ഗര്‍ഭിണികളിലെ ഗ്യാസ് പ്രശ്‌നങ്ങള്‍ക്ക് പരിഹാരം

1.അല്പാഹാരം

ഒരുമിച്ച് കൂടുതല്‍ ആഹാരം കഴിക്കാതെ ഇടവിട്ട് ചെറിയ അളവില്‍ ഭക്ഷണം കഴിക്കുക. നിങ്ങളുടെ ആമാശയത്തിന് കൂടിയ അളവില്‍ ഭക്ഷണം ദഹിപ്പിക്കാനുള്ള കഴിവുണ്ടാകില്ല. ശരിയായ രീതിയിലല്ലാത്ത ദഹനം ഗ്യാസ് ഉണ്ടാക്കുകയും വയര്‍ ചീര്‍ത്തതായി തോന്നുകയും ചെയ്യും.

2. സാവധാനം കഴിക്കുക

ഭക്ഷണം നന്നായി ചവച്ചരച്ച് ആസ്വദിച്ച് കഴിക്കുക. ദഹനത്തിന്‍റെ ഒരു ഭാഗം വായില്‍ വെച്ച് തന്നെയാണ് നടക്കുന്നത്. നല്ല ദഹനം ലഭിക്കാന്‍ ആഹാരം ഉമിനീരുമായി കൂടിക്കലരണം. പ്രോജെസ്റ്റീറോണിന്‍റെ അളവ് വര്‍ദ്ധിക്കുന്നത് ആമാശയത്തിന്‍റെ പ്രവര്‍ത്തനം മന്ദീഭവിപ്പിക്കുന്നതിനാല്‍ ഗ്യാസ് ഉണ്ടാവാന്‍ സാധ്യത കൂടുതലാണ്. അതിനാല്‍ നന്നായി ചവച്ചരച്ച് ഭക്ഷണം കഴിക്കാന്‍ ശ്രദ്ധിക്കണം.

3. കുടിക്കുമ്പോള്‍ ശ്രദ്ധിക്കുക

ആഹാരം കഴിക്കുന്ന സമയത്ത് വെള്ളം കുടിക്കാതിരിക്കുകയോ അല്ലെങ്കില്‍ അല്പം മാത്രം കുടിക്കുകയോ ചെയ്യുക. ദഹനത്തിന് സഹായിക്കുന്ന എന്‍സൈമുകളെ നേര്‍പ്പിക്കാന്‍ വെള്ളം കുടിക്കുന്നത് കാരണമാകും. ഇത് ദഹനം കുറയ്ക്കുകയും ഗ്യാസ് രൂപപ്പെടുകയും ചെയ്യും. അതുപോലെ സ്ട്രോ ഉപയോഗിക്കാതെ നേരിട്ട് ഗ്ലാസില്‍ നിന്ന് കുടിക്കാന്‍ ശ്രദ്ധിക്കുക.

4. മലബന്ധം

മലബന്ധം ഉണ്ടാവാതെ പ്രത്യേകം ശ്രദ്ധിക്കുക. ഗര്‍ഭിണികളില്‍ മലബന്ധം ഉണ്ടാവുന്നത് സാധാരണമാണ്. ഇത് ഗ്യാസ് പെരുകാനും വേദനയ്ക്കും ഇടയാക്കും. ഫൈബറുകള്‍ ധാരാളമടങ്ങിയ ഭക്ഷണം കഴിക്കുക. പാക്ക് ചെയ്ത ആഹാരസാധനങ്ങള്‍ കഴിവതും ഒഴിവാക്കുക.

5. ഗ്യാസ് ഉണ്ടാക്കുന്ന ആഹാരങ്ങള്‍

ഗ്യാസിന് കാരണമാകുന്ന ആഹാരങ്ങള്‍ ഒഴിവാക്കുക. ഓരോ ആള്‍ക്കും ഗ്യാസുണ്ടാക്കുന്ന ആഹാരങ്ങള്‍ വ്യത്യസ്ഥമാകാം. അതിനാല്‍ തന്നെ ഭക്ഷണത്തില്‍ തെരഞ്ഞെടുപ്പ് ആവശ്യമാണ്. ഉദാഹരണത്തിന് പാല്‍ വിരുദ്ധമായ ഒരാള്‍ക്ക് പാലുത്പന്നങ്ങള്‍ ഗര്‍ഭകാലത്ത് കഴിക്കുന്നത് ഗ്യാസ് സംബന്ധമായ പ്രശ്നമുണ്ടാക്കും.

6. ശാരീരിക അധ്വാനം

ഡോക്ടറുടെ നിര്‍ദ്ദേശാനുസരണം ശാരീരിക അധ്വാനങ്ങളിലേര്‍പ്പെടുക. എത്രത്തോളം വ്യായാമങ്ങള്‍ ചെയ്യാമെന്ന കാര്യത്തില്‍ ഉപദേശം തേടുക. ലളിതമായ ഗര്‍ഭകാല വ്യായാമങ്ങളിലേര്‍പ്പെടുക. യോഗ ചെയ്യുന്നതും ദഹനത്തെ കാര്യക്ഷമമാക്കും.

7. ഉലുവ

ഒരു പിടി ഉലുവ തലേ രാത്രി ഒരു ഗ്ലാസ്സ് വെള്ളത്തിലിട്ടുവെയ്ക്കുക. രാവിലെ അതില്‍ നിന്ന് ഉലുവ മാറ്റി വെള്ളം കുടിക്കുക. ഇത് വയറ് വേദനയും ഗ്യാസും ശമിപ്പിക്കും. വീട്ടില്‍ തന്നെ സാധിക്കുന്ന ലളിതമായ ചികിത്സകള്‍ ഗ്യാസിനെതിരെ ചെയ്യാവുന്നതാണ്.

8. വയര്‍ നിറഞ്ഞിരിക്കുക

ഗര്‍ഭിണികള്‍ക്ക് രാവിലെയുള്ള പ്രശ്നങ്ങള്‍ കൊണ്ടും ശാരീരിക പ്രശ്നങ്ങള്‍ കൊണ്ടും ഭക്ഷണം കഴിക്കുന്നത് കുറവായിരിക്കും. ആമാശയത്തില്‍ തന്മൂലമുണ്ടാകുന്ന സ്രവങ്ങള്‍ വയര്‍ ചീര്‍ക്കാനും മറ്റ് ആരോഗ്യപ്രശ്നങ്ങള്‍ക്കും കാരണമാകും. അതിനാല്‍ വയര്‍ നിറഞ്ഞിരിക്കാന്‍ ശ്രദ്ധിക്കണം.

9. സോഡ ഒഴിവാക്കുക

കാര‍ബണ്‍ഡോക്സൈഡ് ചേര്‍ത്ത പാനീയങ്ങള്‍ ഗര്‍ഭിണിയായിരിക്കുന്ന സമയത്ത് ഉപയോഗിക്കാതിരിക്കുക. ഇവ നേരിട്ട് ഗ്യാസിന് കാരണമാവുകയും വേദനയുണ്ടാകാനിടയാവുകയും ചെയ്യും.