സ്തനവലിപ്പം മുലയൂട്ടലിനെ ബാധിക്കില്ല

എന്നാല്‍ സ്തനവലുപ്പവും ആരോഗ്യവും തമ്മില്‍ ബന്ധമില്ലെന്നതാണ് സത്യം. സ്തനവലിപ്പം ശരീരപ്രകൃതിയും ഒരു പരിധി വരെ പാരമ്പര്യവും അനുസരിച്ചായിരിക്കും. തടിച്ച ശരീരപ്രകൃതിയുള്ളവരുടെ സ്തനങ്ങള്‍ക്ക് സ്വാഭാവികമായും വലുപ്പവുമുണ്ടാകും. മെലിഞ്ഞവര്‍ക്ക് അതുപോലെ സ്തനവലിപ്പം കുറവും.

സ്തനവലിപ്പം ലൈംഗികതയേയോ ഗര്‍ഭധാരണത്തേയോ മുലയൂട്ടലിനെയോ ബാധിക്കുന്നുമില്ല. ഗര്‍ഭകാലത്ത് ശരീരത്തിലുണ്ടാകുന്ന ഹോര്‍മോണ്‍ വ്യത്യാസങ്ങള്‍ കാരണം സ്തനവലിപ്പം കൂടുന്നത് സ്വാഭാവികമാണ്. മുലയൂട്ടുന്ന സമയത്തും സ്തനവലിപ്പം കൂടുതലായിരിക്കും.

സ്തനവലിപ്പം വര്‍ദ്ധിപ്പിക്കാനുള്ള ഹോര്‍മോണ്‍ ചികിത്സയും ലേപനങ്ങളും ഇപ്പോള്‍ ലഭ്യമാണ്. സിലിക്കോണ്‍ ഇംപ്ലാന്റ് ചെയ്ത് ശസ്ത്രക്രിയ വഴി സ്തനവലിപ്പം കൂട്ടുന്ന രീതിയും ഇപ്പോള്‍ നിലവിലുണ്ട്. എന്നാല്‍ ഇവ പാര്‍ശ്വഫലങ്ങളുണ്ടാക്കുന്നതായും തെളിഞ്ഞിട്ടുണ്ട്.