Click it and Unblock the Notifications
Latest Updates
-
വിജയദശമിക്ക് സ്വർണം വാങ്ങിയോ? വീട്ടിൽ ലോക്കർ വെക്കാൻ വാസ്തു പറയുന്ന ഈ ദിശ സമ്പത്ത് വർധിപ്പിക്കും -
ഉത്സവകാല യാത്രാത്തിരക്ക്: കേരളത്തിലേക്ക് 100-ലധികം സ്പെഷ്യൽ ട്രെയിനുകൾ; അറിയേണ്ടതെല്ലാം -
വിജയദശമിക്ക് മുൻപ് വീട്ടിൽ ഈ മാറ്റങ്ങൾ വരുത്തൂ; ഐശ്വര്യവും പോസിറ്റീവ് ഊർജ്ജവും കൂടും! -
മുംബൈയിലെ കനത്ത പുകമഞ്ഞ്; ചർമ്മവും മുടിയും കണ്ണുകളും സുരക്ഷിതമാക്കാൻ ഈ മുൻകരുതലുകൾ മറക്കരുത് -
ഇന്ത്യ-വെസ്റ്റ് ഇൻഡീസ് ഫൈനൽ പോരാട്ടം: ബെംഗളൂരുവിൽ മഴ ഭീഷണി, ടോസ് നിർണ്ണായകം; ആരാധകർ അറിയേണ്ടതെല്ലാം! -
കേരളത്തിൽ കനത്ത മഴയ്ക്ക് സാധ്യത: 12 ജില്ലകളിൽ യെല്ലോ അലർട്ട്; ജാഗ്രത പാലിക്കാൻ നിർദേശം -
2026 തുലാം സംക്രാന്തി: പുണ്യകാലം പകൽ തന്നെ; ദാനധർമ്മങ്ങൾക്കും പൂജകൾക്കും ശ്രദ്ധിക്കേണ്ട കൃത്യമായ സമയം ഇതാ -
തുലാം സംക്രാന്തി 2026: പുണ്യകാല മുഹൂർത്തങ്ങൾ അറിയാം, ദാനധർമ്മങ്ങൾക്ക് ഉചിതമായ സമയം ഇതാണ്! -
ഒക്ടോബർ 16-ലെ അപൂർവ്വ രവി യോഗം: പുതിയ തുടക്കങ്ങൾക്ക് ശുഭസമയം, ഈ കാര്യങ്ങൾ ശ്രദ്ധിക്കൂ -
വിജയദശമിയിൽ ബന്ധുവീടുകളിൽ പോകുമ്പോൾ ഈ കാര്യങ്ങൾ ശ്രദ്ധിക്കൂ; ദമ്പതികൾക്ക് ഉപകരിക്കുന്ന ചില ടിപ്സ്
ഗര്‍ഭിണികള്‍ ഒഴിവാക്കേണ്ട ഭക്ഷണങ്ങള്‍
ഗര്‍ഭകാലത്ത്‌ സ്‌ത്രീകള്‍ പോഷകസമൃദ്ധമായ ആഹാരങ്ങള്‍ കഴിക്കാന്‍ ശ്രദ്ധിക്കണം. ആരോഗ്യകരമായ ആഹാരം കഴിക്കുന്നത്‌ പോലെ പ്രധാനമാണ്‌ ചില ഭക്ഷണ സാധനങ്ങള്‍ ഒഴിവാക്കുന്നതും.
ചില ആഹാരങ്ങള്‍ ഗര്‍ഭിണിയെ ദോഷകരമായി ബാധിക്കുകയും ഗര്‍ഭം അലസുന്നതിന്‌ വരെ കാരണമാവുകയും ചെയ്യാം. അതുകൊണ്ട്‌ തന്നെ ഗര്‍ഭിണികള്‍ ആഹാരം തിരഞ്ഞെടുക്കുമ്പോള്‍ വളരെയധികം ശ്രദ്ധ പുലര്‍ത്തണം.
മീനുകള്‍
മീനുകളില്‍ ഒമേഗ-3 ഫാറ്റി ആസിഡുകള്‍ ധാരാളമായി അടങ്ങിയിട്ടുണ്ട്. ഇത്‌ കുട്ടികളുടെ വളര്‍ച്ചയ്‌ക്ക്‌ വളരെ നല്ലതാണ്‌. എന്നാലും മെര്‍ക്കുറിയുടെ അംശം ഉണ്ടാകാന്‍ ഇടയുള്ള മീനുകള്‍ ഗര്‍ഭകാലത്ത്‌ ഒഴിവാക്കണം. മെര്‍ക്കുറി ഗര്‍ഭസ്ഥശിശുവിന്റെ തലച്ചോറിനെ ദോഷകരമായി ബാധിക്കാന്‍ സാധ്യതയുണ്ട്‌. കോര, ഞണ്ട്‌, സ്രാവ്‌ മുതലായ മത്സ്യങ്ങളിലാണ്‌ മെര്‍ക്കുറിയുടെ അംശം കൂടുതലായി കണ്ടുവരുന്നത്‌. അതിനാല്‍ ഗര്‍ഭിണികള്‍ ഈ മീനുകള്‍ ഒഴിവാക്കുന്നതാണ് നല്ലത്.
