അബോര്‍ഷന്‍ ഒഴിവാക്കാന്‍ വഴിയുണ്ട്‌

Updated: Monday, September 17, 2012, 15:55 [IST]

അബോര്‍ഷന്‍ പല സ്ത്രീകള്‍ക്കും സംഭവിക്കാറുണ്ട്. ഇതിന് പലവിധ കാരണങ്ങളുമുണ്ടാകാം. ചിലപ്പോള്‍ ഭ്രൂണത്തിന്റെ ക്രോമസോം വൈകല്യങ്ങളാകാം കാരണം. മറ്റു ചിലപ്പോള്‍ ഗര്‍ഭിണിയുടെ ശാരീരിക പ്രശ്‌നങ്ങളാകാം. ഗര്‍ഭിണിയുടെ ശ്രദ്ധക്കുറവു കൊണ്ടും ഇത് സംഭവിക്കാറുണ്ട്. അബോര്‍ഷന്‍ ഒഴിവാക്കാനുള്ള ചില വഴികളറിയൂ.

പുകവലി, മദ്യം, മയക്കുമരുന്നുകള്‍, അമിതമായ കാപ്പികുടി, അമിതവണ്ണം എന്നിവയും ഗര്‍ഭം അലസുന്നതിന് കാരണമാകാറുണ്ട്. ഗര്‍ഭിണി ഇവയെല്ലാം പാടെ ഉപേക്ഷിക്കുക.

ഗര്‍ഭം ധരിച്ച ഉടനെ ഡോക്ടറെ കാണേണ്ടത് അത്യാവശ്യമാണ്. നല്ലൊരു ഡോക്ടര്‍ക്ക് തുടക്കത്തില്‍ തന്നെ എന്തെങ്കിലും പ്രശ്‌നങ്ങളുണ്ടെങ്കില്‍ കണ്ടെത്താന്‍ സാധിക്കും.

ഫോളിക് ആസിഡ്, ധാതുക്കള്‍ എന്നിവയടങ്ങിയ ഗുളികകള്‍ ഗര്‍ഭിണികള്‍ക്ക് നല്ലതാണ്. ഇവ ഡോക്ടറുടെ നിര്‍ദേശപ്രകാരം മാത്രം കഴിക്കുക.

ഗര്‍ഭപാത്രം ചുരുങ്ങുക, സെര്‍വിക്കല്‍ പ്രശ്‌നങ്ങള്‍ എന്നിവയും ഗര്‍ഭം അലസാന്‍ കാരണമാകാറുണ്ട്.ഇവയ്ക്കുള്ള പരിഹാരം ഡോക്ടര്‍ക്ക് നിര്‍ദേശിക്കാനാകും.

ഭക്ഷണവും വളരെ പ്രധാനം തന്നെ. അമ്മയുടേയും കുഞ്ഞിന്റെയും ആരോഗ്യത്തിന് ഉതകുന്ന ഭക്ഷണം കഴിയ്ക്കുക. ഭക്ഷണവും വളരെ പ്രധാനം തന്നെ. അമ്മയുടേയും കുഞ്ഞിന്റെയും ആരോഗ്യത്തിന് ഉതകുന്ന ഭക്ഷണം കഴിയ്ക്കുക.പപ്പായ, പൈനാപ്പിള്‍ തുടങ്ങിയ ഫലങ്ങള്‍ ഒഴിവാക്കുന്നതും നല്ലതായിരിക്കും. ഇത്തരം ഫലങ്ങളില്‍ അടങ്ങിയിരിക്കുന്ന എന്‍സൈമുകളാണ് ഇതിന് കാരണമായി പറയുന്നത്.