ഗര്‍ഭധാരണവും പ്രായവും

Pre Natal

oi-Saritha

By Veena

Published: Friday, January 13, 2012, 15:59 [IST]

ഒാരോന്നിനും അതിന്റേതായ സമയമുണ്ടെന്നു പറയും. ഗര്‍ഭധാരണത്തിനും ഈ നിയമം ബാധകമാണ്. പ്രായം കുടുന്തോറും ഗര്‍ഭധാരണവും സാധാരണ പ്രസവവും കൂടുതല്‍ ബുദ്ധിമുട്ടാകുമെന്നതാണ് ഇതിന് കാരണം. മാത്രമല്ലാ, പ്രായമേറുന്തോറും കുഞ്ഞിനും അമ്മയ്ക്കും ശാരീരിക പ്രശ്‌നങ്ങളുണ്ടാകാനുള്ള സാധ്യതയും കൂടുതലാണ്.

ചില പെണ്‍കുട്ടികളെങ്കിലു 21 വയസില്‍ വിവാഹിതരാകാറുണ്ട്. ഇവര്‍ക്ക് ഗര്‍ഭം ധരിക്കാന്‍ സമയവും മുന്നിലുണ്ട്. 30 വയസിനു മുന്‍പെ ഗര്‍ഭം ധരിച്ചാല്‍ മതിയാകും. ദമ്പതികള്‍ പരസ്പരം നല്ലപോലെ മനസിലാക്കിയതിന് ശേഷം ഒരു കുഞ്ഞിന് ജന്മം കൊടുക്കുന്നതാണ് നല്ലത്.

വൈകി വിവാഹിതരാകുന്നവരില്‍ ഗര്‍ഭധാരണവും വൈകും. സ്ത്രീകളില്‍ 30 കഴിഞ്ഞാല്‍ സാധാരണ പ്രസവത്തിന് ബുദ്ധിമുട്ടേറും എന്നു പറയാറുണ്ട്. പെല്‍വിക് മസിലുകള്‍ കൂടുതല്‍ ദൃഢമാകുന്നതാണ് ഇതിന് കാരണം.

പ്രസവത്തോടുള്ള ഭീതി കാരണം ചില സ്ത്രീകള്‍ ഗര്‍ഭം ധരിക്കാന്‍ വിസമ്മതിക്കാറുണ്ട്. ഇവര്‍ക്ക് ആവശ്യമായ മാനസിക പിന്തുണയും കൗണ്‍സിലിംഗും നല്‍കുന്നത് ഗുണം ചെയ്യും.

ബിപി, പ്രമേഹം എന്നീ രോഗങ്ങള്‍ പ്രായമേറുന്തോറുമാണ് കൂടുതല്‍ പേരിലും കാണാറ്. ഇതൊഴിവാക്കാന്‍ ഗര്‍ഭധാരണം വല്ലാതെ വൈകിക്കാത്തതാണ് നല്ലത്.

ഗര്‍ഭം ധരിക്കാനുള്ള പ്രായത്തിന് ഒരു അലിഖിത നിയമമില്ലെന്നതാണ് വാസ്തവം. നേരത്തെ വിവാഹിതരായിട്ടും ഗര്‍ഭം ധരിക്കാത്തവരും വൈകി വിവാഹിതരായിട്ടും ഗര്‍ഭം ധരിക്കുന്നവരും സാധാരണ രീതിയില്‍ പ്രസവിക്കുന്നതവരുമുണ്ട്. ഐശ്വര്യാ റായ് തന്നെ ഏറ്റവും നല്ല ഉദാഹരണം.