Click it and Unblock the Notifications
Latest Updates
-
വിജയദശമി 2026: വിദ്യാരംഭത്തിനും ശുഭകാര്യങ്ങൾക്കും കേരളത്തിലെ പ്രധാന നഗരങ്ങളിലെ കൃത്യമായ മുഹൂർത്തങ്ങൾ ഇതാ -
ദസറ അവധി: ഇന്ന് ബാങ്കുകൾക്ക് അവധി; ഡിജിറ്റൽ ഇടപാടുകൾ തടസ്സപ്പെടുമോ? അറിയേണ്ടതെല്ലാം -
വിജയാദശമിയിൽ രാജയോഗം: ആപ്പുകളില്ലാതെ സ്വന്തം ജാതകം പരിശോധിക്കാം, ഈ ലളിത വഴികൾ പരീക്ഷിക്കൂ -
ഡൽഹിയിൽ വായുമലിനീകരണം കൂടുന്നു; യാത്രക്കാർ ചർമ്മവും കണ്ണും സംരക്ഷിക്കാൻ ഈ മുൻകരുതലുകൾ മറക്കരുത് -
വിജയദശമിയിൽ ചൂല് മാറ്റാൻ ഒരുങ്ങുകയാണോ? വാസ്തു പ്രകാരം ഐശ്വര്യത്തിന് ശ്രദ്ധിക്കേണ്ട കാര്യങ്ങൾ ഇതാ -
വിദ്യാരംഭം: കുട്ടികളുടെ പഠനമുറി വാസ്തുപ്രകാരം ഒരുക്കാം; വീട്ടിൽ ഐശ്വര്യം നിറയ്ക്കാൻ ഈ കാര്യങ്ങൾ മറക്കരുത് -
വിജയദശമി രാത്രിയിലെ ഗജകേസരിയോഗം: ഈ രാശിക്കാർക്ക് നേട്ടങ്ങളുടെ സമയമോ? അറിയേണ്ടതെല്ലാം -
തുലാ രാശിയിൽ അപൂർവ്വ ബുധാദിത്യ യോഗം: ഇന്നത്തെ ദിവസം പേപ്പർവർക്കുകൾക്കും ബുക്കിംഗുകൾക്കും എന്ത് പ്രത്യേകത? -
രാവണ ദഹനം: പുകയേറ്റ് കണ്ണും ചർമ്മവും തകരാതിരിക്കാൻ ഈ മുൻകരുതലുകൾ മറക്കരുത് -
കേരളത്തിൽ കനത്ത മഴ: 7 ജില്ലകളിൽ യെല്ലോ അലർട്ട്, യാത്രക്കാർക്ക് ജാഗ്രതാ നിർദേശം
ഗര്‍ഭകാലത്തെ ശാരീരിക വേദന കുറയ്ക്കാന്‍
അളക്കാനാവാത്ത സന്തോഷത്തിന്റെ നാളുകളാണ് സ്ത്രീകളെ സംബന്ധിച്ച് ഗര്‍ഭകാലം. സ്വന്തം ശരീരത്തിന്റെ ഭാഗമായി വളരുന്ന കുഞ്ഞിന്റെ മുഖം കാണാനായി സന്തോഷത്തോടെയും ആകാംഷയോടെയുമാണ് ഓരോ സ്ത്രീയും ഒന്‍പതുമാസത്തെ ഗര്‍ഭകാലം കടന്നെത്തുന്നത്.
പക്ഷേ അളവില്ലാത്ത സന്തോഷത്തിനൊപ്പം തന്നെ അസ്വസ്ഥതകളുടെയും വേദനകളുടെയും കാലം കൂടിയാണ് ഇത്. ആദ്യത്തെ കുഞ്ഞാണ് ജനിയ്ക്കാന്‍ പോകുന്നതെങ്കില്‍ മാനസിക സമ്മര്‍ദ്ദം, ആശങ്കകള്‍, സംശയങ്ങള്‍ എന്നുവേണ്ട പലതരം പ്രശ്‌നങ്ങളാണ് ഗര്‍ഭിണികള്‍ നേരിടേണ്ടിവരുന്നത്. ഗര്‍ഭകാലത്ത് ശരീരത്തിലുണ്ടാകുന്ന മാറ്റങ്ങള്‍ പലപ്പോഴും സ്ത്രീകളെ ആശങ്കപ്പെടുത്താറുണ്ട്. ഇത് ശരിയാണോ അത് ശരിയാണോ എന്ന് തുടങ്ങുന്ന സംശയങ്ങള്‍ക്ക് കണക്കുണ്ടാവില്ല.
