ഗര്‍ഭകാലത്ത് ഗ്യാസുണ്ടാക്കും ഭക്ഷണങ്ങള്‍

Published: Thursday, March 14, 2013, 15:21 [IST]

ഗര്‍ഭകാലം ശാരീരിക അസ്വസ്ഥതകളുടെ കാലം കൂടിയാണ്. ഇത്തരം സമയത്ത് പല കാര്യങ്ങളും, ചില പ്രത്യേക ഗന്ധങ്ങളടക്കം അസ്വസ്ഥതയുണ്ടാക്കുന്നത് സ്വാഭാവികമാണ്.

അസ്വസ്ഥതകളുണ്ടെങ്കിലും അമ്മയുടേയും കുഞ്ഞിന്റെയും ആരോഗ്യത്തിന് ഭക്ഷണവും വളരെ പ്രധാനമാണ്. എന്നാല്‍ ചില ഭക്ഷണങ്ങള്‍ ഗര്‍ഭകാലത്തു കഴിയ്ക്കുന്നത് ഗ്യാസുണ്ടാക്കുകയും ചെയ്യും. ഇവ ഗര്‍ഭിണിയല്ലെങ്കില്‍ കഴിച്ചാല്‍ ഗ്യാസുണ്ടാകണമെന്നില്ല. ചില ഭക്ഷണങ്ങള്‍ നല്ലതാണെങ്കിലും ചിലപ്പോള്‍ ഗ്യാസുണ്ടാക്കും.

ഗര്‍ഭകാലത്ത് ഗ്യാസുണ്ടാക്കും ഭക്ഷണങ്ങള്‍

ആപ്പിള്‍ ഇത്തരത്തില്‍ ഒരു ഭക്ഷണമാണ്. ഇതിലെ പെക്ടിനാണ് ഇത്തരം ഗ്യാസുണ്ടാക്കുന്നത്. പെക്ടിന്‍ ഒരിനം കാര്‍ബോഹൈഡ്രേറ്റാണ്.

ഗര്‍ഭകാലത്ത് ഗ്യാസുണ്ടാക്കും ഭക്ഷണങ്ങള്‍

ക്യാബേജും ഇത്തരത്തിലൊരു ഭക്ഷണം തന്നെയാണ്. ഇത് ദഹനം അല്‍പം പതുക്കെയാക്കും. ഗര്‍ഭാവസ്ഥയില്‍ ഇത് ഗ്യാസും നെഞ്ചെരിച്ചിലും ഉണ്ടാക്കും.

ഗര്‍ഭകാലത്ത് ഗ്യാസുണ്ടാക്കും ഭക്ഷണങ്ങള്‍

പയര്‍ വര്‍ഗങ്ങളും ഗ്യാസുണ്ടാക്കും. ഇവയിലെ റാഫിനോസ് എന്ന ഘടകമാണ് ഇതിന് കാരണമാകുന്നത്. ഇവ നല്ലപോലെ കഴുകുകയും മുളപ്പിച്ചു കഴിയ്ക്കുകയും ചെയ്യുന്നത് ഗ്യാസ് കുറയ്ക്കും.

ഗര്‍ഭകാലത്ത് ഗ്യാസുണ്ടാക്കും ഭക്ഷണങ്ങള്‍

വറുത്ത ഭക്ഷണങ്ങള്‍ ഗര്‍ഭകാലത്ത് ഒഴിവാക്കുന്നതു തന്നെയാണ് എന്തുകൊണ്ടും നല്ലത്. ഇവ ഗ്യാസുണ്ടാക്കുക മാത്രമല്ല, ആരോഗ്യത്തിനും നല്ലതല്ല.

ഗര്‍ഭകാലത്ത് ഗ്യാസുണ്ടാക്കും ഭക്ഷണങ്ങള്‍

റാഡിഷും ഗര്‍ഭകാലത്തു കഴിച്ചാല്‍ ഗ്യാസുണ്ടാക്കാനുള്ള സാധ്യത കൂടുതലാണ്. ഇതിനു പുറമെ സവാള, ടര്‍ണിപ്, പച്ചക്കുരുമുളക് എന്നിവയും ഗ്യാസുണ്ടാക്കും.

ഗര്‍ഭകാലത്ത് ഗ്യാസുണ്ടാക്കും ഭക്ഷണങ്ങള്‍

ശീതളപാനീയങ്ങളും ഗ്യാസുണ്ടാക്കും. ഇത് സാധാരണ അവസ്ഥയില്‍ തന്നെ ഗ്യാസുണ്ടാക്കും.ഗര്‍ഭകാലത്താകട്ടെ, ഇത് ഗ്യാസ്, അസിഡിറ്റി പ്രശ്‌നങ്ങള്‍ വര്‍ദ്ധിപ്പിക്കുകയും ചെയ്യും.