ഗര്‍ഭധാരണത്തിന് ചേര്‍ന്ന പ്രായം

Pre Natal

oi-Saritha

By Veena

Published: Thursday, January 5, 2012, 15:48 [IST]

ഗര്‍ഭം ധരിക്കുവാന്‍ സ്ത്രീകള്‍ക്ക് ഏറ്റവും പറ്റിയ പ്രായമേതെന്നു സംബന്ധിച്ച് അഭിപ്രായങ്ങളും പലവിധമുണ്ട്. 20 മുതല്‍ 25 വരെയും 30 വരെയും എന്നിങ്ങനെ പലവിധ അഭിപ്രായങ്ങളും ഇക്കാര്യത്തില്‍ ഉയര്‍ന്നു വന്നിട്ടുണ്ട്.

22 വയസിനു ശേഷം ഗര്‍ഭം ധരിക്കുന്നതാണ് അമ്മയുടേയും കുഞ്ഞിന്റെയും ആരോഗ്യത്തിന് നല്ലത്. ഈ പ്രായത്തോടെയേ സ്ത്രീശരീരം ഗര്‍ഭധാരണത്തിന് പൂര്‍ണമായും സജ്ജമാകൂ.

30 വയസിനു മുന്‍പ് പ്രസവിക്കുന്നതും ആരോഗ്യകരമായി കണക്കാക്കുന്നു. 30 വയസിനു മേല്‍ സ്ത്രീകളുടെ പ്രത്യുല്‍പാദന ശേഷി കുറഞ്ഞു വരുന്നതായാണ് വൈദ്യശാസ്ത്രത്തിന്റെ കണ്ടെത്തല്‍. പ്രായമേറിയ ഗര്‍ഭത്തില്‍ അമ്മയ്ക്കും കുഞ്ഞിനും അപകട സാധ്യതകളും കൂടുതലാണ്.

എന്നാല്‍ മാറുന്ന ജീവിത സാഹചര്യങ്ങളും വീക്ഷണങ്ങളും ഇപ്പോള്‍ പൊതുവെ വിവാഹത്തിന്റെയും പ്രസവത്തിന്റെയും പ്രായം ഉയര്‍ത്തുന്നതായാണ് കണ്ടുവരുന്നത്. ശാരീരികമായി മാത്രമല്ലാ, മാനസികമായും അമ്മയാകാന്‍ ഒരു സ്ത്രീ ഒരുങ്ങേണ്ടത് അത്യാവശ്യമാണ്.