ഗര്‍ഭധാരണത്തിന് പുരുഷനും ഒരുങ്ങാം

ഉത്തരവാദിത്വങ്ങള്‍ ഭയന്ന് കുഞ്ഞ് എന്ന ഭാര്യയുടെ ആവശ്യം ഓരോരോ കാരണങ്ങള്‍ പറഞ്ഞ് വൈകിപ്പിക്കുന്ന പുരുഷന്മാരുണ്ട്. ഇത്തരം സാഹചര്യത്തില്‍ കാര്യങ്ങള്‍ പറഞ്ഞു മനസിലാക്കാന്‍ കഴിയുക ഭാര്യക്കു തന്നെയാണ്. ഒരു കുഞ്ഞിന്റെ ആവശ്യകതയും കുഞ്ഞ് പങ്കാളികളുടെ പരസ്പര ബന്ധം ശക്തിപ്പെടുത്തുമെന്നും പറഞ്ഞു ബോധ്യപ്പെടുത്തുക. ഉത്തരവാദിത്വങ്ങള്‍ രണ്ടുപേരും കൂടി പങ്കെടുത്തു ചെയ്യുമെന്ന കാര്യത്തില്‍ ഭര്‍ത്താവിന് ഉറപ്പ് നല്‍കുക.

കുഞ്ഞുങ്ങളുടെ ചിത്രങ്ങളും കളികളും അച്ഛനാകാനുള്ള പ്രചോദനം പുരുഷന് നല്‍കും. ഇത്തരം അവസരങ്ങള്‍ ഉണ്ടാക്കുക.

കുഞ്ഞിനെ വളര്‍ത്താന്‍ പറ്റിയ സാമ്പത്തിക, സാമൂഹിക സാഹചര്യങ്ങളെക്കുറിച്ച് ഭര്‍ത്താവുമായി സംസാരിച്ച് കാര്യങ്ങള്‍ വിലയിരുത്തുക. ഇത്തരം കാര്യങ്ങളില്‍ ഭാര്യക്കു കൂടി ഉത്തരവാദിത്വം ഉണ്ടെന്ന തോന്നല്‍ മാനസികമായി പുരുഷന് ശക്തി നല്‍കും.

അച്ഛനമ്മമാരാകാന്‍ ശാരീരികമായി പുരുഷനും ഒരുങ്ങുക. കുഞ്ഞിന് ദോഷം വരുത്തുന്ന വിധത്തിലുള്ള രോഗങ്ങളില്ലെന്നും അച്ഛനാകാനുള്ള ആരോഗ്യം തനിക്കുണ്ടെന്നും ഡോക്ടറെ കണ്ട് ഉറപ്പു വരുത്തുക. പാരമ്പര്യരോഗങ്ങളുണ്ടെങ്കില്‍ ഇക്കാര്യം മറച്ചു വയ്ക്കാതെ ഡോക്ടറോട് പറയണം.