മോണിംഗ് സിക്‌നസിന് ചില പരിഹാരങ്ങള്‍

ഇഞ്ചി മോണിംഗ് സിക്‌നസിനുള്ള നല്ലൊരു ഔഷധമാണ്. ഇഞ്ചി അച്ചാറിട്ടോ ചായയിലോ ചൂടുവെള്ളതിലോ ഇട്ടോ ഉപയോഗിക്കാം. ഇഞ്ചിയുടെ എരിവ് പ്രശ്‌നമല്ലാത്തവര്‍ക്ക് ഇത് വായിലിട്ടു പതുക്കെ ചവയ്ക്കുകയുമാവാം.

ആരോഗ്യത്തിന് അത്ര നല്ലതല്ലെങ്കിലും രാവിലെ പൊട്ടെറ്റോ ചിപ്‌സ് പോലെയുള്ള എന്തെങ്കിലും വായിലിട്ടു ചവയ്ക്കുന്നത് മോണിംഗ് സിക്‌നസ് ഒഴിവാക്കും.

തണുപ്പിച്ച തൈര് മോണിംഗ് സിക്‌നസ് ഒഴിവാക്കാനുള്ള മറ്റൊരു വഴിയാണ്. ഐസ്‌ക്രീമിന്റെ ഗുണമാണ് ഇത് ചെയ്യുക. ഇത് പോഷകം നല്‍കുകയും ചെയ്യും. ഭക്ഷണമൊന്നുമില്ലെങ്കിലും അസിഡിറ്റിയും ഗ്യാസും വരികയും മനം പിരട്ടുകയും ചെയ്യും. ഓട്‌സ് തുടങ്ങിയ ഭക്ഷണം കഴിയ്ക്കുന്നതും നന്നായിരിക്കും.

ചെറുനാരങ്ങ മനംപിരട്ടലും ഛര്‍ദിയും ഒഴിവാക്കാനുള്ള നല്ലൊരു വഴിയാണ്. ചെറുനാരങ്ങ മണപ്പിക്കുന്നതും അതിന്റെ നീര് കുറേശെ കുടിയ്ക്കുന്നതും നല്ലതാണ്.

മോണിംഗ് സിക്‌നസുള്ളവര്‍ ധാരാളം വെള്ളം കുടിയ്‌ക്കേണ്ടതും ആവശ്യമാണ്. തിളപ്പിച്ച വെള്ളവും ചെറുനാരങ്ങ, ഫ്രഷ് ജ്യൂസ് എന്നിവയും നറുനീണ്ടി സത്തു ചേര്‍ത്ത വെള്ളവും മോണിംഗ് സിക്‌നസിന് പറ്റിയ പരിഹാരങ്ങളാണ്.