ഓവുലേഷന്‍ സ്ട്രിപ് ഉപയോഗിക്കാന്‍ പഠിക്കൂ

ഓവുലേഷന്‍ നടക്കുന്നതിന് 24-36 മണിക്കൂറുകള്‍ മുന്‍പ് ശരീരത്തിലെ എല്‍എച്ച്(ലൂട്ടിനൈസിംഗ് ഹോര്‍മോണ്‍) ഹോര്‍മോണ്‍ അളവ് കൂടുതലായിരിക്കും. ഓവുലേഷന്‍ സ്ട്രിപ്പ് മൂത്രം ശേഖരിച്ച് അതില്‍ മുക്കി വച്ചാണ് ഈ ഹോര്‍മോണ്‍ തോതിന്റെ അളവ് അറിയുന്നത്.

ഓവുലേഷന്‍ സ്ട്രിപ്പ് ഉപയോഗിക്കുന്നതിന് ആര്‍ത്തവം എത്ര ദിവസം കൂടുമ്പോഴാണ് വരുന്നതെന്നറിയണം. ഇത് കണ്ടുപിടിച്ച് ഒാവുലേഷന്‍ നടക്കാന്‍ സാധ്യതയുള്ള ചില ദിവസങ്ങളില്‍ ടെസ്റ്റ് നടത്തുകയാണ് വേണ്ടത്. ഉദാഹരണത്തിന് 28 ദിവസം ദൈര്‍ഘ്യമുള്ള ആര്‍ത്തവചക്രമാണെങ്കില്‍ 12 ദിവസം മുതല്‍ ഈ ടെസ്റ്റ് നടത്തണം. ആറു മുതല്‍ 10 ദിവസം വരെ അടുപ്പിച്ച് ടെസ്‌ററു നടത്തിയാലേ ഓവുലേഷന്‍ ദിവസം കൃത്യമായി കണ്ടെത്താന്‍ സാധിക്കൂ.

രാവിലെ 11മണിക്കും ഉച്ച തിരിഞ്ഞ് മൂന്നു മണിക്കും വൈകീട്ട് 5-10 മണിക്കും ഇടയിലുള്ള സമയത്താണ് മൂത്രം ശേഖരിക്കേണ്ടത്. ആദ്യമായി ഒഴിക്കുന്ന മൂത്രം ഉപയോഗിക്കാന്‍ പാടില്ല. മൂത്രം ശേഖരിച്ച ശേഷം ഇതില്‍ ഓവുലേഷന്‍ സ്ട്രിപ്പ് ഇട്ടു വയ്ക്കണം. ഇതില്‍ തെളിയുന്ന ബാന്റുകളിലെ നിറമനുസരിച്ചാണ് ഓവുലേഷന്‍ നടക്കുന്നുണ്ടോ ഇല്ലയോ എന്ന് തിരിച്ചറിയുക. ദിവസവും ഒരേ സമയത്തു തന്നെ ടെസ്റ്റു നടത്തുന്നതാണ് നല്ലത്.

ഉപയോഗിക്കേണ്ട വിധം വിശദമായി ഓവുലേഷന്‍ സ്ട്രിപ്പുകളുടെ കവറില്‍ തന്നെ എഴുതിയിരിക്കും.