ഗര്‍ഭധാരണം, കൂടുതല്‍ കാര്യങ്ങള്‍ അറിഞ്ഞു വയ്ക്കാം

അമ്മയാകാന്‍ ശ്രമിക്കുന്നവര്‍ക്ക് പല സംശയങ്ങളുമുണ്ടാകാം. എന്നാല്‍ ഡോക്ടറെ കാണുമ്പോള്‍ എന്തെല്ലാം ചോദിച്ചറിയണമെന്ന കാര്യത്തില്‍ കാര്യമായ ധാരണയുണ്ടാവുകയുമില്ല.

ഗര്‍ഭിണിയാകാന്‍ സാധ്യത ഓവുലേഷന്‍ സമയത്താണ്. ഓവുലേഷന്‍ കൃത്യമായി കണക്കു കൂട്ടാനറിയില്ലെങ്കില്‍ ഇതെക്കുറിച്ച് ഡോക്ടറോട് ചോദിയ്ക്കാം.

ചിലര്‍ ഗര്‍ഭനിരോധന ഗുളികകള്‍ കഴിയ്ക്കുന്നവരായിരിക്കാം. ഇത്തരം ഗുളികകള്‍ ഇടയ്ക്കു മുടങ്ങിയാല്‍ ഗര്‍ഭം ധരിക്കാന്‍ സാധ്യതയുണ്ട്. എന്നാല്‍ ഗുളികകള്‍ കഴിയ്ക്കുന്നതിനിടയിലെ ഗര്‍ഭധാരണം അപകടമാണ്. ഇതെക്കുറിച്ച് ഡോക്ടറോട് ചോദിച്ച് സംശയനിവൃത്തി വരുത്താം.

ഗര്‍ഭധാരണം നടന്നുവെന്ന് പെട്ടെന്നു തന്നെ തിരിച്ചറിയാനുള്ള വഴിയകളെക്കുറിച്ചും ഡോക്ടറോട് ചോദിക്കാം.

ഗര്‍ഭകാലത്ത് കഴിയ്‌ക്കേണ്ടതും കഴിയ്ക്കരുതാത്തതുമായ പല ഭക്ഷണങ്ങളുമുണ്ട്. ഇവയെക്കുറിച്ച് സംശയനിവൃത്തി വരുത്താം. ഏതെങ്കിലും വിധത്തിലുള്ള ഗുളികകള്‍ കഴിയ്ക്കുന്നുണ്ടെങ്കില്‍ ഇതെക്കുറിച്ച് ഡോക്ടറോട് പറയേണ്ടതും അത്യാവശ്യമാണ്.

ഗര്‍ഭകാലത്തെ യാത്രകളും വിശ്രമവും സംബന്ധിച്ചും ഡോക്ടറോട് ചോദിയ്ക്കാം. ഇത്തരം കാര്യങ്ങള്‍ ആദ്യമേ തന്നെ അറിഞ്ഞു വയ്ക്കുന്നത് അപകടങ്ങള്‍ ഒഴിവാക്കുവാന്‍ സഹായിക്കും.

ഗര്‍ഭകാലത്ത് ചില ജീവിത രീതികളെങ്കിലും മാറ്റേണ്ടത് അത്യാവശ്യമാണ്. പ്രത്യേകിച്ച് മദ്യപാനം, പുകവലി പോലുള്ള ശീലങ്ങളുണ്ടെങ്കില്‍. ഇതെക്കുറിച്ചും അറിഞ്ഞു വയ്ക്കാം.

ഗര്‍ഭകാലത്ത് എടുക്കേണ്ട കുത്തിവയ്പുകള്‍, പരിശോധനകള്‍ എന്നിവയെക്കുറിച്ച് വ്യക്തമായ ധാരണയുണ്ടാകുന്നത് പല പ്രശ്‌നങ്ങളും ഒഴിവാക്കാന്‍ സഹായിക്കും. ഇത്തരം കാര്യങ്ങളും ഡോക്ടറോട് ചോദിച്ച് അറിയാവുന്നതേയുള്ളൂ.