ചിലര്‍ക്ക് ആദ്യത്തെ ചില ആഴ്ചകളോ മാസങ്ങളോ മാത്രമേ ബുദ്ധിമുട്ടുകള്‍ അനുഭവപ്പെടാറുള്ളു. പക്ഷേ അപൂര്‍വ്വം ചിലര്‍ക്ക് പ്രസവത്തിന്റെ ദിവസം വരെ കഷ്ടതകള്‍ അനുഭവിക്കേണ്ടിവരാറുണ്ട്. ഈ സമയത്തുണ്ടാകുന്ന മിക്ക ബുദ്ധിമുട്ടുകള്‍ക്കും മരുന്നുകള്‍ കഴിയ്ക്കാന്‍ പാടില്ലെന്നതാണ് ഒരു പ്രധാന പ്രശ്‌നം. കുഞ്ഞിന്റെ ആരോഗ്യത്തെ ബാധിയ്ക്കാന്‍ സാധ്യതയുള്ളതുകൊണ്ട് പല മരുന്നുകളും ഗര്‍ഭിണികള്‍ക്ക് കഴിയ്ക്കാന്‍ കഴിയില്ല. അതുകൊണ്ടുതന്നെ അസ്വസ്ഥതകള്‍ സഹിയ്‌ക്കേണ്ടിവരുന്നു. പലര്‍ക്കും അടിവയറ്റിലും കാലുകളിലും അസഹനീയമായ വേദനകളുള്‍പ്പെടെയുള്ള പ്രശ്‌നങ്ങള്‍ ഉണ്ടാകാറുണ്ട്. മരുന്നുകഴിയ്ക്കാതെ തന്നെ പലവഴികളിലൂടെ ഈ പ്രശ്‌നങ്ങളെ ഒരു പരിധിവരെ കുറയ്ക്കാന്‍ സാധിയ്ക്കും.
ഗര്‍ഭകാലത്തെ ശാരീരിക വേദന കുറയ്ക്കാന്‍
ചൂടുവെള്ളത്തിലുള്ള കുളി ഗര്‍ഭകാലത്തെ ശരീരവേദനകള്‍ അകറ്റാന്‍ നല്ലൊരു മാര്‍ഗ്ഗമാണ്. നിത്യേന ചൂടുവെള്ളത്തില്‍ കുളിച്ചാല്‍ വേദനകള്‍ അകലുന്നത് തിരിച്ചറിയാന്‍ കഴിയും. മസിലുകളുടെ വേദന, സന്ധികളിലെ വേദന എന്നിവയെല്ലാം അകറ്റാന്‍ ഈ ഹോട്ട് ബാത്ത് നല്ലതാണ്. ചൂടുവെള്ളം വേദന കുറയ്ക്കുമെന്ന് വച്ച് ഏറെ നേരം ചൂടുള്ള വെള്ളം ശരീരത്തില്‍ ഒഴിച്ചുകൊണ്ടിരിക്കരുത്. ചെറിയ ചൂടുള്ള വെള്ളത്തിലുള്ള കുളി 15 മിനിറ്റില്‍ കൂടാതിരിക്കാന്‍ ശ്രദ്ധിക്കണം. ചൂടുവെള്ളത്തില്‍ അല്‍പം ഉപ്പുചേര്‍ത്ത് കുളിയ്ക്കുന്നത് കൂടുതല്‍ ഫലം നല്‍കും.
ഗര്‍ഭകാലത്തെ ശാരീരിക വേദന കുറയ്ക്കാന്‍
ചൂടുവെള്ളത്തിലെ കുളി തരുന്ന സുഖം തന്നെയാണ് ചൂടുപിടിയ്ക്കുമ്പോഴും ലഭിയ്ക്കുന്നത്. ചൂടുവെള്ളത്തില്‍ തുണി മുക്കിപ്പിഴിഞ്ഞ് വേദനയുള്ള ഭാഗങ്ങളില്‍ പിടിയ്ക്കാം. അതല്ലെങ്കില്‍ മെഡിക്കല്‍ സ്‌റ്റോറുകളില്‍ ലഭിയ്ക്കുന്ന ഹോട്ട് ബാഗുകള്‍ ഉപയോഗിക്കാം. ഇത് ചെയ്യുമ്പോഴും വെള്ളം കൂടുതല്‍ ചൂടുള്ളതാവാതിരിക്കാന്‍ ശ്രദ്ധിക്കണം. തുണിമുക്കി ചൂട് പിടിയ്ക്കുമ്പോള്‍ ആവി തള്ളി പൊള്ളലേല്‍ക്കാനുള്ള സാധ്യത ഏറെയാണ്. കാലുകളിലും ചുമലുകളിലും ചൂട് പിടിയ്ക്കുമ്പോള്‍ മറ്റൊരാളുടെ സഹായം തേടുന്നത് നല്ലതായിരിക്കും.
