ഗര്‍ഭനിരോധന ഗുളിക ഓര്‍മശക്തിയെ ബാധിക്കുമോ?

ഗര്‍ഭനിരോധന ഗുളികകളുടെ ഉപയോഗം തടി കൂട്ടുമെന്ന പ്രചാരം പണ്ടേയുള്ളതാണ്. എന്നാല്‍ ഇപ്പോള്‍ നിര്‍മിക്കുന്ന ഗുളികകളില്‍ പ്രൊജസ്‌ട്രോണ്‍ എന്ന ഹോര്‍മോണാണ് പ്രധാനമായും അടങ്ങിയിരിക്കുന്നത്. ഇത് തടി കൂട്ടുമെന്ന ഭയം വേണ്ട.

എന്നാല്‍ ഇത്തരം ഗര്‍ഭനിരോധന ഗുളികകള്‍ ഇത് ഉപയോഗിക്കുന്ന സ്ത്രീകളുടെ ഓര്‍മശക്തിയെ ബാധിക്കുന്നുവെന്നാണ് ശാസ്ത്രീയപരീക്ഷണങ്ങള്‍ തെളിയിച്ചിരിക്കുന്നത്.

മനുഷ്യന്റെ ഓര്‍മയെ രണ്ടായി തരം തിരിക്കാം, ഒന്ന് ലോജിക്കല്‍ മെമ്മറിയും മറ്റേത് ഇമോഷണല്‍ മെമ്മറിയും. വസ്തുതകള്‍ ഒാര്‍മിക്കാനുള്ള കഴിവ് തലച്ചോറിന്റെ വലതു ഭാഗത്താണ് കേന്ദ്രീകരിച്ചിരിക്കുന്നത്. ഇടതുഭാഗത്താവട്ടെ. വസ്തുകളുടെ വിശദാംശങ്ങള്‍ ഓര്‍മിച്ചെടുക്കാനുള്ള കഴിവും.

പുരുഷന്മാരില്‍ വലതുവശത്തെ മെമ്മറിയാണ് കൂടുതല്‍. സ്ത്രീകളിലാവട്ടെ, ഇത് നേരെ മറിച്ചും.

എന്നാല്‍ ഒരു സ്ത്രീ ഗര്‍ഭനിരോധന ഗുളികകള്‍ കഴിയ്ക്കുമ്പോള്‍ ഓര്‍മയുടെ ഈ സന്തുലിതാവസ്ഥ മറിച്ചാവുന്നു. ഇവരില്‍ വലതു മെമ്മറിയാണ് കൂടുതല്‍ ശക്തിപ്പെടുന്നത്. വിശദാംശങ്ങള്‍ക്കു പകരം വസ്തുതകള്‍ ഓര്‍ത്തെടുക്കാനുള്ള കഴിവാണ് കൂടുന്നത്. ചുരുക്കിപ്പറഞ്ഞാല്‍ സ്ത്രീയുടെ ഓര്‍മശക്തി പുരുഷനെപ്പോലാകുന്നു.

സ്ത്രീകളാണ് പുരുഷന്മാരേക്കാള്‍ ഇമോഷണല്‍ എന്നു പറയാം. ഇതിന് കാരണം ഈസ്ട്രജന്‍, പൊജസ്‌ട്രോണ്‍ ഹോര്‍മോണുകളാണ്. എന്നാല്‍ ഗര്‍ഭനിരോധന ഗുളികകള്‍ ഈ ഹോര്‍മോണുകളുടെ ഉല്‍പാദനം തടയുകയാണ് ചെയ്യുന്നത്. ഇത്തരം ഹോര്‍മോണ്‍ ഉല്‍പാദനം തടഞ്ഞാണ് ഗുളികകള്‍ ഗര്‍ഭനിരോധനം സാധ്യമാക്കുന്നത്. ഇതാണ് ഓര്‍മശക്തിയില്‍ മാറ്റം വരാനും കാരണമാകുന്നത്.

എന്നാല്‍ ഇത്തരം ഗുളികകള്‍ ഓര്‍മശക്തി കുറയ്ക്കുമെന്ന രീതിയിലുള്ള പഠനഫലങ്ങളൊന്നും ഇതുവരെ ലഭിച്ചിട്ടില്ല.