ഗര്‍ഭകാലത്തെ കാല്‍വേദന ഒഴിവാക്കാം

ഗര്‍ഭകാലത്ത് കാലുവേദന പലര്‍ക്കും സര്‍വസാധാരണമാണ്. നാലാം മാസം മുതല്‍ പത്താംമാസം വരെ ഇത് അനുഭവപ്പെടുകയും ചെയ്യും.

വയറിന്റെ കനം കൂടുന്നതു കാരണം ശരീരഭാരം വര്‍ദ്ധിക്കുന്നതും കാലുകൡ മസില്‍ കയറുന്നതുമൊക്കെ ഇതിനുള്ള കാരണങ്ങളാണ്.

ഇത്തരം കാലുവേദനകള്‍ ഒഴിവാക്കാന്‍ ചില വഴികളുണ്ട്.

കാലിന്മേല്‍ കാല്‍ കയറ്റിവച്ച് ഇരിക്കരുത്. ഇങ്ങനെ ചെയ്യുമ്പോള്‍ രക്തപ്രവാഹം തടസപ്പെടുകയാണ് ചെയ്യുന്നത്. ഇത് കാല്‍വേദന വര്‍ദ്ധിപ്പിക്കും.

കാല്‍സ്യത്തിന്റെ തോത് കൂട്ടുകയെന്നതാണ് മറ്റൊരു കാര്യം. അധികം കൊഴുപ്പില്ലാത്ത പാല്‍, ചീസ്, ബ്രൊക്കോളി എന്നിവ കാല്‍സ്യം ധാരാളമടങ്ങിയ ഭക്ഷണസാധനങ്ങളാണ്. കാല്‍സ്യത്തിന്റെ കുറവ് കാല്‍വേദന ഉണ്ടാക്കുമെന്ന് പറയും.

ഗര്‍ഭകാലത്ത് ഹൈഹീല്‍ ചെരിപ്പുകള്‍ കഴിവതും ഒഴിവാക്കണം. ഇത് കാലിന് ആയാസം നല്‍കുകയും കാല്‍വേദന വര്‍ദ്ധിപ്പിക്കുകയും ചെയ്യും.

കിടക്കും മുന്‍പ് കാലുകള്‍ ചൂടുവെള്ളത്തില്‍ ഇറക്കി വയ്കകുന്നത് നല്ലതാണ്. ഇത് രക്തപ്രവാഹം വര്‍ദ്ധിപ്പിക്കുകയും കാല്‍വേദന കുറയ്ക്കുകയും ചെയ്യും.

കിടക്കുന്ന രീതിയും ശ്രദ്ധിക്കണം. മലര്‍ന്നു കിടന്ന് രക്തക്കുഴവുകള്‍ക്ക് സ്‌ട്രെസ് ഉണ്ടാക്കുകും രക്തപ്രവാഹം തടസപ്പെടുത്തുകയും ചെയ്യും. ഇത് കാല്‍വേദനയുണ്ടാക്കും.

ഇടതുവശം ചെരിഞ്ഞു കിടന്ന് ഉറങ്ങുന്നതാണ് കൂടുതല്‍ നല്ലത്. ഇത് ഗര്‍ഭസ്ഥ ശിശുവിനും നല്ലതു തന്നെ.