പാകം ചെയ്യാത്ത ഭക്ഷണം
പാകം ചെയ്യാത്ത ആഹാരസാധനങ്ങള്‍ ഗര്‍ഭിണികള്‍ കഴിക്കരുത്‌. വേവിക്കാത്ത ആഹാര സാധനങ്ങളില്‍ ബാക്ടീരിയകള്‍, വൈറസുകള്‍ മുതലായ സൂക്ഷ്‌മാണുക്കള്‍ ഉണ്ടാകാനുള്ള സാധ്യത വളരെ കൂടുതലാണ്‌. ഇവ അമ്മയുടെയും കുഞ്ഞിന്റെയും ജീവന്‌ ഭീഷണിയായി മാറാം. നന്നായി വേവിച്ച ആഹാരം മാത്രം കഴിക്കുക. ബാക്ടീരിയ-വൈറസ്‌ ബാധ ഉണ്ടാകാന്‍ സാധ്യതയുള്ള ഭക്ഷണങ്ങളും ഒഴിവാക്കുക.
അണുവിമുക്തമാക്കാത്ത പാനീയങ്ങള്‍
ശരിയായ രീതിയില്‍ അണുവിമുക്തമാക്കാത്ത പാല്‍, പാല്‍ ഉത്‌പന്നങ്ങള്‍ മുതലായവ ഗര്‍ഭിണികള്‍ ഉപയോഗിക്കരുത്‌. മൊസ്സാറെല്ല, കൊഴുപ്പ്‌ നീക്കം ചെയ്‌ത പാല്‍ എന്നിവ കഴിക്കാവുന്നതാണ്‌. ഫെറ്റാ, ബ്രൈ പോലുള്ള വെണ്ണകള്‍ ഒഴിവാക്കണം. ശരിയായ രീതിയില്‍ സംസ്‌കരിച്ച്‌ അണുവിമുക്തമാക്കിയ പാല്‍, തൈര്‌, വെണ്ണ എന്നിവ കഴിക്കാം.
നന്നായി കഴുകാത്ത പഴങ്ങളും പച്ചക്കറികളും
ഗര്‍ഭകാലത്ത്‌ പാകം ചെയ്‌ത ആഹാര സാധനങ്ങള്‍ കഴിക്കുന്നതാണ്‌ നല്ലത്. പാകം ചെയ്‌ത്‌ കഴിക്കേണ്ട ആഹാരം ആ രീതിയില്‍ മാത്രം കഴിക്കുക. പച്ചക്കറികളും പഴങ്ങളും നന്നായി കഴുകിയതിന്‌ ശേഷമേ ഉപയോഗിക്കാവൂ.
കഫീന്‍, ചായ, മദ്യം
ഗര്‍ഭകാലത്ത്‌ കഫീന്‍, ചായ, മദ്യം എന്നിവ ഒഴിവാക്കുക. ഇവയുടെ ഉപയോഗം ഗര്‍ഭസമയത്ത്‌ അനാവശ്യ സങ്കീര്‍ണ്ണതകള്‍ ഉണ്ടാകുന്നതിനും കുഞ്ഞിന്‌ ആരോഗ്യ പ്രശ്‌നങ്ങള്‍ ഉണ്ടാകുന്നതിനും കാരണമാകാം. കഫീന്‍, ചായ, മദ്യം എന്നിവ അമിതമായി ഉപയോഗിക്കുന്നത്‌ ഗര്‍ഭം അലസുന്നതിന്‌ ഇടയാക്കാറുണ്ട്‌.
പഴകിയവ
ഫ്രിഡ്ജില്‍ വച്ചതും പഴകിയതുമായ ഭക്ഷണങ്ങള്‍ ഒഴിവാക്കുന്നതാണ് നല്ലത്. ഇവ ആരോഗ്യത്തിനു നല്ലതല്ലെന്നു മാത്രമല്ല, ഫുഡ് പോയ്‌സനിംഗ് പോലുള്ള പ്രശ്‌നങ്ങള്‍ ഉണ്ടാക്കുകയും ചെയ്യും.
കരള്‍
കരള്‍ പോലുള്ള മാംസാഹാരങ്ങള്‍ ഒഴിവാക്കണം. ഇതില്‍ വൈറ്റമിന്‍ എ ധാരാളം അടങ്ങിയിട്ടുണ്ട്. വൈറ്റമിന്‍ എ അധികമാകുന്നത് കു്ഞ്ഞിന് നല്ലതല്ല.
മുട്ട
നല്ലപോലെ പാകം ചെയ്യാത്ത മുട്ടയും ഒഴിവാക്കുക. നല്ലപോലെ വേവിക്കാത്ത മുട്ട ഭക്ഷ്യവിഷബാധ പോലുള്ള പ്രശ്‌നങ്ങളുണ്ടാക്കും.
Continue with Google