ഗര്‍ഭകാലത്തെ ശാരീരിക വേദന കുറയ്ക്കാന്‍
വിശ്രമം ഗര്‍ഭിണികള്‍ക്ക് അത്യാവശ്യം വേണ്ടൊരു കാര്യമാണ്. പ്രത്യേകിച്ചും ജോലിചെയ്യുന്ന അമ്മമാര്‍ക്കും വീട്ടുജോലികള്‍ തനിച്ച് ചെയ്യേണ്ടിവരുന്ന വീട്ടമ്മമാര്‍ക്കും ഇത് അത്യാവശ്യമാണ്. മാനസിക സമ്മര്‍ദ്ദം കുറയ്ക്കാനും മസിലുകളിലെ വേദനകള്‍ കുറയ്ക്കാനുമെല്ലാം വിശ്രമം സഹായിക്കും. ദിവസം ഒരു നിശ്ചിത സമയം വിശ്രമിക്കുന്ന രീതിയില്‍ ദിവസം പ്ലാന്‍ ചെയ്യുന്നതാണ് മകിച്ച വഴി. വിശ്രമിയ്ക്കുക എന്നതിന് ഉറങ്ങുക എന്ന് അര്‍ത്ഥമില്ല. പാട്ടുകേട്ടോ, നല്ല സിനിമകള്‍ കണ്ടോ വായിച്ചോ ഇരിയ്ക്കുന്നത് വിശ്രമം തന്നെയാണ്. വേണ്ടത്ര സമയം ഉറങ്ങാനും ശ്രദ്ധിയ്ക്കണം.
ഗര്‍ഭകാലത്തെ ശാരീരിക വേദന കുറയ്ക്കാന്‍
ഭക്ഷണത്തില്‍ പോട്ടാസ്യം, കാല്‍സ്യം, ധാതുക്കള്‍ എന്നിവയുടെ അളവ് കൂട്ടുന്നത് ഗര്‍ഭകാലത്തെ ശാരീരിക വേദനകല്‍ കുറയ്ക്കാന്‍ സഹായിയ്ക്കും. ധാതു സമ്പുഷ്ടമായ ഭക്ഷണമാണ് ഗര്‍ഭിണി കഴിയ്ക്കുന്നതെന്ന് ഉറപ്പുവരുത്തണം.
ഗര്‍ഭകാലത്തെ ശാരീരിക വേദന കുറയ്ക്കാന്‍
വാഴപ്പഴം പൊട്ടാസ്യം ലഭിയ്ക്കാനുള്ള മികച്ചൊരു ഭക്ഷണമാണ്. മത്സ്യം,. പച്ചനിറത്തിലുള്ള പച്ചക്കറികള്‍, ബദാം, പാലുല്‍പ്പന്നങ്ങള്‍ എന്നിവയെല്ലാം കഴിയ്ക്കുന്നത് ഗര്‍ഭകാലത്ത് ശാരീരികാസ്വാസ്ഥ്യങ്ങള്‍ കുറയ്ക്കാന്‍ സഹായിയ്ക്കും.
ഗര്‍ഭകാലത്തെ ശാരീരിക വേദന കുറയ്ക്കാന്‍
നാരങ്ങ, തക്കാളി, ഇലക്കറികള്‍, ഉരുളക്കിഴങ്ങ് എന്നിവയെല്ലാം ഭക്ഷണത്ിതല്‍ ഉള്‍പ്പെടുത്താം. ജങ്ക് ഭക്ഷണങ്ങളും കോള പോലുള്ള കാര്‍ബണേറ്റഡ് പാനീയങ്ങളും കഴിയ്ക്കാതിരിക്കാന്‍ ശ്രദ്ധിയ്ക്കുക.
ഗര്‍ഭകാലത്തെ ശാരീരിക വേദന കുറയ്ക്കാന്‍
ശാരീരിക വേദനകള്‍ സുഖപ്പെടുത്താന്‍ തിരുമ്മല്‍ നല്ല മാര്‍ഗ്ഗമാണ്. പക്ഷേ ഇത് ചെയ്യുന്നത് പരിചയസമ്പന്നരായ ആളുകളാവണമെന്ന് മാത്രം. മസിലുകളിലെയും സന്ധികളിലെയും വേദനകള്‍ കുറയ്ക്കാന്‍ തിരുമ്മല്‍ സഹായിക്കും. ആയുര്‍വേദ വിധിപ്രകാരമുള്ള കുഴമ്പുകള്‍ ഉപയോഗിച്ച് തിരുമ്മത് വളരെ ഗുണം ചെയ്യും. ഇതുകഴിഞ്ഞ് ചൂടുവെള്ളത്തില്‍ കുളിയ്ക്കാവുന്നതാണ്.
Continue with Google
