ഗർഭകാലത്തെ ചില പ്രയാസങ്ങൾ

ഛര്‍ദ്ദി

ഗര്‍ഭകാലത്ത് ഏറ്റവും സാധാരണയായി കാണുന്ന ഒരു പ്രശ്നമാണ് ഛര്‍ദ്ദി. ചില അവസരങ്ങളിൽ ഇത് ഗര്‍ഭവതിക്ക് ആരോഗ്യപ്രശ്നങ്ങൾ ഉണ്ടാക്കും വിധം ഗൗരവതരമാകാറുണ്ട്. എന്നാൽ ഇത്തരം അസ്വസ്ഥതകൾ നിയന്ത്രിക്കാൻ ചുക്ക് കാപ്പി കുടിക്കുക, നാരങ്ങ മണപ്പിക്കുക തുടങ്ങിയ വീട്ടിൽ തന്നെ ചെയ്യാവുന്ന ഫലപ്രദമായചില പൊടിക്കൈകൾ പരീക്ഷിക്കാവുന്നതാണ്.

സ്‌തനങ്ങളിലെ മാറ്റങ്ങൾ :

സ്‌തനങ്ങൾക്ക് വേദന അനുഭവപ്പെടുക, സ്‌തനങ്ങള്‍ക്ക്‌ വലുപ്പം കൂടുക തുടങ്ങിയവ ഗര്‍ഭകാലത്തിന്റെ പ്രാരംഭ ഘട്ടങ്ങളിൽ അനുഭവപ്പെടുന്ന മാറ്റങ്ങളാണ്. മുലയൂട്ടലിനുള്ള ശരീരത്തിന്റെ തയ്യാറെടുപ്പുകളാണ് ഇവ.ഈ സമയത്ത്‌ നിങ്ങള്‍ക്ക്‌ ഏറ്റവും സൗകര്യപ്രദമായ അളവിലുള്ള ബ്രാ ധരിക്കുവാൻ ശ്രദ്ധിക്കുക.

തളർച്ച

ആദ്യത്തെ മൂന്നുമാസം ഗർഭിണികളിൽ സാധാരണയായി കണ്ടുവരുന്ന ഒന്നാണ് തളർച്ച.നിങ്ങളും ഈ ഒരു അവസ്ഥ അനുഭവിക്കുന്നുണ്ടെങ്കിൽ വിശ്രമവും, വ്യായാമവും, സന്തുലിത ആഹരക്രമവും ജീവിതചര്യയുടെ ഭാഗമാക്കുന്നത് അമ്മയുടെയും കുഞ്ഞിന്റെയും ആരോഗ്യത്തിനു നല്ലതാണ്.

അടിക്കടി മൂത്രമൊഴിക്കണമെന്ന തോന്നല്‍

ഹോർമോണ്‍ വ്യതിയാനങ്ങളും മൂത്രസഞ്ചിയിൽ അനുഭവപ്പെടുന്ന ഉയർന്ന മർദവും കാരണം അടിക്കടി മൂത്രമോഴിക്കുവാനുള്ള തോന്നൽ ഉണ്ടാകാനുള്ള സാധ്യത കൂടുതലാണ്. ഗര്‍ഭപാത്രം വികസിച്ചു ഈ തോന്നൽ മാറുന്നത് വരെ ഇത് നിങ്ങൾക്ക് ബുദ്ധിമുട്ടുണ്ടാക്കാവുന്ന ഒരു ഗര്‍ഭകാല പ്രയാസമായി തുടർന്നേക്കാം.

മലബന്ധം:

ഗർഭകാലത്ത്‌ പല സ്ത്രീകളേയും മലബന്ധം എന്ന പ്രശ്‌നം അലട്ടുന്നതായി കാണാം. ശരീരത്തിലെ ജലാംശം നിലനിർത്താൻ ആവശ്യത്തിനു വെള്ളം കുടിക്കുന്നത് ഗര്‍ഭകാലത്തുള്ള മലബന്ധം പരിഹരിയ്ക്കാന്‍ വളരെയധികം സഹായിക്കും.

ഉറക്കമില്ലായ്മ:

ശരിയായ ഉറക്കം ലഭിക്കുന്നില്ല എന്നുള്ളത് പല ഗർഭിണികളുടെയും പരാതിയാണ്. കുഞ്ഞിന്റെ അനക്കം കൂടിവരുന്നതിനാൽ അവസാന മൂന്നു മാസങ്ങളിലാണ് ഉറക്കമില്ലായ്മ കൂടുതൽ പ്രശ്നമായി മാറുന്നത്. നിങ്ങൾ കിടക്കുന്ന രീതിയിൽ വരുന്ന വ്യത്യാസങ്ങളും ഉറക്കത്തിനു ബുദ്ധിമുട്ട് ഉണ്ടാക്കിയേക്കാം.