക. പലപ്പോഴും ഗര്‍ഭിണികളുടെ ആവശ്യങ്ങള്‍ നിങ്ങളെ അത്ഭുതപ്പെടുത്തുന്ന തരത്തിലായിരിക്കും. രാത്രി ചോക്കലേറ്റ് തിന്നണമെന്നാവശ്യപ്പെട്ടാല്‍ അത് സാധിച്ച് കൊടുക്കുക. നിങ്ങള്‍ മീറ്റിങ്ങിലായിരിക്കുമ്പോഴാണ് ചൈനീസ് നൂഡില്‍സ് വേണമെന്നാവശ്യപ്പെട്ട് മെസേജ് വരുക. മടികൂടാതെ അത് സാധ്യമാക്കിക്കൊടുക്കുക. അഥവാ അല്പം വൈകിയാലും ആഗ്രഹങ്ങള്‍ സഫലമാക്കിക്കൊടുക്കുക.

4. സുഖസൗകര്യം

ഒമ്പത് മാസം ഗര്‍ഭത്തിന്‍റെ ഭാരവും പരാധീനതകളും ചുമക്കുന്നവളാണ് ഭാര്യ. ആ സമയത്ത് നിങ്ങളുടെ ഭാരം എന്നത് അവളുടെ ആഗ്രഹങ്ങള്‍ നിറവേറ്റലാണ്. വൈകുന്നേരങ്ങളില്‍ ഭക്ഷണത്തിനായി പുറത്ത് പോവുകയോ, പാര്‍ക്കില്‍ പോവുകയോ, ഏതെങ്കിലും കോഫിഷോപ്പില്‍ പോയി സംസാരിച്ചിരിക്കുകയോ ചെയ്യാന്‍ സമയം കണ്ടെത്തുക. നിങ്ങളുടെ ശ്രദ്ധയിലും, സഹായത്തിലും അവള്‍ സംതൃപ്തയാണെന്ന് ഉറപ്പ് വരുത്തുക.

5. ആത്മവിശ്വാസം പകരുക

പ്രസവത്തിന്‍റെ വേദനയെയും, പ്രശ്നങ്ങളെയും പറ്റിയുള്ള ചിന്തകള്‍ ഭാര്യയെ പേടിപ്പെടുത്തുന്നുണ്ടാവും. ഇക്കാര്യത്തില്‍ അവളെ സമാശ്വസിപ്പിക്കേണ്ടതും, ധൈര്യം പകരേണ്ടതും ഭര്‍ത്താവാണ്. ചങ്കുറപ്പുള്ള ആളാണ് നിങ്ങളെങ്കില്‍ സാധ്യമായാല്‍ പ്രസവസമയത്ത് ഭാര്യയോടൊപ്പം പ്രസവമുറിയില്‍ കൂടെയുണ്ടാവുകയും അവളുടെ കരങ്ങളില്‍ പിടിച്ച് ധൈര്യം പകരുകയും ചെയ്യുക.