അമിതവണ്ണം ഗര്‍ഭത്തിന് തടസം

Pre Natal

oi-Saritha

By Veena

Published: Wednesday, January 4, 2012, 17:33 [IST]

അമിത വണ്ണമുള്ള സ്ത്രീകള്‍ ഗര്‍ഭിണികളാകാന്‍ സാധ്യത കുറവാണെന്ന് പൊതുവെ ഒരു വിശ്വാസമുണ്ട്. ഗര്‍ഭിണിയാകുന്നതില്‍ ശരീരഭാരം ഒരു പ്രധാന ഘടകം തന്നെയാണ്. അമിതവണ്ണവും ആവശ്യത്തിന് ശരീരഭാരമില്ലാത്തതും ഗര്‍ഭം ധരിക്കാന്‍ തടസം തന്നെയാണ്.

വണ്ണം കൂടുതലുള്ള ഒരു സ്ത്രീ ഗര്‍ഭിണിയായാല്‍ പ്രമേഹം, ബിപി തുടങ്ങിയവ വരാനുള്ള സാധ്യത കൂടുതലാണ്. അമിതവണ്ണം സാധാരണ പ്രസവത്തിനും ഭീഷണിയാണ്.

അമിതവണ്ണം ചില സ്ത്രീകളില്‍ ഗര്‍ഭിണിയാകാനുള്ള സാധ്യത തന്നെ കുറയ്ക്കുന്നുണ്ട്. ഹോര്‍മോണ്‍ പ്രശ്‌നങ്ങളായിരിക്കും മിക്കവാറും ഇതിന് പിന്നില്‍. വണ്ണക്കൂടുതലുള്ളവര്‍ ഗര്‍ഭിണിയാകുവാന്‍ ശരീരഭാരം നിയന്ത്രിക്കുവാന്‍ ഡോക്ടര്‍മാര്‍ നിര്‍ദേശിക്കാറുമുണ്ട്.

ആവശ്യത്തിന് തൂക്കമില്ലാത്തതും ആരോഗ്യകരമായ ഗര്‍ഭത്തിന് തടസം തന്നെയാണ്. തൂക്കക്കുറവുള്ളവരില്‍ പോഷകാഹാരക്കുറവും സാധാരണമാണ്. ഇത് കുഞ്ഞിന്റെയും അമ്മയുടേയും ആരോഗ്യത്തിന് ദോഷം ചെയ്യും. തൂക്കക്കുറവില്ലാത്തവരില്‍ ഓവുലേഷന്‍ പ്രശ്‌നങ്ങള്‍ സാധാരണമാണ്. ഇവര്‍ ഗര്‍ഭം ധരിച്ചാല്‍ തന്നെയും മാസം തികയാതെയുള്ള പ്രസവം, തൂക്കക്കുറവുള്ള കുഞ്ഞ്, കുഞ്ഞിന് വളര്‍ച്ചയിലുണ്ടാകുന്ന പ്രശ്‌നങ്ങള്‍ എന്നിവ സാധാരണമാണ്.

മേല്‍പ്പറഞ്ഞ കാര്യങ്ങള്‍ കൊണ്ടുതന്നെ ആവശ്യത്തിന് ശരീരഭാരം ഗര്‍ഭം ധരിക്കുന്ന സ്ത്രീയുടെ കാര്യത്തില്‍ പ്രധാനമാണെന്ന് മനസിലാക്കാം. അത് അമ്മയുടേയും കുഞ്ഞിന്റെയും ആരോഗ്യത്തിന് പ്രധാനമാണ്.